YOANO 1
1
1KU bubangabanga kwakakala Diyi, yi Diyi diakakala yi Ncembi, yi Diyi diakakala Ncembi. 2Yei akakala ku bubangabanga yi Ncembi. 3Bintu bioso biakapangibwa kudiyi ; kutena you, kintu kipanga kakinako kitapangayi. 4Munda mwanci mwakadi moyo ; yi môyo ăkadi obo a bantu. 5Yi obo amalumuka mu mwedima, yi mwedima ăkadi kausomukyendula.
6Muntu akadiko, amatumibwa kudi Ncembi, dina dienci ene, Yoano. 7Yei akalwa bwalo bwa ntôbô, bixetôbôlelayi obo ntôbô, bixekwetabusa bantu boso kudiyi. 8Yei kakadi obo, kate akalwa bixetôbôlelayi obo ntôbô. 9Obo a sôsôlwo ndo you, akatekyela muntu mwoso obo pa kulwa ku loboko. 10Akadi ku loboko, yi loboko Iwakapangibwa kudiyi, yi loboko kalwamulubukwa. 11Akalwa kwanci, yi bangongo banci bakadi kabasomwangata. 12Kaninga bobo bakamwangata, akabapa bumanya bwa kwakala bana ba Ncembi, isanga bobo bamakwetabuxila dina dienci ; 13bakalelebwa kumoni ku maxi, kumoni ku nyinga ya munyu, kumoni ku nyinga ya muntu, kate kudi Ncembi.
14Yi Diyi diakatulowa ku munyu, yi diakakala kutudi ; (yi coco twakatebela dikai dienci, dikai dia luna mwana a ditôi yi tetenci), diamakwolubilañana yi lwoxixi yi sôsôlwo. 15Yoano umwatôbôlela ntôbô, yi amatôya ene, You ndo yei unakatôya dienci, ene, You ulolwa kunyuma kwamene amadika ku buxi bwamene, bwalo bwakakalayi ku buxi bwamene. 16Ku Kiolubilu kienci lolo ndo kutwapwangata coco bungi bwecu, yi lwoxixi pelu pa lwoxixi. 17Bwalo bwakapebwa bwadi kudi Mosese ; lwoxixi lwapwakala yi sôsôlwo kudi Yisu Kalistu. 18Muntu kienako amamona Ncembi ku kikondo kioso ; Mwana a Ditôi, udi mu kiedi kia Tete, amamusakola mikyenci.
19Kunu lolo kudi ntôbô ya Yoano, pakadi bena Yuda bamatuma makanda kudiyi yi bena Lebi ku Yelusaleme kulwa mwapangusa, ene, Owe udi ñani ? 20Akasakola, kanyananini ; akasakola ene, Meme kiena Kalistu. 21Bakamwapangusa ene, Ape kai ? Owe udi Eliya ? Akatôya ene, Kañana. Owe udi mudimuxi you ? 22Akapingasa ene, Kumoni. Ndo biakamutôyelabo ene, Udi nani ? bituxecwala diyi kudibo bamatutuma. Watôya beci ku bwalo bwebe mikyebe ? 23Yei ene, Meme ndi diyi dia muntu udi mu kutôya mu mbata a kisobe ene, Nuxembeyi ncila a Fumu, mwakatôya Esaya mudimuxi. 24Bobo bakatumibwa kudi baFalixi. 25Yi bakamwapangusa yi bakamwambila ene, Ape wanumeya kukai ? ndo kuna Kalistu, sungu Eliya, sungu mudimuxi you. 26Yoano akabapingasa ene, Meme ngwanumeya mu mai. Pakacikaci penu pamakwemana muntu unutasolubukwa nonu, 27you ulolwa kunyuma kwamene, untasolelekyela meme yi kusula muxinga ă dikaka dienci. 28Bintu bebi biakapona ku Betani, dixia dia Yôdana, kwakanumeya Yoano.
