मत्ती 13
13
बेजा एचाड़ो द्रष्टान्त
(मरकु 4:1-9; लूको 8:4-8)
1दोहथर यीशु चूंङज़ि हुंच़ा गलील झीलो मुखारिंङ इलजे बंङज़ा तोहई। 2दंङ दोऊ कछंङ धोंण मोह्ड़े भीड़ ठ्रोहका शुई कि दुह किशतीरिंङ हुंज़ा दोहर बंङज़ा इलि, दंङ भत्ते भीड़ मुखंङ खड़े केहषा इलि। 3दंङ यीशुज़ि दोतंङ कथारंङ अंयों शुहदा गप्पारे कुहते; “इच्च़ा ज़िमदार बेईज़ा एच़ी हुंच़िरी।
4ऐहच़ा तर फोआ बेईज़ा अमरिंङ दहचे इलि दंङ दुह प्याज़ि अंज़े पैहचा शिलिर। 5रेहईया बेजा रह्घचटे ठाहरीरिंङ दहछा, दोहर दोबि महस श्रोह माह खोकसिरंङ साते दुह याहपन लंङसा इलि। 6पर ऐके लेहपिरंङ दोरे रोहष्रा इलिरे, दंङ जड़ मा चुम्ज़ी रंङ साते दुह कर्चे इलि। 7रेह बेईज़ा छ्वाक्तु विचंङ दाहछातेर दंङ छ़वाक ए बढ़ेके दोरे जहपासा इलिरे 8पर रेह रुठे धरती रिंङ दह्चे फसल अंजा, रेह राह गुणा, रेह षुमनिज़ा गुणा, रेह निंज़ो सा गुणा। 9छिल: गेह कुट्रातग दुह ध्यानारंङ साते रेड्रुंई।”
दृष्टांततु मकसद
(मरकु 4:10-12; लूको 8:9-10)
10चेलाज़ि यीशु कछंङ इलजे कुह्तोर, “केई मीहतंङ साते कथारिंङ गप्पा छिले लहतन?” 11दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर। 12छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई। 13गेह दोतिंङ कथारिंङ दिऊ थल्जी कुट्रातग, कि दोरे खंड्रातोर पर सोचेक्च़ातोर माह, दंङ रेड्रातोर पर समझेक्च़ातोर माह। 14दोतु पाहठी यशायाह भविष्यवाणी ऊ दिह कताब पुरे शवाह: ‘कि
केहच़ी रेट्रे ता रेड्रोंई,
पर समझेक्पोंई माह। पर
टिरे ता खमोंई,
पर तंङफोतो माह।’
15छना कुचे दोतु सेहम रघ शुहचे इलजी तोह।
दोच़ी रेट्रे जोहरे तहच़ातोर
दंङ दोच़ी एनातु टिरारे बंद लाहसी ततोर।
झांह शुबी मेस कि दोच़ी टिरे खंड्री लेहपोर,
रेट्रे ताह पोर दंङ सेहमे ञेंओर,
दंङ याहच़ोर
दंङ गेह दोरे ठीक लोहग।
16पर धन्य शुह रे केहतु टिरारे, कि दोच़ी खंड्रातोर; दंङ केहतु रेहट्रारे कि दोच़ी रेड्रातोर। 17छना कुचे गेह केतंङ साते हेले कुट्रातग, कि महस भविष्यवक्ता ए धर्मीज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर दंङ अंऊ गप्पा केहच़ी रंड्रातंई, दोच़ी लाह रेड्रोर, पर रेड्री मरतिरे।
बेजा एचाड़ो कथा ओ व्याख्या
(मरकु 4:13-20; लूको 8:11-15)
18दह केहच़ी बेईज़ा एहच़ाड ज़िमदारो कथाओ मतलब रेड्रुंई: 19अच़िला परमेश्वरो राज्यऊ वचन थहशे ला माह ञेंहच़ा, दोऊ सेहमरिंङ छिला एहसी तोहई दुह मांजी दोई अंज़े ख्युलजे रेंज़ा शिलज़ा। 20ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। 21छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। पर अपेहल विशवासो बज़ाहज़ि छिल्ला दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर। 22अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी। 23अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर। झांह ठ्रोह मीहरे दुह बैएजा ठ्रोह तोह अच़ि निंज़ो सा गुणा, षुमनिज़ा गुणा, राह गुणा फलेके तोह।”
जंगली बेजो कथा
24यीशुज़ि दोतिंङ ऊई कथा रेंई; “स्वर्गो राज दुह ज़िमदारो ठ्रोह शुह अच़ि एनोह रीहरिंङ रूठे बेईज़ा एह्चातो। 25पर अपेहल मीहरे इमरिंङ तोईरे दोऊ बैरी अंज़े छ्वाओ बिचंङ जंगली बेईज़ा एहच़ा अच्च़ा इलज़ा। 26अपेहल बेईज़ा लड़ेऐ (सिल) हुन्ज़ातोर ता जंगली बेईज़ा पोधारेलाह तंङशा तोर। 27दिरंङ दुह मीहू परगर ज़ि अंज़े दोबि कुह्तोर, हे मालिका, केई केनोह रीहरिंङ रूठे बेजा महकेहतेना? दंङ दिह जंगली सोल तु बुटाहरे अंऊच़ि अतिरे?
