<div class="version vid2136 iso6393prq" data-vid="2136" data-iso6393="prq">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Aritaki iwitsikai-takiro okaratzi tzimatsiri inkitiki aajatzi kipatsiki. 2Tima irootaki 7-tatsiri kitaitiri ithonkan-takarori Pawa maaroni iwitsika-yitakiri. Ari imakoryaa-paaki irirori. 3Itasonka-kiro Pawa iroka 7-tatsiri kitaitiri, ikantaki: &#8220;Tasonkaaro onatyii iroka kitaitiri.&#8221; Tima iroka kitaitiri irootaki imakoryaan-takari Pawa iwitsika-yitantaka-rori okaratzi tzimayi-tatsiri.</div><div class="s">Isaiki atziri Posi&#241;aariniki</div><div class="p"> 4Iroka ikinkitha-takoi-tziro owitsikan-takari inkiti aajatzi kipatsi. Tima pairani owakira iwitsika-kiro Pawa inkiti aajatzi kipatsi, 5tikatsi pankirintsi shooka-tsini, tikatsi aajatzi towari-payi. Ti iwaryiiro inkani kipatsiki, tikatsi antawai-tatsini. 6Apatziro ositowaatzi nijaa kipatsiki, irootaki tsinka-patha-tzirori maaroni. 7Ipo&#241;aa yaaki Pawa kipatsi iwitsika-kiri atziri. Itasonka-kiri ikirimasiki, a&#241;aanaki. Aripaiti ya&#241;aanaki itanakarori atziri.</div><div class="p"> 8Ikantakaa-karo Pawa ontzimi pankirin-tsimasi tsika isitowa-piintzi ooryaatsiri, ipaitakiro Posi&#241;aarini. Ari imisaika-kiri yoka atziri iwitsika-kiri. 9Ari ishookakaaki Pawa inasiwai-tachari pankirin-tsipayi, owaniinka-yitachari, okaratzi iwaitari okithoki. Ishookakaaki aajatzi niyaankiniki pankirin-tsimasi apiti pankirintsi. Aparoni ya&#241;aantaitari, pasini iyotantai-tarori kamiithari aajatzi kaaripirori. 10Tzimatsi anta Posi&#241;aariniki aparoni nijaa, irootaki tsinkirori pankirin-tsimasi. Tzimatsi iroka nijaa okaratzi 4 ochiwaa. 11Itanakarori ochiwaa ipaitai-tziro Sinchaari, irootaki tapotachari anta Tapotaariniki, ari itzimiri ooro. 12Iriipirori inatzi ooro tzimatsiri anta, tzimatsi iriipirori tziritatsiri, tzimatsi aajatzi mapipayi poriryaa-tatsiri. #2.12 iriipirori tziritatsiri = bedelio, mapipayi poriryaatatsiri = &#243;nice 13Irooma apiti-tatsiri ochiwaa ipaitai-tziro Sipopojaarini, irootaki tapotachari anta Kisaapororiniki. 14Iroka pasini mawatatsiri ochiwaa ipaitai-tziro Tampishaarini, irootaki tapotachari anta tsika isitowa-piintzi ooryaatsiri Aatzikawiniki. Pasini 4-tatsiri ochiwaa, irootaki ipaitai-tziri Antaraani. 15Aritaki imisaika-kiri Pawa yoka atziri pankirin-tsimasiki Posi&#241;aariniki, iriitaki kaankiityaa-kotzirori pankirin-tsimasi, yaamaakowin-tyaaro aajatzi. 16Iroka ikantakiri: &#8220;Kamiitha-tatsi pinthotiro okaratzi tzimatsiri pankirin-tsimasiki. 17Irooma okithoki pankirintsi iyotantai-tarori kamiithari aajatzi kaaripirori, airo pithotziro. Aririka pinthotakiro, aritaki pinkamaki.&#8221;</div><div class="p"> 18Ipo&#241;aa ikantanaki Pawa: &#8220;Ti okamiithatzi isaikawaiti apaniroini atziri. Ontzimatyii nowitsiki-niri amitako-tirini.