Sɑn 1
1
Wun nbɑ tie Yennu Mɔb lɑbɑɑl
1Sintɑnsinm dinn, yuo nbɑ k Yennu din nɑn tingbounŋ nɑ, *Mɑɑn ponŋ din be. U din be nɑn Yennu e, k biɑ tie Yennu. 2Mɑɑn mɑnŋ e din be nɑn Yennu sinsinn. 3Yennu din jii Mɑɑn mɑnŋ e nɑn bont kul, k siɑl din kɑɑ k Yennu nɑn k l k nyii u ni, 4k u ni e biɑk k mɑnfuol be, k l mɑnfuol mɑnŋ e tie niib yentu, 5k yentl tingbounŋ nɑ bunbɔnn, k bunbɔnn nɑ k fit bɔnt yentu mɑnŋ.
6Jɑsuɑ nnɑ din be k u sɑnn yi Sɑn k Yennu din tun’ɔ. 7U din bɑɑl ɑ wun yet niib yentu mɑnŋ po, ɑ niib kul n tien yɑdɑ u mɑɑn nɑ pɑɑk. 8Sɑn tiɑɔnŋ kɑɑ din tie yentu mɑnŋ, ŋɑɑn u din bɑɑl ɑ wun tien yentu mɑnŋ siɑlɑɑdɑɑnɔ e. 9Bɑlmɔni yentu mɑnŋ nbɑ yentl niib kul nɑ din bɑɑl tingbounŋ ni. 10Mɑɑn din be tingbounŋ nɑ ni, k Yennu ponŋ din jii Mɑɑn mɑnŋ e k nɑn tingbounŋ nɑ kul, ŋɑɑn tingbounŋ nɑ ŋɑɑtieb lek tɑn k bɑnn Mɑɑn mɑnŋ. 11U din bɑɑl u tiɑɔnŋ duo ni, ŋɑɑn u niib din k gɑɑl’ɔ. 12Ŋɑɑn bin nbɑ kul gɑɑl’ɔ k tien’ɔ yɑdɑ, ŋɑnm e k u din tul’b yiikuo ɑ bii tie Yennu wɑɑs. 13Bɑɑ din tien Yennu wɑɑs nɑ, l k tie nɑn bɑɑ tuu mɑɑl wɑɑs biɑnŋ nbɑ nɑ kɑɑ, k biɑ k tie nilɔ nbɑ luon lin nbɑ kɑɑ, ŋɑɑn Yennu e tul’b mɑnfopɑɑnn.
14Mɑɑn mɑnŋ din tɑn kpɑnt nisɑɑlk, k tinm nɑn ŋuɑ din lɑkn kuɑ, k u gbie nɑn ninkpɑbɑɔnŋ nɑn bɑlmɔni. T din lɑ u *yudɑnt, k l yudɑnt tie lin nbɑ k Bijɑyenml lɑɑt u Bɑɑ buol ni.
15Sɑn din piɑk u po k nyinn u *siɑlɑ k yikn sɑnpɑɑpo wɑɑ ɑ: «Ŋuɑ e tie wun nbɑ k n dɑɑn yet ɑ: ‹Wun nbɑ wɑɑ n puol nɑ cie’n k mɑɑn u ponŋ din be e wɑɑ k b tɑn mɑl’n.› »
16Wɑɑ gbie nɑn ninkpɑbɑɔnŋ nɑ, k u tul’t yetŋɑnm k pukn yetŋɑnm pɑɑk. 17Muois din tul’t Yennu *senni e, ŋɑɑn Yiesu *Klistu e din bɑɑl nɑn ninkpɑbɑɔnŋ k biɑ din bɑɑl nɑn bɑlmɔni. 18Suɑ kɑɑ k mi lɑ Yennu. U mɔnŋ Bijɑyenml nbɑ set tie Yennu k biɑ kpiɑ’u nɑ, ŋuɑ e fiit’ɔ k wɑnn’t.