28दोई दोतिंङ कुहतो, दिह अरीआ दुश्मनो (बैरीऊ) कहम शुह। परगर ज़ि दोबि कुह्तोर, केई छि जुन्ज़ातन कि ञेंहरे इलजे दुह ठ्रोहका लांईया? 29दोई कुहतो, थलांई माजूंस, कि जंगली सोलतु पोधारे ठ्रोहका लहज़ा केहच़ी छ्वा ला फोन्ज़े च़रपोंई। 30व्लज़िमी ध्याड़ा तचेक झुल्लाकुतिंङ साते मोह्ड़े शुहबी रांई दंङ वलज़िमी मुक्का गेह वलज़ातिंङ कोग कि हेगा जंगली बेईज़ा तु पोधारे ठ्रोहका लेह रोहट्रीमी थल्जी दोतु कुर लांई, दंङ छ्वा गिऊ भंडारंङ ठ्रोहका लांई।”
राइऊ बेजो कथा
(मरकु 4:30-34; लूको 13:18-21)
31दोई दोतिंङ ऊई कथा कुहतो “सर्गो राज इच्च़ा राइऊ बेजो ठ्रोह शुह, अतिंङ इच्च़ा मीह्जी एनोह रीहरिंङ एहनो कुहतो। 32रांई तु सोल खंड्रिमी धरतीऊ टोईच़ी भत्ते बैएजा बे कवचि शुहबी पर अपेहल बड़ेक्पी अह्ग, लहपा बे मोह्ड़े शुहबी दंङ दुठ्रोह बुट शुहचे इबी कि सर्गो प्याहरे दोऊ ब्रन्ज़ो पोयंङ अंज़े बसेरा लेह।”
मलेड़ो कथा
(लूको 13:20-21)
33दोई दोतिंङ ऊई कथा कंज़ातो: “स्वर्गो राज मलेड़ो#13:33 थोडे़ अरे सुहम मोह्ड़े फुकान रिंङ फेलेके इबि दंङ रुठे रंङ साते भत्ते फुकान सुहम ज़डे लेह चरच़ि, ध्वांए ठ्रोह रेह मीहतु बजहच़ि परमेश्वरो राज्यो असर भत्ते संसारा रिंङ फेलेके इबि। ठ्रोह शुद्ध अतिंङ इच्च़ा मेच़िमी षुमु पसेरी फुकानो बिचंङ टुह्कट्रा दंङ शूतर, शूतर भत्तेबि सेहम अहच़ा यवा।”
कथाओ इस्तेमाल
34दिह गप्पारे यीशुज़ि कथा मीहतंङ कुहते, दंङ कथा मेह दोई मीहतंङ छल्ले माहकुट्राते, कि अंऊ वचन भविष्यकंड्रा ज़ि कुहषी तहरेर दुह पूरे शुहबी जूंस; 35कि अंऊ बचन भविष्यवक्ता तु दोरच़ी कुहषी तोह, दुह पूरा शुहबी जूंस; “गेह कथा कुट्रिमी थल्जी घेंङौ आह अल्बोग, गेह दुह गप्पारे अरी संसारो शुरुआतबे ब्याके तोईरे प्रगट लोहग।”
जंगली बेएजो कथाओ व्याख्या
36दंङ भीड़ केहट्रा दुह चुंखा अंजा दोऊ चेलाज़ि कछंङ अंज़े कुह्तोर “रीहऊ जंगली बेएजो कथा ञेंतिंङ समझाएतु।” 37दोई दोतिंङ जुबाब रेंई, रूठे बेईज़ा एहच़ा गेह मीहू योह बि शुह। 38रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी। 39अच़ि दुश्मने दोरे एहच़ते दुह शेतान शुह; वलज़ी संसारो योहसी, दंङ वलज़ारे स्वर्गदूतारे शुहरे।