&#8221; 19Tima owakira iwitsikan-taka-riri Pawa maaroni ipiraitari-payi, aajatzi maaroni siwankiri-payi, kipatsi yaaki. Yamakiniri atziri ipaitai-tziri aajatzi Ad&#225;n, iwiniri iwairo-payi. Okaratzi iwakiniriri iwairo-payi iwitsikani Pawa, irojatzi iwairoyitari iro&#241;aaka. 20Imatakiro Ad&#225;n iwakiniri iwairo maaroni antami-wiri-payi, maaroni siwankiri-payi, aajatzi ipiraitari-payi. Titzimaita i&#241;ii aparoni amitako-tirini irirori. 21Ikantakaa-karo Pawa impochokiti Ad&#225;n. Ikanta imaapiro-tanaki Ad&#225;n, yayitakiri imiriki, iwitana-jiri kamiitha iwathaki. 22Irootaki imiriki atziri iwitsika-kiri Pawa aparoni kooya. Yamakiro Pawa i&#241;iiro atziri. 23Ikanta i&#241;aawakiro Ad&#225;n, ikantanaki:</div><div class="q">&#161;Naaka asitaro nowatha iroka!</div><div class="q">Irootaki notonki.</div><div class="q">Kooya ompaityaa,</div><div class="q">Tima iwatha sirampari iwitsikai-taki. #2.23 Iroka &#241;aantsi akantziri aroka &#8220;sirampari&#8221;, irootaki ikantai-tziri pairani &#8220;ish&#8221;, irooma akantziri aroka &#8220;kooya&#8221;, irootaki ikantai-tziri pairani &#8220;ish-shah&#8221;. Ari a&#241;iirori iroka &#241;aantsi &#8220;ish-shah&#8221; opo&#241;aaro &#241;aantsi &#8220;ish&#8221; akantziri aroka &#8220;sirampari&#8221;. Aririka antsipatairo a&#241;aawaitiro &#8220;ishah&#8221; osiyaro akantziri aroka &#8220;opo&#241;aa&#8221;. Aririka a&#241;aawaitiro &#241;aantsi &#8220;ish-shah&#8221; osiyawaitaro ankanti &#8220;sirampari-opo&#241;aa&#8221;.</div><div class="m"> 24Irootaki airo isaikantaja mainari-payi asitaririki aririka yaawakaa-najyaa, tima aparoni inkanta-najyaa iwathaki osiyawaityaaro iwichaa-wakaa-jyaami.</div><div class="p"> 25Tima kaanki-miriki ikantaka atziri aajatzi iina, titzimaita ipasikijii-tzi.</div>
 </div>
 </div>
</div>

Aritaki iwitsikai-takiro okaratzi tzimatsiri inkitiki aajatzi kipatsiki. Tima irootaki 7-tatsiri kitaitiri ithonkan-takarori Pawa maaroni iwitsika-yitakiri. Ari imakoryaa-paaki irirori. Itasonka-kiro Pawa iroka 7-tatsiri kitaitiri, ikantaki: “Tasonkaaro onatyii iroka kitaitiri.” Tima iroka kitaitiri irootaki imakoryaan-takari Pawa iwitsika-yitantaka-rori okaratzi tzimayi-tatsiri.

Iroka ikinkitha-takoi-tziro owitsikan-takari inkiti aajatzi kipatsi. Tima pairani owakira iwitsika-kiro Pawa inkiti aajatzi kipatsi, tikatsi pankirintsi shooka-tsini, tikatsi aajatzi towari-payi. Ti iwaryiiro inkani kipatsiki, tikatsi antawai-tatsini. Apatziro ositowaatzi nijaa kipatsiki, irootaki tsinka-patha-tzirori maaroni. Ipoñaa yaaki Pawa kipatsi iwitsika-kiri atziri. Itasonka-kiri ikirimasiki, añaanaki. Aripaiti yañaanaki itanakarori atziri.