Sɑn Nyunwultuɑ lɑbɑɑl
(Mɑɑtieo 3.1-12; Mɑɑlk 1.1-8; Luk 3.1-18)
19Tɔn, nɑ e tie Sɑn *siɑlɑ nbɑ k u nyinn yuo nbɑ k *Suifnbɑ yudɑnm nbɑ din be Selusɑɑlenm nɑ din tun Yennu jɑɑnti yudɑnm nɑn *Liefiitnbɑ Sɑn mɑnŋ buol, ɑ bin boi’ɔ k lɑɑn u tie ŋmee? 20K Sɑn mun din k yet jiinu, ŋɑɑn jiin k yet yent k yɑɑ ɑ: «Min kɑɑ tie Klistu nɑ.» 21Ŋɑnn e k b boi’ɔ ɑ: «K ɑ tie ŋmee? A tie Elii ee?» K u jiin k yɑɑ ɑ: «N k tie Elii kɑɑ.» K b biɑ boi’ɔ ɑ: «K ɑ tie sɔkni nbɑ nɑ ee?» K u jiin ɑ: «N k tie ŋuɑ kɑɑ biɑk.» 22Ŋɑnn e k b boi’ɔ: «K ɑ tie ŋmee? Wɑnt’t fɑɑ tie wun nbɑ k t ŋmɑt sɑɑ yet bin nbɑ tun’t nɑ. A sɑɑ yet nlee k jikt sɑɑ ɑ mɔnŋ po?» 23K Sɑn jii sɔkni Esɑɑyi mɔbonɑ k jiin k yɑɑ ɑ:
«Min e tie wun nbɑ be muuk ni nɑ,
k huot yɑɑ ɑ:
‹Ŋɑnmt mɑn Yonmdɑɑnɔ bɑɑlu sɔnu k lii tuok.› »
24Niib nbɑ k b tun’m Sɑn buol nɑ din tie Fɑɑliisiɑnnbɑ e. 25K b biɑ boi Sɑn k yɑɑ ɑ: «L i tie k ɑ k tie Klistu, k biɑ k tie Elii, k biɑ mun k tie sɔkni nbɑ nɑ, k l tien nlee k ɑ wuul niib Yennu nyunwulu?» 26K Sɑn yɑɑ ɑ: «Min ŋɑnin wuul niib Yennu wulu nyun ni e, ŋɑɑn suɑ be i sinsuuk nnɑ k i k mi’u. 27Ŋuɑ e tie wun nbɑ yɑɑ wun wei n pɑɑk, ŋɑɑn k n k ŋɑn nɑn k n lot u tɑɑsɑɑŋmi.»
28Lin nbɑ nɑ kul din tien duo nbɑ sɑnn yi Betɑɑni e, k l din be *Suulden kpenu puotl. Lenŋ e k Sɑn din wuul niib Yennu nyunwulu.
Sɑn yɑɑ ɑ Yiesu tie Yennu Pebik
29Lɑɑ yent sɑn-nyiɑɔk, k Sɑn mɑnŋ lɑ Yiesu k u bɑɑt, k u yet niib nɑ ɑ: «Gotl mɑn. *Yennu Pebik nbɑ nyint tingbounŋ nɑ biit e nɑ. 30Ŋuɑ e tie dɑɑnɔ nbɑ k n won yet’i ɑ: ‹Jɑsuɑ tɑn sɑɑ wei n pɑɑk, k cie’n nɑ, k mɑɑn u ponŋ din be e wɑɑ k b tɑn mɑl’n.› 31N tuu k mi nɑn ŋuɑ e nɑ, ŋɑɑn n dɑɑn bɑɑl k wuul niib Yennu nyunwulu, ɑ Islɑɑeltieb n bɑnn’ɔ.»