40दोऊ थल्जी छना जंगली सोला रे ठ्रोहका लेह रोहट्री ध्वांए संसारो योहसातर शोतो। 41गेह मीहू योह घेंङौ स्वर्गदूतारे च़रपोग, दंङ दोई दोऊ राज्यो भत्ते ठोकरो बजह ए कुकम लहज़ार एखा लोहतो। 42दंङ स्वर्गदूताज़ि दोतिंङ मेहऊ#13:42 मेहू दुह कुण्ड़ अंऊ दिह परमेश्वरो रोहषो पाहठी कंड्रा, अंऊ मांजी मीहतिंङ अपतो, दंङ अनंतकाल तचेक शोतो, दिह नरको मेहू ठ्रोह लाह शोतो। विचंङ केओर, अंऊर क्रपिए छ्वा रुहक्च़ी शोतो। 43दुह मुक्का धर्मी मीहरे एनोह स्वर्गो बाहऊ राजंङ एकेऊ ठ्रोह चमकेक्पोर। छिल: गेह कुट्रातग दुह ध्यानारंङ साते रेड्रुंई।
व्याखी खज़ानो कथा
44“स्वर्गो राज व्याह्कि टंगा ढबाहा ओ (खज़ाना) ठ्रोह शुह, अच़ि इच्च़ा मीहबी रीहरिंङ खोकसा, दंङ प्याके केहट्रा दंङ राजी शुहचे एनोह भत्तेधिर लंङे च़रच़ा दंङ दुह रीह च़ुमने च़रति।
अनमोल मुतिको कथा
45स्वर्गो राज इच्च़ा व्यापारीऊ ठ्रोह शुह अंऊ रूठे मुतिको खोजङ तोहई। 46अपेहल दोबि इच्च़ा अनमोल मुतिक खोकसी सा ता दोई एनोह भत्ते धिर लंह्ङे च़रति दंङ दुह चुमज़े च़रति।
जालो कथा
47दंङ सर्गो राज दुह मोह्ड़े मह्छ़ च़ुमज़िमी जालो ठ्रोह शुह अंऊ समुंद्रंङ केहषी तोद दंङ भत्ते पाहठी मह्छ़ ठ्रोहका लाह। 48दंङ अपेहल जाल पिंङषा यवा मह्छ़ चुमज़ा ज़ि दुह जाल मुखो हखा रेंज़ा ह्फातोर दंङ रूठे-रूठे मह्छ़ ता नन्देतु अंद्रेग ठ्रोहका लाहतोर दंङ बेकार महछ़रे दोरे छङें चरच़ातेर। 49संसारो थलमुखंङला ध्यांए शोतो स्वर्गदूताज़ि अंज़े मांजी ए रूठे मीहरे शताह लोहर, 50दंङ मांजी दोतिंङ मेहऊ विचंङ केहऊर अंऊर क्रपिए छ्वा रुहक्च़ी शोतो।
युई ए खरकोई शिक्षो महत्व
51छि केहच़ी दिह गप्पारे शुहङातंईआ?” चेलाज़ि यीशुबि जवाब रेंई “वेई।” 52यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”
नासरतंङ यीशु अनादर
(मरकु 6:1-6; लूको 4:16-30)
53अपेहल यीशु दिह कथा कुचे कुहतो दंङ दुह दोरच़ी अच्च़ा इलि। 54दंङ दुह एनोह नगरारिंङ अंज़े यहुदी सभा घरबारंङ झांह शिक्षा रंड्री लेहती; कि दोरे हेरान शुहचे कुट्री लेह्तिरे, “दिबी दीह ज्ञानो गप्पारे ए सामर्थो कम अंऊच़ि खोकसिरे? 55छि दिह सिङ कहम लहज़ा ओ (बढाईऊ) योह मशुहदा? छि दिऊ याहऊ मिन मरियम, दिऊ न्वारेतु मिन याकूब, यूसुफ, शमौन ए यहूदा मशुहदा। 56छि दिऊ भत्ते रिंङरे ञेंहतु बिचङ माह बंङज़ातोर? दंङ दिबी दिह भत्तेधिर अंऊच़ि खोकसिरी।”
57झांह लेह दोच़ी दोऊ वजाहज़ि ठोकर खोक्षातेर, पर यीशुज़ि दोतंङ साते कुतोह, “इच्च़ा भविष्यवक्ताओ आदर एनोह घरबार छोड़के ऊई भत्ते इलाकारिंङ शुहबी।” 58दंङ दोई दोहर दोतु अबिश्वास ओ बजहच़ि सामर्थो कम माहलहते।
Выбрано:
