San Mateo 1
1
Arrpaꞌ all akellkareth allowen paꞌsoꞌchñexhno ñeñth paꞌtañneshañ pen Jesús
(Lc. 3.23-38)
1Arrpaꞌ all akellkareth Jesucristo paꞌtañneshañ eꞌñe paꞌsoꞌchñexhnowenet. Jesucristopaꞌ David poꞌmhreneñ, eꞌñe Abrahamotheñ. Allowen añ soꞌchñetspaꞌ ñeñthara mereñtsorekmoet.
2Abrahampaꞌ chemereꞌtana Isaac. Isaacñapaꞌ chemereꞌtana Jacob. Jacobñapaꞌ chemereꞌtana Judá epoet ñamha paꞌmoꞌnasheñexhno. 3Judáñapaꞌ chemereꞌtana Fares epoet ñamha Zara. Ñet pachoretpaꞌ añ paꞌsoꞌcheñ Tamar. Faresñapaꞌ chemereꞌtana Esrom. Esromñapaꞌ chemereꞌtana Aram. 4Aramñapaꞌ chemereꞌtana Aminadab. Aminadabñapaꞌ chemereꞌtana Naasón. Naasónñapaꞌ chemereꞌtana Salmón. 5Salmónñapaꞌ chemereꞌtana Booz. Ña pachorpaꞌ añ paꞌsoꞌcheñ Rahab. Boozñapaꞌ chemereꞌtana Obed. Ña pachorpaꞌ añ paꞌsoꞌcheñ Rut. Obedñapaꞌ chemereꞌtana Isaí. 6Isaíñapaꞌ chemereꞌtana David ñeñth amhchaꞌtarethtatseꞌth. Davidñapaꞌ chemereꞌtana Salomón. Ñeñthpaꞌ arroth Urías poethaporoth.
7Salomónñapaꞌ chemereꞌtana Roboam. Roboamñapaꞌ chemereꞌtana Abías. Abíasñapaꞌ chemereꞌtana Asa. 8Asañapaꞌ chemereꞌtana Josafat. Josafatñapaꞌ chemereꞌtana Joram. Joramñapaꞌ chemereꞌtana Uzías. 9Uzíasñapaꞌ chemereꞌtana Jotam. Jotamñapaꞌ chemereꞌtana Acaz. Acazñapaꞌ chemereꞌtana Ezequías. 10Ezequíasñapaꞌ chemereꞌtana Manasés. Manasésñapaꞌ chemereꞌtana Amón. Amónñapaꞌ chemereꞌtana Josías. 11Josíasñapaꞌ chemereꞌtana Jeconías epoet ñamha paꞌmoꞌnasheñexhno. Ñewa, Josíaspaꞌ alla chemereꞌtos allempo axhapatarethtet allaphar all anetso ñeñth paꞌsoꞌcheñ Babilonia.
12Allempo waxherret Babiloniothpaꞌ Jeconíasñapaꞌ chemereꞌtwerrana Salatiel. Salatielñapaꞌ chemereꞌtana Zorobabel. 13Zorobabelñapaꞌ chemereꞌtana Abiud. Abiudñapaꞌ chemereꞌtana Eliaquim. Eliaquimñapaꞌ chemereꞌtana Azor. 14Azorñapaꞌ chemereꞌtana Sadoc. Sadocñapaꞌ chemereꞌtana Aquim. Aquimñapaꞌ chemereꞌtana Eliud. 15Eliudñapaꞌ chemereꞌtana Eleazar. Eleazarñapaꞌ chemereꞌtana Matán. Matánñapaꞌ chemereꞌtana Jacob. 16Jacobñapaꞌ chemereꞌtana José ñeñthepaꞌtchaꞌ poerrollar phaꞌ María. Maríañapaꞌ cheyoreꞌtana Jesús, ñeñthara ñeñth Cristotats.
