Sawmus 2
2
Ka ik wis suguh Uhokri
1Mmahki madikte hiyeg dagawnebdi git Kiyavwiye Uhokri? Mmahki igkis suguhpig? Mmahpaki hiyegviyenevwi ivegmina gihiyekemnikis hene waditnevyenen?
2Madikte gikivarakis hiyeg amedgenevwi inin igkis ahegbete ginetnikis adahan suguhnekis Kiyavwiye Uhokri Dehetniye. Madikte igkis ikivaratviyene tuguhkis gihiyekemnikis hehpekuye adahan igkis kavetunsenekis nernewa ku pariye Kiyavwiye Uhokri gikanyan adahan ukumaduketniwiy.
3Igkis awna: “Uyay matisbete inin ku pariye kakak Uhokri wanakminevwiy. Uyay watakminew ariw ini uwankamnihkawiy adahan wixwiy isahptew giw Uhokri.”
4Igme Kiyavwiye Uhokri inurikyene, aytontak amadga gevwi kiyatyo inuriktak, ig hiyaraptihgikis. Ig awna gitkis: “Kitki yis isahptaw nuwhu? Yis yuma yidatni ariknawnama adahan yis keh yivit isahptaw.”
5Kuri avim inin igkis ka timap inakni giwn, heneme aysawnemenek igkis timapninek. Avim ini ig Kiyavwiye Uhokri awnanek inakni gitkis akak madikte gidagowni. Ig akkanek gitkis ku ig ka batek akak gihiyekemnikis mbeyevyenenwa. Avim ini igkis avisnek ka aynsima, yuma aviska hene akiw.
6Ig awnanek gitkis: “Kuwis nah kaniye pahavwi adahan yikumaduketni. Kuri avim inin nah keh ig humaw yikivara ay avit inin nuwaxig kewye Siyawh.”
7Igme ner ikivarat awnanek gitkis: “Nah akkite yit ku pariye Kiyavwiye Uhokri Dehetniye giwn nutuh. Ig awna nutuh: “Pisnewa nukamkayh. Kuri avim inin nah akkap ku pis igyewa nukamkayh.
8Hiyawa pis ayap nutuh ku pariye pimawkan. Nahme ikinek piwakurit madikte hiyegviyenevwi amadgaya inin. Nah ikinek pit madikte, niyesrikeknen inin waxri, adahan igkis humaw pidahan.
9Pis kumadukigkisnek madikte akak pisuga sivari hawata ku samah muwtohvutne kumaduka givigvu akak ah. Pis kadahan pidatninek adahan pisenwa gikakkis taraksavye hawata ku samah pahavwi batekerevutne bekbeta gibatkan ku pariye kane kabay git.”
10Pukuhpawnabay nikwe, yis ikivaratviyene amedgenevwi inin. Avuriwnabay yihiyekemni adahan yis ka taraksa.
11Kiyathanabay Kiyavwiye Uhokri Dehetniye akak yavisni. Kiyathanigbay akak madikte kiyatka.
12Kehnabay Kiyavwiye gikamkayh gibetki. Ku ka henema, ig dagawnenek yit. Nikwe pahaye adahan ig ehwenek yikak, ig padekweynek arimkanit biyukwiki. Mmanawa wis ka hiyak ku aysaw ig padakwinek. Heneme ku wis avuriswa git, ig utipkis wot kabaykanenwa.
Выбрано:
Sawmus 2: pluPB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2018, Wycliffe Bible Translators, Inc. All rights reserved.