Известные библейские стихи из मरकुस 10

Поделиться

काबर कि मैनसे कर बेटा एकरे बर नी अईस है कि ओकर सेवा करल जाए, पर एकरे बर कि अपन आप सेवा करे, अउ ढेरेच झन मन ला छोड़ाए बर अपन प्रान दे।”

यीशु हर ओमन मन कती देख के कहिस, “लोग मन ले एहर नी होए सकथे, लेकिन परमेश्वर ले होए सकथे; काबर कि परमेश्वर ले सबेच कुछ होए सकथे।”

यीशु मसीह हर ओकर ले कहिस, “चईल जा, तोर बिश्वास हर तोला चंगा करिसे।” ओहर तुरतेच देखे लागिस, अउ डगर मे ओकर पाछू मे होए लेहिस।

एकरे बर जेला परमेश्वर हर जोड़िस है ओला लोग मन अलग झिन करे।”

यीशु हर ओला देख के ओकर ले प्रेम करिस, अउ ओकर ले कहिस, “तोर मे एक गोएठ कर कमी आहे। जा, जे कुछ तोर है ओला बेच के कंगाल मन ला दे दे, अउ तोला स्वर्ग मे धन मिलही अउ आए के मोर पाछू होए ले।”

एकर बर यीशु मसीह हर ओकर ले कहिस, “तय का चाहत हस कि मैहर तोर बर करो?” अन्धवा हर ओकर ले कहिस, “हे गुरू, ये कि मैहर देखे लागो।”

पर तुमन मन मे एसन नी है, बरन जे कोनो तुमन मन मे बड़खा होए बर चाही त ओहर तुमन मन कर सेवक बने

मैहर तुमन मन ले सहिच कहथो कि जे कोनो परमेश्वर कर राएज ला छउवा मन नियर गरहन नी करही, त ओहर ओमे कभो घुसे नी पईहा।”

पर ढेरेच झन जेमन आगू है, पाछू होही; अउ जेमन पाछू है, ओमन आगू होही।”

पर सृष्टि कर शुरू मे परमेश्वर हर नर अउ नारी कईर के ओमन मन ला बनईस है। एकरे कारन आदमी अपन दाऊ-दाई ले अलगेच होए के अपन घरदारिन कर संग मे रही, अउ ओमन मन दुई तन एक देह होही; एकरे बर अब ओमन मन दुई झन नही लेकिन एक देह होही।