32K Sɑn biɑ yet niib nɑ ɑ: «N dɑɑ lɑ Foŋɑnm, k u nyii *Yendɔunŋ ni k siik, k nɑɑn nɑn ŋmɑnn nɑ, k tɑn tuɑn u pɑɑk k biɑl nɑn’ɔ. 33N dɑɑn dɑɑ k mi nɑn ŋuɑ e nɑ, ŋɑɑn wun nbɑ tun’n ɑ n wul niib Yennu nyunwulu nɑ dɑɑn yet’n ɑ: ‹Dɑɑnɔ nbɑ k ɑ tɑn lɑ k Foŋɑnm siik k tɑn tuɑn u pɑɑk k biɑl nɑn’ɔ, fɑn bɑnn nɑn ŋuɑ e tɑn sɑɑ jii Foŋɑnm k wul niib Yennu nyunwulu.› 34N set lɑ nnɑ, k biɑ yien’i nɑn ŋuɑ e tie Yennu Bijɑ.»
Yiesu puolpoweitieb lɑbɑɑl
35Lɑɑ yent, k Sɑn sie lenŋ biɑk nɑn u *puolpoweitieb nɑ ni bɑnle, 36k tɑn lɑ k Yiesu gɑɑl sɑɑ, k u yet ɑ: «Gotl mɑn, *Yennu Pebik e nɑ.» 37K Sɑn puolpoweitieb bɑnle nɑ nbɑ gbɑt k Sɑn yet nnɑ mɑnŋ, k b nyik’ɔ, ŋɑɑn wɑɑ Yiesu. 38K Yiesu sɑɑ jiɑnt got k lɑ k b wɑɑ’u, k u boi’b ɑ: «I luon bee?» K b jiin ɑ: «Lɑɑbi#L mɔbonn tie Suifnbɑ mɑɑn ni mɔbonn e., (l pɑɑk tie wɑntuɑ) t luon k t bɑnn fɑɑ kuɑ siɑn e.» 39K Yiesu yet’b ɑ: «Ii wɑɑ mɑn k sɑɑ lɑ mɑɑ kuɑ siɑn nbɑ.» L din tie nɑn kut munnɑ yuo nɑ e dɑɑjuouk, k b wei’ɔ k sɑɑn k sɑɑ lɑ wɑɑ be siɑn nbɑ, k b ji din biɑl k be nɑn’ɔ dɑɑl mɑnŋ ni.
40B bɑnle mɑnŋ nbɑ din dɔnŋ gbɑt Sɑn nbɑ yet lin nbɑ k wɑɑ Yiesu nɑ, b yenɔ din tie Andle, wun nbɑ din tie Siimɔn Piɑl ninjɑ nɑ. 41Wɑɑ din nyii Yiesu buol ni nɑ puolpo e, k u sɑɑn yiɑn ɑ k sɑɑ lon u yuɑlɔ Siimɔn buol, k tɑn yet’ɔ yɑɑ ɑ: «T lɑ Meesi nɑ wɑɑ,» (k l pɑɑk tie Klistu,) 42ŋɑɑn bɑɑl nɑn’ɔ Yiesu buol. K Yiesu got’ɔ silll, k tɑn yet’ɔ ɑ: «Fin e tie Siimɔn wun nbɑ tie Sɑn bijɑ, ŋɑɑn ɑ sɑnn biɑ sii yi Sefɑɑs#Sefɑɑs pɑɑk tie tɑnn e Alɑɑmeɑn mɑɑn ni..» (k l pɑɑk tie Piɑl Glek mɑɑn ni.)
43L sɑn-nyɑfɑnnuk o, k Yiesu luon wun sɑɑn Gɑɑliile k cet Fiiliip k yet’ɔ ɑ: «Ii wɑɑ’n.» 44Fiiliip din nyii Betsɑidɑ e. Lenŋ e tie duo nbɑ k Andle nɑn Piɑl mun din nyii nɑ. 45K Fiiliip mun cet Nɑɑtɑɑniɑl k yet’ɔ ɑ: «T lɑ wun nbɑ k Muois din diɑn u po Yennu senni kɑdɑɑɔk ni, k sɔkniinbɑ biɑ din diɑn u po. Ŋuɑ e tie Yiesu wun nbɑ tie Suosiɑf bik, k nyii Nɑɑsɑɑlet.» 46K Nɑɑtɑɑniɑl yet’ɔ ɑ: «Nɑɑsɑɑlet ii? Bonŋɑnn sɑɑ fit nyi Nɑɑsɑɑlet ɑɑ?» K Fiiliip yet’ɔ: «A mɔnŋ mɔnŋ mun n bɑɑl k tɑn lɑ.»
