MAKISA 3
3
1YI Pita yi Yoano bakaya ku tempelo ku ola alombabo, a dibwa. 2Muntu lolo akadi kitumbi pôi difu dia mamanci akacwadibwa, akatekabo dituku dioso ku kibwelelu kia tempelo kiabikidibwa ene, Lwoxixi, ndo kubalomba malongi a mwengo badi mu kubwela munda mwa tempelo ; 3yei, biakamonayi Pita yi Yoano baxebwela mu tempelo, akalomba dilongi dia mwengp kwangata. 4Pita lolo, akamuxingulula yi Yoano, akatôya ene, Ututebeli. 5Yi akabadingila, amakwenca ndo kwangata kintu kudibo. 6Mo Pita akatôya ene, Mpalata yi ôlo—meme kiena yinayo ; kaninga kintu kidi yinami, kakieki kinkupapa ; ku dina dia Yisu Kalistu a Nasalete, ombuluka, enda. 7Yi akamukwata ku kianca kia kidyo yi akamwombulula, yi makasa anci akasuba mangwoso yi mifwa ya manyungu a mikolo. 8Yei lolo akatamba kulu, akakwemana, akakwenda ; yi akabwela munda mwa tempelo, udi mu kwenda, yi kutamba tamba, yi kutumbisa Ncembi. 9Yi bungi bwa bantu bakamumona udi mu kwenda yi kutumbisa Ncembi ; 10yi bakamulembetela udi you akaxikamina malongi a mwengo ku kibwelelu kia Lwoxixi kia tempelo ; yi bakakwolubixibwa makamu yi bowa bwalo bwa kipoma kiakamuponena. 11Biakabambayi lolo Pita yi Yoano, bungi bwa bantu bakaya mbilu kudibo ku mbalanda abikidibwa ene, a Solomono, badi mu kukama kama bongonco.
12Pakamona Pita noku, akakwambila bantu ene, Bena Isalele, kukai nwakamina kintu kieki ? Kukai nutwaxixima kulexi ndo twamamwendesa ku ngulu yecu ndo ku nkwami yecu ? 13Ncembi a Abalami yi a Isaka, yi a Yakobo, Ncembi a batetecu amatumbisa Musadi anci Yisu, unwakalongola nonu, yi nwakamunyañana ku mpala a Pilata, pakadi yei amasambola ene, Apaudibwi. 14Kaninga nonu nwakanyañana Muntu a babala yi a nkwami, nwakalomba muntu anupebwi, muxipanani ; 15mo nwakaxipa Mupangi a môyo, akabisa Ncembi kudi bafu ; yi coco tudi bena ntôbô. 16Yi ku kwetabusa kwa dina dienci, dina dienci diamateka muntu you yi ngulu unwamona, unwalubukwa ; yi kwetabusa kwaku kwapwakala kudiyi, kwamamupa mpinyu yei bô ku mpala yenu ya bungi bwenu.
17Nkyekyu lolo, bena kwami, ngwalubukwa ene, nwakakwenca noku yi bwilwa, yi bafumu benu kabidi ; 18kaninga Ncembi amafikisa bintu nako biakatôyayi ku buxi ku musuku ă badimuxi boso ene, Kalistu anci uxetata. 19Mbwôso nudibeli, nukulumuki, bixencimibwa mabi enu, bixelwa bikondo bia kusubanană ku mpala a Fumu. 20bixetumayi Yisu Kalistu akanulungikidibwa ku buxi ; 21uxeangata diulu pôi matuku a kipingaxilu kia bintu bioso, kiakatôya Ncembi ku musuku ă badimuxi banci ba babala, pôi kibangilu kia loboko. 22Mosese akatôya sôsôlwo ene, Fumu Ncembi enu unanubandixila mudimuxi kudi bena kwenu bea mikyemi ; yi nunamwombwela yei ku kintu kioso kinanwambilayi. 23Kunakala lolo, muntu mwoso utasokwombwela mudimuxi you unancimibwa dyendeli kudi bantu. 24Badimuxi boso lolo pôi Samwele, yi bobo bakamulandudila, isanga bantu boso bamatôya, bamasakola kabidi dia matuku aa noku. 25Nonu nudi bana ba badimuxi yi ba disambi diakasambika Ncembi yi batetecu, bea biakatôyelayi Abalami ene, Kudi mwanebe kunalwangwasanibwa bungi bwa malungu a loboko. 26Ncembi, pakadi amabisa Musadi anci, amamutuma kunudi buxi, kulwa nulwangwasana pa kunukulumuna muntu mwoso ku bwalo bwenu bubi.
Выбрано:
MAKISA 3: Luna_NT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© La Société biblique de Genève