29Mankyelo akamona Yisu udi mu kulwa kudiyi, yi akatôya ene, Mona, Mwana a mukwakwa a Ncembi ancula bubi bwa loboko. 30You ndo yei unakatôya ene, Muntu ulolwa kunyuma kwamene ndo adika ku buxi bwamene, bwalo bwakakalayi ku buxi bwamene. 31Yi meme kimulubukili, mo ene, uxekwebexebwa kudi Isalele, ndo binapulwa numeya mu mai. 32Yi Yoano akatôbôla ntôbô ene, Nakamona Mwoxixi udi mu kupweka bea kimbenga mu diulu, yi akasala kulu kwanci. 33Yi meme kimulubukili ; kate you akangutuma kulwa numeya mu mai, yei akangutôyela ene, You unamona owe Mwoxixi udi mu kupweka yi udi mu kusala kulu kwanci, you ndo yei anumeya yi Mwoxixi a babala. 34Meme lolo namamona yi namatôbôla ntôbô ene, yei ndo Mwana a Ncembi. 35Mankyelo kabidi Yoano akakwemana yi beyi banci babidi. 36Yi akadingila Yisu pakakwendayi, yi akatôya ene, Mona, Mwana a mukwakwa a Ncembi.
37Yi beyi babidi bakakwombwa diyi dienci yi bakalanda Yisu. 38Yisu lolo akakulumuka, yi akabamona badi mu kulanda, yi akabatôyela ene, Nwapalala kai ? Bobo bakamwambila ene, Labi (pa kusakolebwa, ene, Mweyexi), kwebe kwakala kudi kupai ? 39Akabatôyela ene, Nulwi tebela. Bakaya lolo yi bakamona kwakakalayi, yi bakasala yinanci dituku dedi. Kwakadi pepe yi ola disangi.
40Munga abo a babidi baba bakakwombwa Yoano yi bakamulanda akadi Andelo, Ximono Pita mwakunyenci. 41Yei akasañana Ximono mukulwanci buxi, yi akamwambila ene, Twamasokolola Mesiya, (pa kusakolebwa ene, Kalistu). 42Yi akamucwala kudi Yisu. Yisu akamumona yi akatôya ene, Owe udi Ximono, mwana a Yona ; owe unatambibwa ene, Kyefasa, (pa kusakolebwa ene, dibwe). 43Mankyelo akananga kuya ku Ngalili, yi akasañana Filipi ; yi Yisu akamutôyela ene, Ungulandudili. 44Filipi lolo akadi muna Betesaida, bula bwa Andelo yi Pita. 45Filipi akasañana Natanyele, yi akamwambila ene, Twamasokolola you akafunda Mosese mu bwadi ku bwalo bwanci, yi badimuxi, Yisu, mwana a Yosefe, udi muna Nasalete. 46Yi Natanyele akamutôyela ene, Kintu kioso kinengela kiamalubukwa kubatuka mu Nasalete ? Filipi akamutôyela ene, Lwaka lwa moni. 47Yisu akamona Natanyele udi mu kulwa kudiyi, yi akatôya ku bwalo bwanci ene, Mona muna Isalele a sôsôlwo ; utena yi buluba munda mwanci pô. 48Natanyele akamutôyela ene, Wapungulubukwa kupai ? Yisu akapingasa yi akamwambila ene, Buxi butakubikila Filipi, pakadi owe utani muxi mwa kikuyi, meme nakakumona. 49Natanyele akamwambila ene, Labi, owe udi Mwana a Ncembi, owe udi Fumu a Isalele. 50Yisu akapmgasa yi akamwambila ene, Bwalo bunakakutôyela ene, Nakakumona muxi mwa kikuyi, ndo bwapwetabusa ? Unamona bintu biadika bebi binene. 51Yi akamwambila ene, Sôsôlwo, sôsôlwo, nwatôyela ene, Nunamona diulu diamadipuka, yi bangele ba Ncembi badi mu kuximuna yi badi mu kupweka kulu kwa Mwana a Muntu.
Выбрано:
YOANO 1: Luna_NT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© La Société biblique de Genève