47Yiesu nbɑ lɑ Nɑɑtɑɑniɑl k u bɑɑt u penŋ nɑ, k u pɑk u po k yet ɑ: «Mɔmɔnm Islɑɑel nilɔ e nɑ k fɑɑk kɑɑ u ni.» 48K Nɑɑtɑɑniɑl boi’ɔ: «A tien nlee k mi’n i?»
K Yiesu yet’ɔ ɑ: «Fiiliip nbɑ dɑɑ bo k bɑɑl k yiin’ɑ nɑ, ŋɑɑn suɑ k n ponŋ lɑ’ɑ wɑɑ, k ɑ kɑl *fiigie nyɑkl.» 49K Nɑɑtɑɑniɑl yet’ɔ ɑ: «Wɑntuɑ, ɑ tie Yennu Bijɑ e, k biɑ tie Islɑɑeltieb Kpɑnbɑl.» 50K Yiesu boi’ɔ: «Mɑɑ yet’ɑ ɑ n lɑ’ɑ k ɑ kɑl fiigie nyɑkl ni e, k ɑ tien’n yɑdɑ ɑɑ? ŋɑɑn ɑ sii lɑɑt bɑktnɔunŋ tuonjɑɑnɑ k lin gɑl lin nbɑ nɑ pɑɑk. 51Bɑlmɔni e k n yien’i nɑ, i tɑn sɑɑ lɑ *Yendɔunŋ ni luot, k Yennu *mɑlɑkɑɑnbɑ siik *Nisɑɑlk Bijɑ nɑ pɑɑk, k ŋmɑt do sɑnpɑɑpo.»
Выбрано:
Sɑn 1: MOBANT07
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Moba-Lok New Testament © Bible Society of Togo, 2007.
Sɑn 1
1
Wun nbɑ tie Yennu Mɔb lɑbɑɑl
1Sintɑnsinm dinn, yuo nbɑ k Yennu din nɑn tingbounŋ nɑ, *Mɑɑn ponŋ din be. U din be nɑn Yennu e, k biɑ tie Yennu. 2Mɑɑn mɑnŋ e din be nɑn Yennu sinsinn. 3Yennu din jii Mɑɑn mɑnŋ e nɑn bont kul, k siɑl din kɑɑ k Yennu nɑn k l k nyii u ni, 4k u ni e biɑk k mɑnfuol be, k l mɑnfuol mɑnŋ e tie niib yentu, 5k yentl tingbounŋ nɑ bunbɔnn, k bunbɔnn nɑ k fit bɔnt yentu mɑnŋ.
6Jɑsuɑ nnɑ din be k u sɑnn yi Sɑn k Yennu din tun’ɔ. 7U din bɑɑl ɑ wun yet niib yentu mɑnŋ po, ɑ niib kul n tien yɑdɑ u mɑɑn nɑ pɑɑk. 8Sɑn tiɑɔnŋ kɑɑ din tie yentu mɑnŋ, ŋɑɑn u din bɑɑl ɑ wun tien yentu mɑnŋ siɑlɑɑdɑɑnɔ e. 9Bɑlmɔni yentu mɑnŋ nbɑ yentl niib kul nɑ din bɑɑl tingbounŋ ni. 10Mɑɑn din be tingbounŋ nɑ ni, k Yennu ponŋ din jii Mɑɑn mɑnŋ e k nɑn tingbounŋ nɑ kul, ŋɑɑn tingbounŋ nɑ ŋɑɑtieb lek tɑn k bɑnn Mɑɑn mɑnŋ. 11U din bɑɑl u tiɑɔnŋ duo ni, ŋɑɑn u niib din k gɑɑl’ɔ. 12Ŋɑɑn bin nbɑ kul gɑɑl’ɔ k tien’ɔ yɑdɑ, ŋɑnm e k u din tul’b yiikuo ɑ bii tie Yennu wɑɑs. 13Bɑɑ din tien Yennu wɑɑs nɑ, l k tie nɑn bɑɑ tuu mɑɑl wɑɑs biɑnŋ nbɑ nɑ kɑɑ, k biɑ k tie nilɔ nbɑ luon lin nbɑ kɑɑ, ŋɑɑn Yennu e tul’b mɑnfopɑɑnn.