Ikantakaa-karo Pawa ontzimi pankirin-tsimasi tsika isitowa-piintzi ooryaatsiri, ipaitakiro Posiñaarini. Ari imisaika-kiri yoka atziri iwitsika-kiri. Ari ishookakaaki Pawa inasiwai-tachari pankirin-tsipayi, owaniinka-yitachari, okaratzi iwaitari okithoki. Ishookakaaki aajatzi niyaankiniki pankirin-tsimasi apiti pankirintsi. Aparoni yañaantaitari, pasini iyotantai-tarori kamiithari aajatzi kaaripirori. Tzimatsi anta Posiñaariniki aparoni nijaa, irootaki tsinkirori pankirin-tsimasi. Tzimatsi iroka nijaa okaratzi 4 ochiwaa. Itanakarori ochiwaa ipaitai-tziro Sinchaari, irootaki tapotachari anta Tapotaariniki, ari itzimiri ooro. Iriipirori inatzi ooro tzimatsiri anta, tzimatsi iriipirori tziritatsiri, tzimatsi aajatzi mapipayi poriryaa-tatsiri. Irooma apiti-tatsiri ochiwaa ipaitai-tziro Sipopojaarini, irootaki tapotachari anta Kisaapororiniki. Iroka pasini mawatatsiri ochiwaa ipaitai-tziro Tampishaarini, irootaki tapotachari anta tsika isitowa-piintzi ooryaatsiri Aatzikawiniki. Pasini 4-tatsiri ochiwaa, irootaki ipaitai-tziri Antaraani. Aritaki imisaika-kiri Pawa yoka atziri pankirin-tsimasiki Posiñaariniki, iriitaki kaankiityaa-kotzirori pankirin-tsimasi, yaamaakowin-tyaaro aajatzi. Iroka ikantakiri: “Kamiitha-tatsi pinthotiro okaratzi tzimatsiri pankirin-tsimasiki. Irooma okithoki pankirintsi iyotantai-tarori kamiithari aajatzi kaaripirori, airo pithotziro. Aririka pinthotakiro, aritaki pinkamaki.”
Ipoñaa ikantanaki Pawa: “Ti okamiithatzi isaikawaiti apaniroini atziri. Ontzimatyii nowitsiki-niri amitako-tirini.” Tima owakira iwitsikan-taka-riri Pawa maaroni ipiraitari-payi, aajatzi maaroni siwankiri-payi, kipatsi yaaki. Yamakiniri atziri ipaitai-tziri aajatzi Adán, iwiniri iwairo-payi. Okaratzi iwakiniriri iwairo-payi iwitsikani Pawa, irojatzi iwairoyitari iroñaaka. Imatakiro Adán iwakiniri iwairo maaroni antami-wiri-payi, maaroni siwankiri-payi, aajatzi ipiraitari-payi. Titzimaita iñii aparoni amitako-tirini irirori. Ikantakaa-karo Pawa impochokiti Adán. Ikanta imaapiro-tanaki Adán, yayitakiri imiriki, iwitana-jiri kamiitha iwathaki. Irootaki imiriki atziri iwitsika-kiri Pawa aparoni kooya. Yamakiro Pawa iñiiro atziri. Ikanta iñaawakiro Adán, ikantanaki:
¡Naaka asitaro nowatha iroka!
Irootaki notonki.
Kooya ompaityaa,
Tima iwatha sirampari iwitsikai-taki.
Irootaki airo isaikantaja mainari-payi asitaririki aririka yaawakaa-najyaa, tima aparoni inkanta-najyaa iwathaki osiyawaityaaro iwichaa-wakaa-jyaami.
Tima kaanki-miriki ikantaka atziri aajatzi iina, titzimaita ipasikijii-tzi.

Слушайте Itanta-nakari 2