17Allempotheñ korreꞌth Abraham tharrempowa allempo korreꞌth ñamha David, ñeñthña allponsheña chemereshaꞌtnomoetspaꞌ alloꞌtsenkaꞌye xharrasheña poechenet paꞌtatssheña. Ñamha allempotheñ korreꞌth David tharrempowa allempo axhapatarethtet Babilonio, ñeñthpaꞌxhoꞌña alloꞌtsenerrerr xharrasheña poechena paꞌtatssheña ñeñth allponsheña chemereshaꞌterrtserr allempo. Ñamha allempotheñ axhapatarethtet Babilonio tharrempowa allempo eñalleta Cristo, ñeñthpaꞌxhoꞌña alloꞌtsenerrerr xharrasheña poechenet paꞌtatssheñet ñeñth allponsheña chemereshaꞌtnerrtserr tharrempowa allempo eñalleta ñamha Cristo.
Arrpaꞌ attho eñalleta Jesucristo
(Lc. 2.1-7)
18Theꞌpaꞌ oꞌch neserrpareꞌtatas attho allempo eñalleta Jesús. Allempoña María ñeñthchaꞌ pachor phaꞌ Jesúspaꞌ añkaꞌye oꞌpatenaya José ñoꞌch yoreꞌ. Ama yoreñaꞌpaꞌ Maríañapaꞌ awepaꞌt axhomenta Parets Poekamkëñoth. 19Joséña ñeñthchaꞌ poerrollar phaꞌpaꞌ ñañapaꞌ eꞌñe kowen acheñer ñeñthoꞌmarña ñapaꞌ ama moeno oꞌch penkach. Ñañapaꞌ ateth kothapeꞌch oꞌch ser eꞌñe aꞌnawotha. 20Allempoña ateth kothapeꞌchenpaꞌ machayothoꞌ orrtoña Yompor poꞌmhllañotheñer. Ñeñth orrtoya poexhopoñopaꞌ ateth otos:
—José Davidnaꞌtare, amach phaꞌllpatsto; pokteꞌkaꞌye oꞌch peyore María ñeñthchaꞌ pethapor pephaꞌ tharroꞌmar ñapaꞌ oꞌkaꞌye axhomenta Parets Poekamkëñoth. 21Theꞌpaꞌ eñalletatanchaꞌ asheñorr, ñeñthñapaꞌ pesochchaꞌ Jesús tharroꞌmar ñapaꞌ ñeñthchaꞌ aꞌkeshphaterreꞌ paꞌcheñer poꞌchñarothet. Arrpaꞌ allowa ñeñth ateth och mellañotheñ.
22Ñeñthpaꞌ tharroꞌmar ateth pha atthoch etsota ñeñth ateth eñoranaꞌtaneꞌth Isaías ñeñth aꞌmhtaweteꞌth Yompor poꞌñoñ, ñeñthpaꞌ ateth oteꞌth:
23Ñeñthña shopsheshaꞌpaꞌ amach aꞌphllarethotheyeꞌ axhomento; cheyoreꞌtanach asheñorr, ñeñthñapaꞌ sochetchaꞌ Emanuel.
Ñeñth ña soꞌchñetspaꞌ ateth oten: Theꞌña Paretspaꞌ eꞌñe parroꞌtseney.
24Allempoña José oyerr ñemoth, ateth och Yompor poꞌmhllañotheñerpaꞌ ñañapaꞌ atethxhoꞌ pha. Yoran María ñeñthchaꞌ poethapor phaꞌ. 25Tharraña ñapaꞌ ama aꞌphlleñe tharrempowa allempoch emareꞌtwa; ñeñthña asheñorrpaꞌ soch JESÚS.
Selectat acum:
San Mateo 1: ame
Evidențiere
Partajează
Copiază
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fro.png&w=128&q=75)
Dorești să ai evidențierile salvate pe toate dispozitivele? Înscrie-te sau conectează-te
© 2014, Wycliffe Bible Translators, Inc. All rights reserved.