14Mɑɑn mɑnŋ din tɑn kpɑnt nisɑɑlk, k tinm nɑn ŋuɑ din lɑkn kuɑ, k u gbie nɑn ninkpɑbɑɔnŋ nɑn bɑlmɔni. T din lɑ u *yudɑnt, k l yudɑnt tie lin nbɑ k Bijɑyenml lɑɑt u Bɑɑ buol ni.
15Sɑn din piɑk u po k nyinn u *siɑlɑ k yikn sɑnpɑɑpo wɑɑ ɑ: «Ŋuɑ e tie wun nbɑ k n dɑɑn yet ɑ: ‹Wun nbɑ wɑɑ n puol nɑ cie’n k mɑɑn u ponŋ din be e wɑɑ k b tɑn mɑl’n.› »
16Wɑɑ gbie nɑn ninkpɑbɑɔnŋ nɑ, k u tul’t yetŋɑnm k pukn yetŋɑnm pɑɑk. 17Muois din tul’t Yennu *senni e, ŋɑɑn Yiesu *Klistu e din bɑɑl nɑn ninkpɑbɑɔnŋ k biɑ din bɑɑl nɑn bɑlmɔni. 18Suɑ kɑɑ k mi lɑ Yennu. U mɔnŋ Bijɑyenml nbɑ set tie Yennu k biɑ kpiɑ’u nɑ, ŋuɑ e fiit’ɔ k wɑnn’t.
Sɑn Nyunwultuɑ lɑbɑɑl
(Mɑɑtieo 3.1-12; Mɑɑlk 1.1-8; Luk 3.1-18)
19Tɔn, nɑ e tie Sɑn *siɑlɑ nbɑ k u nyinn yuo nbɑ k *Suifnbɑ yudɑnm nbɑ din be Selusɑɑlenm nɑ din tun Yennu jɑɑnti yudɑnm nɑn *Liefiitnbɑ Sɑn mɑnŋ buol, ɑ bin boi’ɔ k lɑɑn u tie ŋmee? 20K Sɑn mun din k yet jiinu, ŋɑɑn jiin k yet yent k yɑɑ ɑ: «Min kɑɑ tie Klistu nɑ.» 21Ŋɑnn e k b boi’ɔ ɑ: «K ɑ tie ŋmee? A tie Elii ee?» K u jiin k yɑɑ ɑ: «N k tie Elii kɑɑ.» K b biɑ boi’ɔ ɑ: «K ɑ tie sɔkni nbɑ nɑ ee?» K u jiin ɑ: «N k tie ŋuɑ kɑɑ biɑk.» 22Ŋɑnn e k b boi’ɔ: «K ɑ tie ŋmee? Wɑnt’t fɑɑ tie wun nbɑ k t ŋmɑt sɑɑ yet bin nbɑ tun’t nɑ. A sɑɑ yet nlee k jikt sɑɑ ɑ mɔnŋ po?» 23K Sɑn jii sɔkni Esɑɑyi mɔbonɑ k jiin k yɑɑ ɑ:
«Min e tie wun nbɑ be muuk ni nɑ,
k huot yɑɑ ɑ:
‹Ŋɑnmt mɑn Yonmdɑɑnɔ bɑɑlu sɔnu k lii tuok.› »
24Niib nbɑ k b tun’m Sɑn buol nɑ din tie Fɑɑliisiɑnnbɑ e. 25K b biɑ boi Sɑn k yɑɑ ɑ: «L i tie k ɑ k tie Klistu, k biɑ k tie Elii, k biɑ mun k tie sɔkni nbɑ nɑ, k l tien nlee k ɑ wuul niib Yennu nyunwulu?» 26K Sɑn yɑɑ ɑ: «Min ŋɑnin wuul niib Yennu wulu nyun ni e, ŋɑɑn suɑ be i sinsuuk nnɑ k i k mi’u. 27Ŋuɑ e tie wun nbɑ yɑɑ wun wei n pɑɑk, ŋɑɑn k n k ŋɑn nɑn k n lot u tɑɑsɑɑŋmi.»