मत्ती 13: LBFNT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
मत्ती 13
13
बेजा एचाड़ो द्रष्टान्त
(मरकु 4:1-9; लूको 8:4-8)
1दोहथर यीशु चूंङज़ि हुंच़ा गलील झीलो मुखारिंङ इलजे बंङज़ा तोहई। 2दंङ दोऊ कछंङ धोंण मोह्ड़े भीड़ ठ्रोहका शुई कि दुह किशतीरिंङ हुंज़ा दोहर बंङज़ा इलि, दंङ भत्ते भीड़ मुखंङ खड़े केहषा इलि। 3दंङ यीशुज़ि दोतंङ कथारंङ अंयों शुहदा गप्पारे कुहते; “इच्च़ा ज़िमदार बेईज़ा एच़ी हुंच़िरी।
4ऐहच़ा तर फोआ बेईज़ा अमरिंङ दहचे इलि दंङ दुह प्याज़ि अंज़े पैहचा शिलिर। 5रेहईया बेजा रह्घचटे ठाहरीरिंङ दहछा, दोहर दोबि महस श्रोह माह खोकसिरंङ साते दुह याहपन लंङसा इलि। 6पर ऐके लेहपिरंङ दोरे रोहष्रा इलिरे, दंङ जड़ मा चुम्ज़ी रंङ साते दुह कर्चे इलि। 7रेह बेईज़ा छ्वाक्तु विचंङ दाहछातेर दंङ छ़वाक ए बढ़ेके दोरे जहपासा इलिरे 8पर रेह रुठे धरती रिंङ दह्चे फसल अंजा, रेह राह गुणा, रेह षुमनिज़ा गुणा, रेह निंज़ो सा गुणा। 9छिल: गेह कुट्रातग दुह ध्यानारंङ साते रेड्रुंई।”
दृष्टांततु मकसद
(मरकु 4:10-12; लूको 8:9-10)
10चेलाज़ि यीशु कछंङ इलजे कुह्तोर, “केई मीहतंङ साते कथारिंङ गप्पा छिले लहतन?” 11दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर। 12छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई। 13गेह दोतिंङ कथारिंङ दिऊ थल्जी कुट्रातग, कि दोरे खंड्रातोर पर सोचेक्च़ातोर माह, दंङ रेड्रातोर पर समझेक्च़ातोर माह। 14दोतु पाहठी यशायाह भविष्यवाणी ऊ दिह कताब पुरे शवाह: ‘कि
केहच़ी रेट्रे ता रेड्रोंई,
पर समझेक्पोंई माह। पर
टिरे ता खमोंई,
पर तंङफोतो माह।’
15छना कुचे दोतु सेहम रघ शुहचे इलजी तोह।
दोच़ी रेट्रे जोहरे तहच़ातोर
दंङ दोच़ी एनातु टिरारे बंद लाहसी ततोर।
झांह शुबी मेस कि दोच़ी टिरे खंड्री लेहपोर,
रेट्रे ताह पोर दंङ सेहमे ञेंओर,
दंङ याहच़ोर
दंङ गेह दोरे ठीक लोहग।
16पर धन्य शुह रे केहतु टिरारे, कि दोच़ी खंड्रातोर; दंङ केहतु रेहट्रारे कि दोच़ी रेड्रातोर। 17छना कुचे गेह केतंङ साते हेले कुट्रातग, कि महस भविष्यवक्ता ए धर्मीज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर दंङ अंऊ गप्पा केहच़ी रंड्रातंई, दोच़ी लाह रेड्रोर, पर रेड्री मरतिरे।
बेजा एचाड़ो कथा ओ व्याख्या
(मरकु 4:13-20; लूको 8:11-15)
