Известные библейские стихи из SAN MATEO 2

Поделиться

Ar ajic naxiꞌoquic chic cok chipam i pa̱t, reꞌ take cꞌacharel reꞌreꞌ xquilow wach i haꞌlacꞌun chꞌi̱l i Mari̱ya reꞌ ritu̱t eh xquiyew rilokꞌil chi xquixucꞌa̱ꞌ qui̱b chiwach. Chiri̱j reꞌreꞌ, pꞌuht quitehem na̱ quicꞌola̱b chi resmejic cho kꞌan woric laj chꞌihchꞌ jeꞌ ru̱cꞌ qꞌuih tzꞌa̱k, chꞌi̱l take se̱nsa chꞌi̱l woꞌ take ncꞌohnic laj ikꞌo̱m Mi̱ra ribihnal eh xquikꞌahsaj chi jenaj si̱ chiwach.

Chipam take cho kꞌi̱j naxasjic i Jesus ar pan tinamit Welen pa riyukꞌul i Jure̱ya reꞌ wilic wi̱ꞌ i Hero̱res chi kꞌatal kꞌoric, xicꞌulic lok ar Jerusalen quib xib chi winak jeꞌ ru̱cꞌ aj noꞌjbal aj tijem take ri̱j chꞌimi̱l. Reꞌ take reꞌ xichalic pan jenaj tinamit reꞌ njohtic cho wi̱ꞌ i kꞌi̱j. Naxiponic ajic Jerusalen, jeꞌ wili pꞌuht quipahkam queh take cꞌacharel ar: «Reꞌ hoj kehtꞌalim chi reꞌ haꞌlacꞌun naricahnic chi quikꞌatal kꞌoric take ra̱ꞌ riꞌsil cho maꞌ Israhel xasjic chic maj cu pan katinami̱t reꞌ xojchalic wi̱ꞌ xkilow cho wach richꞌimilal. Chacuy, chakꞌor tak keh kꞌuruꞌ haj tinamit xasjic ruꞌum nok reꞌ hoj xojchalic chi riyeꞌeric rilokꞌil, nqui take.

Naxquilow chi jeꞌ reꞌ, kꞌe̱ꞌ rinimal sukquil cꞌuxlis xoquic cho cu̱cꞌ take winak reꞌreꞌ.

Chiri̱j chic quiwihꞌic ru̱cꞌ Mari̱ya chꞌi̱l Chep, reꞌ take winak aj tijem ri̱j chꞌimi̱l xisoljic woꞌ chic je pan quitinami̱t, xa reꞌ cok ruꞌ pan toco̱m chic be̱h xisoljic je wi̱ꞌ ruꞌum nok reꞌ jenaj raj tzꞌeꞌ wa̱ch i Dios xicꞌuhtaj ri̱b queh pan quiwiric, xikꞌor queh chi maꞌxta chic quisoljic je ru̱cꞌ Hero̱res. Jeꞌ woꞌ, pan jenaj chakꞌab pa riwiric i Chep, jenaj woꞌ chic raj tzꞌeꞌ wa̱ch i Lokꞌ laj Ajabe̱s Dios xicꞌuhtaj ri̱b reh eh jeꞌ wili xikꞌor reh: «Chatikꞌa̱ꞌ awi̱b chi ricꞌamaric je haꞌlacꞌun chꞌi̱l i ritu̱t eh hiy ar pan tinamit Eji̱pto chi ricꞌoloric awi̱b tak ar maj reꞌ Hero̱res naritokꞌom ribe̱h chi risiqꞌuiric rihaꞌlacꞌu̱n i Mari̱ya reh chi naricansam. Tiwi̱ꞌ tak ar cu rehtal chic nikꞌor aweh jaruj chic tisoljic tak cho, nqui reh.