28Lin nbɑ nɑ kul din tien duo nbɑ sɑnn yi Betɑɑni e, k l din be *Suulden kpenu puotl. Lenŋ e k Sɑn din wuul niib Yennu nyunwulu.
Sɑn yɑɑ ɑ Yiesu tie Yennu Pebik
29Lɑɑ yent sɑn-nyiɑɔk, k Sɑn mɑnŋ lɑ Yiesu k u bɑɑt, k u yet niib nɑ ɑ: «Gotl mɑn. *Yennu Pebik nbɑ nyint tingbounŋ nɑ biit e nɑ. 30Ŋuɑ e tie dɑɑnɔ nbɑ k n won yet’i ɑ: ‹Jɑsuɑ tɑn sɑɑ wei n pɑɑk, k cie’n nɑ, k mɑɑn u ponŋ din be e wɑɑ k b tɑn mɑl’n.› 31N tuu k mi nɑn ŋuɑ e nɑ, ŋɑɑn n dɑɑn bɑɑl k wuul niib Yennu nyunwulu, ɑ Islɑɑeltieb n bɑnn’ɔ.»
32K Sɑn biɑ yet niib nɑ ɑ: «N dɑɑ lɑ Foŋɑnm, k u nyii *Yendɔunŋ ni k siik, k nɑɑn nɑn ŋmɑnn nɑ, k tɑn tuɑn u pɑɑk k biɑl nɑn’ɔ. 33N dɑɑn dɑɑ k mi nɑn ŋuɑ e nɑ, ŋɑɑn wun nbɑ tun’n ɑ n wul niib Yennu nyunwulu nɑ dɑɑn yet’n ɑ: ‹Dɑɑnɔ nbɑ k ɑ tɑn lɑ k Foŋɑnm siik k tɑn tuɑn u pɑɑk k biɑl nɑn’ɔ, fɑn bɑnn nɑn ŋuɑ e tɑn sɑɑ jii Foŋɑnm k wul niib Yennu nyunwulu.› 34N set lɑ nnɑ, k biɑ yien’i nɑn ŋuɑ e tie Yennu Bijɑ.»
Yiesu puolpoweitieb lɑbɑɑl
35Lɑɑ yent, k Sɑn sie lenŋ biɑk nɑn u *puolpoweitieb nɑ ni bɑnle, 36k tɑn lɑ k Yiesu gɑɑl sɑɑ, k u yet ɑ: «Gotl mɑn, *Yennu Pebik e nɑ.» 37K Sɑn puolpoweitieb bɑnle nɑ nbɑ gbɑt k Sɑn yet nnɑ mɑnŋ, k b nyik’ɔ, ŋɑɑn wɑɑ Yiesu. 38K Yiesu sɑɑ jiɑnt got k lɑ k b wɑɑ’u, k u boi’b ɑ: «I luon bee?» K b jiin ɑ: «Lɑɑbi#L mɔbonn tie Suifnbɑ mɑɑn ni mɔbonn e., (l pɑɑk tie wɑntuɑ) t luon k t bɑnn fɑɑ kuɑ siɑn e.» 39K Yiesu yet’b ɑ: «Ii wɑɑ mɑn k sɑɑ lɑ mɑɑ kuɑ siɑn nbɑ.» L din tie nɑn kut munnɑ yuo nɑ e dɑɑjuouk, k b wei’ɔ k sɑɑn k sɑɑ lɑ wɑɑ be siɑn nbɑ, k b ji din biɑl k be nɑn’ɔ dɑɑl mɑnŋ ni.
