Известные библейские стихи из ᤗᤢᤁᤠ 11

Поделиться

ᤂᤡᤏᤡ᤹ ᤑᤧᤴᤏᤡᤱᤘᤠ᤹ ᤁᤧᤃᤳᤋᤢᤶᤛᤠᤱ ᤀᤠᤒᤠᤅᤣ ᤛᤠ᤺ᤜᤠ᤹ ᤏᤢᤒᤠ ᤆᤡᤃᤰᤘᤠᤜᤠ᤹ ᤐᤡᤔᤠᤛᤡ ᤁᤧᤗᤧᤛ᤻ᤛᤢᤶᤔᤡᤸᤗᤧ. ᤂᤡᤏᤡ᤹ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠ᤺ᤸᤗᤧᤀᤠᤱ ᤛᤣᤛᤣᤔᤠᤱᤅᤡᤴ ᤂᤡᤏᤡ᤹ ᤁᤧᤏᤠ᤺ᤰᤋᤢᤶᤔᤡᤸᤗᤧ ᤛᤧᤰᤂᤠᤛᤠᤱ ᤁᤧᤒᤡᤖᤡ᤹ᤀᤣᤖᤥ॥”

ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤔᤧᤳᤏᤡᤱᤗᤥ—ᤏᤠ᤺ᤰᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤶᤒᤡᤖᤡ᤹ᤖᤥ. ᤁᤥ᤺ᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤄᤥᤛᤢᤶᤗᤥ. ᤗᤠᤶᤎᤣ᤺ᤵᤐᤧᤴ ᤂᤰᤂᤰ ᤔᤧᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤗᤠᤃᤡ ᤗᤠᤶᤎᤣ᤺ᤵᤐᤧᤴ ᤜᤴᤗᤥ॥

ᤌᤣᤀᤠᤱᤓᤧᤸᤗᤧ ᤜᤠ᤺ᤳᤗᤧ ᤏᤠ᤺ᤰᤋᤢ᤹. ᤂᤧᤸᤗᤧ ᤂᤥᤛᤢ᤹. ᤜᤧᤰᤁᤩᤠᤱ ᤜᤠ᤺ᤳᤗᤧ ᤁᤥ᤺ᤳᤋᤢ᤹. ᤂᤧᤸᤗᤧ ᤕᤠᤱᤄᤢ᤹. ᤜᤧᤰᤁᤩᤠᤱ ᤜᤠ᤺ᤳᤗᤧ ᤗᤠᤶᤎᤣ᤺ᤵᤐᤧᤴ ᤂᤰᤂᤰ ᤔᤧᤳᤋᤢ᤹. ᤂᤧᤸᤗᤧ ᤁᤢᤗᤠᤃᤡ ᤗᤠᤶᤎᤣ᤺ᤵᤐᤧᤴ ᤜᤴᤗᤥ॥

ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤋᤢᤘᤠ ᤁᤧᤈᤥᤃᤢᤶᤔᤡᤸᤗᤧ ᤀᤰᤂᤣ ᤐᤠ᤺ᤳᤋᤧᤶᤔᤧ᤹. “ᤀᤠᤏᤡᤃᤣ ᤐᤠᤀᤣ. ᤔᤏᤠᤜᤠ᤹ᤖᤧ ᤁᤧᤔᤡᤱᤅᤡᤴ ᤛᤣᤛᤣ ᤔᤧᤀᤡ᤺ᤳᤋᤢᤖ ᤔᤡᤱᤛᤥ ᤀᤡᤱᤎᤠᤱ ᤁᤧᤶᤒᤡᤖᤖᤥ॥ ᤁᤧᤜᤠᤱᤈᤢᤶᤔᤡᤴ ᤋᤠᤖᤖᤥ॥

ᤀᤠᤏᤡᤃᤣ ᤗᤠᤕᤥᤗᤠᤶ ᤗᤧᤵᤔᤡ ᤀᤠᤒᤡᤖᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡᤃᤧᤀᤠᤱ ᤀᤠᤏᤡᤃᤣ ᤋᤰᤗᤧᤱᤘᤠᤀᤥ ᤗᤠᤕᤥ ᤁᤧᤈᤥ᤺ᤰᤐᤠᤜᤠ᤹ ᤁᤧᤖᤧᤰ ᤗᤧᤵᤔᤡ ᤐᤡᤖᤢᤶᤛᤡᤶᤒᤧ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤛᤠ᤹ᤔᤠᤀᤥ ᤀᤠᤴᤎᤠᤛᤧᤴᤏᤧ᤹ᤀᤥ॥”

ᤜᤧᤰᤁᤩᤠᤱ ᤌᤡᤰᤕᤠ᤺ᤴᤎᤰᤐᤠ ᤁᤢᤈᤠᤴ ᤀᤠᤒᤡᤖᤧ᤹ᤀᤥ॥

ᤂᤧᤏᤧ᤹ ᤁᤧᤔᤡᤰᤁᤡᤴ ᤏᤠᤛᤡᤱᤃᤧᤴ ᤁᤧᤎᤰᤁᤥᤒᤠ ᤛᤣᤔᤡᤖᤥ॥ ᤂᤧᤏᤧ᤹ ᤁᤧᤔᤡᤰᤁᤴ ᤏᤢ᤹ᤏᤧ ᤑᤠ᤹ᤃᤪ. ᤁᤠᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤀᤥ᤺ᤳᤗᤥ॥ ᤁᤖ ᤁᤧᤔᤡᤰᤁᤴ ᤑᤧᤴᤏᤧ ᤑᤠ᤹ᤃᤪ. ᤁᤠᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤂᤠᤍᤠᤶᤗᤥ॥

“ᤀᤠᤳᤋᤡᤸᤗᤧᤀᤠᤱ ᤛᤣᤔᤡᤴ ᤜᤠ᤺ᤴᤍᤢᤀᤠᤱ ᤏᤀᤡᤔᤠᤸᤗᤧ ᤔᤧᤛᤢ᤺ᤵᤋᤢᤴ ᤜᤧᤰᤁᤩᤠᤱ ᤔᤧᤈᤡᤰᤂᤢᤴᤏᤠᤱ. ᤁᤖ ᤜᤡᤶᤛᤡᤃᤠᤱ ᤁᤧᤗᤠ᤺ᤵᤐᤠᤜᤠ᤹ᤖᤧ ᤔᤧᤏᤡᤛᤢᤖ ᤑᤠ᤹ᤀᤠᤱ ᤆᤶᤈᤶᤒᤠ ᤋᤧᤴᤏᤥ ᤕᤢᤰᤂᤢ᤹ᤖᤥ॥