Известные библейские стихи из Exodo 8

Поделиться

Misulay usab paghimog mga tagnok ang mga salamangkero apan wala sila makahimo. May mga tagnok diha sa mga tawo ug mga mananap. Busa ang mga salamangkero miingon sa hari, “Buhat kini sa Dios.” Apan nagmagahi gihapon ang hari ug wala siya mamati kang Moises ug kang Aaron sumala sa gipasidaan kanila sa GINOO.

Unya ang GINOO miingon kang Moises, “Adtoa ang hari sa Ehipto ug ingna siya, ‘Mao kini ang giingon sa GINOO: Palakta ang akong katawhan aron mag-alagad sila kanako.

Sa pagkakita sa hari nga maarang-arang na ang ilang kahimtang, nagmagahi na usab siya ug wala na mamati kang Moises ug kang Aaron sama sa gipasidaan sa GINOO.

Kon dili mo sila palakton, kastigohon ko ang imong nasod pinaagig mga baki.

Ang GINOO miingon kang Moises, “Ingna si Aaron nga hapakon niya sa iyang sungkod ang yuta ug ang tanang abog sa tibuok Ehipto mahimong tagnok.”

Gihimo kini sa GINOO ug ang bagang panon sa mga langaw nanulod sa palasyo sa hari ug sa mga balay sa iyang mga opisyal. Mikatap kini sa tibuok yuta sa Ehipto ug nadaot ang nasod tungod sa mga langaw.