40B bɑnle mɑnŋ nbɑ din dɔnŋ gbɑt Sɑn nbɑ yet lin nbɑ k wɑɑ Yiesu nɑ, b yenɔ din tie Andle, wun nbɑ din tie Siimɔn Piɑl ninjɑ nɑ. 41Wɑɑ din nyii Yiesu buol ni nɑ puolpo e, k u sɑɑn yiɑn ɑ k sɑɑ lon u yuɑlɔ Siimɔn buol, k tɑn yet’ɔ yɑɑ ɑ: «T lɑ Meesi nɑ wɑɑ,» (k l pɑɑk tie Klistu,) 42ŋɑɑn bɑɑl nɑn’ɔ Yiesu buol. K Yiesu got’ɔ silll, k tɑn yet’ɔ ɑ: «Fin e tie Siimɔn wun nbɑ tie Sɑn bijɑ, ŋɑɑn ɑ sɑnn biɑ sii yi Sefɑɑs#Sefɑɑs pɑɑk tie tɑnn e Alɑɑmeɑn mɑɑn ni..» (k l pɑɑk tie Piɑl Glek mɑɑn ni.)
43L sɑn-nyɑfɑnnuk o, k Yiesu luon wun sɑɑn Gɑɑliile k cet Fiiliip k yet’ɔ ɑ: «Ii wɑɑ’n.» 44Fiiliip din nyii Betsɑidɑ e. Lenŋ e tie duo nbɑ k Andle nɑn Piɑl mun din nyii nɑ. 45K Fiiliip mun cet Nɑɑtɑɑniɑl k yet’ɔ ɑ: «T lɑ wun nbɑ k Muois din diɑn u po Yennu senni kɑdɑɑɔk ni, k sɔkniinbɑ biɑ din diɑn u po. Ŋuɑ e tie Yiesu wun nbɑ tie Suosiɑf bik, k nyii Nɑɑsɑɑlet.» 46K Nɑɑtɑɑniɑl yet’ɔ ɑ: «Nɑɑsɑɑlet ii? Bonŋɑnn sɑɑ fit nyi Nɑɑsɑɑlet ɑɑ?» K Fiiliip yet’ɔ: «A mɔnŋ mɔnŋ mun n bɑɑl k tɑn lɑ.»
47Yiesu nbɑ lɑ Nɑɑtɑɑniɑl k u bɑɑt u penŋ nɑ, k u pɑk u po k yet ɑ: «Mɔmɔnm Islɑɑel nilɔ e nɑ k fɑɑk kɑɑ u ni.» 48K Nɑɑtɑɑniɑl boi’ɔ: «A tien nlee k mi’n i?»
K Yiesu yet’ɔ ɑ: «Fiiliip nbɑ dɑɑ bo k bɑɑl k yiin’ɑ nɑ, ŋɑɑn suɑ k n ponŋ lɑ’ɑ wɑɑ, k ɑ kɑl *fiigie nyɑkl.» 49K Nɑɑtɑɑniɑl yet’ɔ ɑ: «Wɑntuɑ, ɑ tie Yennu Bijɑ e, k biɑ tie Islɑɑeltieb Kpɑnbɑl.» 50K Yiesu boi’ɔ: «Mɑɑ yet’ɑ ɑ n lɑ’ɑ k ɑ kɑl fiigie nyɑkl ni e, k ɑ tien’n yɑdɑ ɑɑ? ŋɑɑn ɑ sii lɑɑt bɑktnɔunŋ tuonjɑɑnɑ k lin gɑl lin nbɑ nɑ pɑɑk. 51Bɑlmɔni e k n yien’i nɑ, i tɑn sɑɑ lɑ *Yendɔunŋ ni luot, k Yennu *mɑlɑkɑɑnbɑ siik *Nisɑɑlk Bijɑ nɑ pɑɑk, k ŋmɑt do sɑnpɑɑpo.»
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Moba-Lok New Testament © Bible Society of Togo, 2007.