Известные библейские стихи из San Lucas 11

Поделиться

Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

Yakan kua káꞌan i xiꞌin ndo, nduku ndo ya nuu Ndioxi ta taxi ra ya ndaꞌa ndo. Nduku ndo ya nuu ra ta niꞌi ndo ya nuu ra, kani ndaꞌa ndo yeꞌe ta kuna ra ya nuu ndo.

Saa chi ndiꞌi na ndúku ndá ka ñaꞌa ta níꞌi na ya, ta na ndúku ndá ka ñaꞌa ta ndítaꞌan na ya. Ta ndiꞌi na káni ndaꞌa yeꞌe ta xúna yeꞌe nuu na.

Saa ndi̱kuiin Jesús káꞌan ra: ―Tá káꞌan ndo xiꞌin Ndioxi ta soꞌva kaꞌan ndo xiꞌin ra: Tata, Iva yo Ndioxi, ra íyo nuu ndivi, ná xaa toꞌo ni na ivi kivi un. Ta ná kixi un kaꞌnda chiñu un ñuu ivi yóꞌó. Tá kúꞌva xáꞌnda chiñu un nuu ndivi saa ná koo ya ikan un ñuu ivi yóꞌó.

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

Ta taxi un ñaꞌa ya xíniñuꞌu nde kuxi nde kivi vitin.

Tá káa ñu̱ꞌu̱ túun yo saa íin nduchi nuu yo, chi nduchi nuu yo kua síndiyeꞌe ndiꞌi ikin kuñu yo. Tá íyo vaꞌa nduchi nuu yo, ta saa íyo vaꞌa ndiꞌi ikin kuñu yo. Tá káa ya yéꞌe̱ saa káa ndiꞌi ya, sundi tá tu väꞌa nduchi nuu un, ta tá káa nuu naá, saa íin ndiꞌi ikin kuñu un.

Saa ndi̱kaꞌan ka Jesús xiꞌin na, káchi ra saa: ―Nda iin na ndíkaꞌmi ñu̱ꞌu̱ ta köo chíkaa sêꞌe na ya, ni köo ndíkasi na nuu ya xiꞌin yaxin, sundi chínuu sukun na ya, ya ná sindiyeꞌe ya nuu ndiꞌi na kuakiꞌvi ini veꞌe.