Известные библейские стихи из मरकुस 1

Поделиться

यीशु रात खुलून है पैलि जब अन्यारो छ्यो उठियान, और घर भटे भ्यार बिरान जागा में जाभेरन प्रार्थना करून लाग्यान।

उले लोगूनथैं क्योछ, “उ बखत आ चूकि ग्योछ, परमेश्वर हरेक लोगून में राज्य करोलो, येक कारण अपून पापून खिन पश्चताप करा और सुसमाचार में विश्वास करा।”

और जब यीशु पानि भटे भ्यार निकल्यान, उ बखत उ खिन आकाश खुलि ग्यो और यहूना ले यीशु का मलि में पवित्र आत्मा स कबूतर का समान उतरून देखछ्य। और स्वर्ग भटे परमेश्वर की आवाज सुणाई दीछ, “तैं म्येरो लाड़िल च्योलो छै, तैं है मैं भौतै खुशी छूँ।”

मैले त तुमून पानि को बपतिस्मा दीछ, लेकिन उ तुमून पवित्र आत्माले बपतिस्मा द्यालो।”

यीशु ले उनून बुलाभेरन क्योछ, “तुम म्यार दगाड़ आ, जसकैं तुम माछान पकड़ छा; उसीकैं मैं तुमून लोगून अपूनो शिष्य बनूनो सिखूलो।” तब उनूले तुरन्त अपूनो माछा पकड़ना को काम बन्द कर दीछ, और उक शिष्य बन ग्या।

लोग यीशुक उपदेश सुणिभेरन हैरान रैग्या, क्याखिनकि उ मूसा का नियम सिखून वाला नियाती नै, बल्कि उ उनून एक इसा गुरू की नियाती सिखूछ्यो, जैका पास सच्चो अधिकार छ्यो।