Salmos 2
2
1¿Heeˉ baˊ laˈ chooꜙ dsaˉ juuˈ
hi̱ˉ tä̱ä̱hˊ läꜙka̱a̱ˉ läꜙjʉhꜗ jmɨˉgyʉʉꜙ?
Läꜙka̱a̱ˉ jeeˊ jwɨɨˉ dsaˉta̱a̱yhˋ juuˈ kweeˉ
kye̱yˉ hʉʉˊdsëˉ heˉ saꜙ jmääꜗ taˊ.
2Dsaˉku̱hꜗ dsaˉtaˊ ka̱a̱hˊ hiꜙ läꜙjë̱ë̱ꜙ dsaˉtaˊ mähꜗ
hi̱ˉ tä̱ä̱hˊ läꜙka̱a̱ˉ jmɨˉgyʉʉꜙ,
llayꜙ juuˈ haˉ läꜙ jeeˊ läˉhneeyˉ kya̱a̱hˊ Dio
hiꜙ läꜙkye̱ˉ kya̱a̱hˊ hi̱ˉ naˉhñaaˊ kya̱a̱yˈ.
3Jäyhꜘ: “Waˊ hnänˊ caden˜ kiyhꜗ heˉ kya̱a̱hˊ hñuuyhˉ jneˊ.
Waˊ lä̱ä̱ˊ jneˊ hñaanˈ kihꜗ hi̱ˉ jmeeꜙ hihꜙ jnänˋ.”
4Pero hi̱ˉ gyaꜗ jmeeꜙ hihꜙ gyʉʉhˈ ngɨɨ˜ bihꜗ kihꜗ hi̱ˉ heꜘ,
Dsaˉjø̱ø̱hˈ jnänˋ miˉkwa̱hꜗ bihꜗ kiyhꜗ.
5Läꜙcha̱hꜘ ja̱ˉ läꜙlle̱e̱yꜘ kya̱a̱hˊ hi̱ˉ heꜘ mahꜗ jʉʉyhꜗ kiyhꜗ.
Jø̱ø̱yhꜗ hi̱ˉ heꜘ kihꜗ heˉ yaˉjë̱ë̱ˈ dsëyꜗ, mahꜗ sɨɨyhꜙ:
6“Maˉhñaanꜙ ja̱a̱ˉ hi̱ˉ le̱e̱ꜘ dsaˉtaˊ jø̱ø̱hꜗ kya̱a̱hꜗ hnähꜘ.
Maˉlla̱a̱ꜗ jnihꜘ jeeˊ jwɨɨˉ Sión, mohꜘ naˉjngɨɨˈ kinꜙ.”
7Jnäꜘ jmeehnꜚ juuꜗ
haˉ läꜙ laꜗ hʉʉˊdsëˉ kihꜗ DSAˉJØ̱Ø̱Hˈ jnänˋ.
Hi̱ˉ heꜘ maˉsɨɨyhꜙ jnäꜘ:
“Hneˉ la̱a̱hꜗ gyʉ̱ʉ̱ˉ kya̱a̱nꜙ, naꜗ maˉla̱a̱nꜗ Tääˋ kya̱a̱hˈ.
8Ngɨɨˊ kinꜙ mahꜗ kwëëhnꜚ hneˉ läꜙka̱a̱ˉ läꜙjʉhꜗ jmɨˉgyʉʉꜙ,
hiꜙ läꜙka̱a̱ˉ hwaˈ leꜘ he̱e̱hꜚ.
9Heˉ cho̱o̱hˊ hmaˉhɨɨhꜗ heˉ laꜗ ñeˈ,
jmeeꜙ lii˜ heˉ llahˈ hwehˉ taˊ kihꜗ dsaˉ jmɨˉgyʉʉꜙ.
Waˊraˉ gaꜙtëꜘ jeeˊ llahꜗ taˊ kiyhꜗ,
läꜙko̱o̱ˉ heˉ jøøhˊ ko̱o̱ˉ mɨˈhyaˉ baˊ leꜘ kiyhꜗ.”
10Naꜗ läˉchaˉ jmɨɨˊ, nʉʉˉ hnähꜘ dsaˉtaˊ ka̱a̱hˊ.
Hnähꜘ dsaˉtaˊ mähꜗ, jmeeˊ daˊ hnähꜘ hʉʉˊdsëˉ.
11Waˊ ga̱hꜙ hnähꜘ Dsaˉjø̱ø̱hˈ jnänˋ,
jmeeˊ hnähꜘ taˊheꜗ kiyhꜗ.
Jmeeˊ hnähꜘ hwa̱a̱hˊ kya̱a̱yhˊ,
waˊ jë̱ë̱ꜘ hohꜘ hnähꜘ kya̱a̱yhˊ.
12Jmeeˊ hnähꜘ jʉʉhˉ kihꜗ Jo̱o̱yꜘ, mahꜗ saꜙ läꜙlle̱e̱yꜘ.
Läꜙja̱ˉ moꜙsoꜙ ju̱u̱hꜘ hnähꜘ jeeˊ gaꜙnäähˊ hnähꜘ.
Jëëhꜘ, cha̱hꜘ baˊ gwaꜘ yaˉjë̱ë̱ˈ dsëyꜗ.
Pero lluꜗ laꜗ kihꜗ läꜙjë̱ë̱ꜙ hi̱ˉ kye̱ˉ oˉjø̱hꜙ dsëˉ kihꜗ Dio.
Selectat acum:
Salmos 2: chz
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2003, Wycliffe Bible Translators, Inc. All rights reserved.