Matta Zu̱r mban
Zu̱r mban
Njif nu̱ bu̱laki Labar mbarkandi nang, ɗya da chele pudeku ɓu̱ Yesu nu̱ka qaki nda za Matta.
Lagarkati nang wa wut nu̱ ɗyine Yesu chin ke Masiye nu̱ke Yakhudeku a bu ɓar ɓaranang, ba wa nu̱ shiki alqawaran mbu̱ lagarkati Taurete ɓu̱ annabi Musa ndu̱ Zabure ɓu̱ annabi Dauda kom ndu̱ Lagarkatiku ɓu̱ annabikwang. Matta wa gaɓ tu̱ maata ɓalar nu̱ Magham zu̱ki ɗyine Yesu ma wutan nu̱ ɗyine Yesu wa shi ɗyiku nu̱ke a nje bu̱laran mbu̱ lagarkatiku nang kap. Wa wut tu̱k nu̱ ɗyine Yesu a vi mbu̱ zhikankirku ɓu̱ Yibram tu̱ ka qa nda, “Yi ɓu̱ Dauda.” Mban za, Yesu a ɓa ku̱me chin ke Masiye nu̱ke a bu ɓar ɓaran kwang, yang Yakhudekwang ndu̱ var wor nu̱ maita nda ku ɓa.
Yang lagarkatang wa wut tu̱k nu̱ ɗyine Labar mbarkandi ɓu̱ Masiya Yesu ɗya ɓu̱ Yakhudeku ɗyenda ɓa, ɗya ɓu̱ nduki nu̱ larji kap. Lagarkati nang wa wut ye dalang nu̱ ɗyine Yesu ɗya maalu̱m gwaanji nu̱ke shogar ɓaran ndu̱ ɓalar ɓaran zalale a si maɗyi tu̱ duk ɓu̱ annabi Musa.
Lagarkati nang wa nyel shogar ɓu̱ Yesu san qurmun. (1) Shogar ɓu̱ Yesu ɗyine dleng gwaanji (san 5–7). (2) Shogar ɗyine njiv nu̱ke nu̱ wopar ɓalar ɓu̱ Masiya ka shiki tlu̱nar ɓaran (san 10). (3) Shogarku zum zum ɗyine kwaaɗar ɓu̱ Magham (san 13). (4) Shogar ɗyine pooni ɗye shir mbarkandi nu̱ shipaki ku̱ nu̱ mbu Yesu ku kha si (san 18). (5) Kom ndu̱ shogar ɗyine lauɗarsi qaandi virkirku ndu̱ ɗyiku nu̱ke ka ɗatlki ye sarchi ni (san 24–25).
Ɗyiku nu̱ke a mban
Khar ɓu̱ Yesu ndu̱ zhikankirku ɓaran1:1–2:23
Wopar ɓu̱ Yokhana nu̱ Baptisme3:1-12
Baptisme ɓu̱ Yesu ndu̱ buuri nu̱ Sheɗan shiki yenda3:13–4:11
Tlu̱narku ɓu̱ Yesu mbu̱ ghai Galili4:12–18:35
Gaɓti ɓu̱ Yesu nu̱ Galili ma yir Urshalima19:1–20:34
Lauɗarsi tlu̱nar ɓu̱ Yesu mbu̱ Urshalima21:1–27:31
Kaatli Yesu gha me qu̱far ndu̱ mu̱ti ɓaran27:32-66
Jiiri ɓu̱ Yesu mbe mu̱ti ndu̱ wuti varan ye nduki28:1-20
Выбрано:
Matta Zu̱r mban: ttrNT
Выделить
Поделиться
Копировать
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fru.png&w=128&q=75)
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Nigeria Bible Translation Trust in cooperation with Wycliffe Bible Translators, Inc.
© Wycliffe Bible Translators, Inc. and
© The Nigeria Bible Translation Trust 2016