18दह केहच़ी बेईज़ा एहच़ाड ज़िमदारो कथाओ मतलब रेड्रुंई: 19अच़िला परमेश्वरो राज्यऊ वचन थहशे ला माह ञेंहच़ा, दोऊ सेहमरिंङ छिला एहसी तोहई दुह मांजी दोई अंज़े ख्युलजे रेंज़ा शिलज़ा। 20ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। 21छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। पर अपेहल विशवासो बज़ाहज़ि छिल्ला दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर। 22अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी। 23अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर। झांह ठ्रोह मीहरे दुह बैएजा ठ्रोह तोह अच़ि निंज़ो सा गुणा, षुमनिज़ा गुणा, राह गुणा फलेके तोह।”
जंगली बेजो कथा
24यीशुज़ि दोतिंङ ऊई कथा रेंई; “स्वर्गो राज दुह ज़िमदारो ठ्रोह शुह अच़ि एनोह रीहरिंङ रूठे बेईज़ा एह्चातो। 25पर अपेहल मीहरे इमरिंङ तोईरे दोऊ बैरी अंज़े छ्वाओ बिचंङ जंगली बेईज़ा एहच़ा अच्च़ा इलज़ा। 26अपेहल बेईज़ा लड़ेऐ (सिल) हुन्ज़ातोर ता जंगली बेईज़ा पोधारेलाह तंङशा तोर। 27दिरंङ दुह मीहू परगर ज़ि अंज़े दोबि कुह्तोर, हे मालिका, केई केनोह रीहरिंङ रूठे बेजा महकेहतेना? दंङ दिह जंगली सोल तु बुटाहरे अंऊच़ि अतिरे?
28दोई दोतिंङ कुहतो, दिह अरीआ दुश्मनो (बैरीऊ) कहम शुह। परगर ज़ि दोबि कुह्तोर, केई छि जुन्ज़ातन कि ञेंहरे इलजे दुह ठ्रोहका लांईया? 29दोई कुहतो, थलांई माजूंस, कि जंगली सोलतु पोधारे ठ्रोहका लहज़ा केहच़ी छ्वा ला फोन्ज़े च़रपोंई। 30व्लज़िमी ध्याड़ा तचेक झुल्लाकुतिंङ साते मोह्ड़े शुहबी रांई दंङ वलज़िमी मुक्का गेह वलज़ातिंङ कोग कि हेगा जंगली बेईज़ा तु पोधारे ठ्रोहका लेह रोहट्रीमी थल्जी दोतु कुर लांई, दंङ छ्वा गिऊ भंडारंङ ठ्रोहका लांई।”
राइऊ बेजो कथा
(मरकु 4:30-34; लूको 13:18-21)
31दोई दोतिंङ ऊई कथा कुहतो “सर्गो राज इच्च़ा राइऊ बेजो ठ्रोह शुह, अतिंङ इच्च़ा मीह्जी एनोह रीहरिंङ एहनो कुहतो। 32रांई तु सोल खंड्रिमी धरतीऊ टोईच़ी भत्ते बैएजा बे कवचि शुहबी पर अपेहल बड़ेक्पी अह्ग, लहपा बे मोह्ड़े शुहबी दंङ दुठ्रोह बुट शुहचे इबी कि सर्गो प्याहरे दोऊ ब्रन्ज़ो पोयंङ अंज़े बसेरा लेह।”
मलेड़ो कथा
(लूको 13:20-21)
33दोई दोतिंङ ऊई कथा कंज़ातो: “स्वर्गो राज मलेड़ो#13:33 थोडे़ अरे सुहम मोह्ड़े फुकान रिंङ फेलेके इबि दंङ रुठे रंङ साते भत्ते फुकान सुहम ज़डे लेह चरच़ि, ध्वांए ठ्रोह रेह मीहतु बजहच़ि परमेश्वरो राज्यो असर भत्ते संसारा रिंङ फेलेके इबि। ठ्रोह शुद्ध अतिंङ इच्च़ा मेच़िमी षुमु पसेरी फुकानो बिचंङ टुह्कट्रा दंङ शूतर, शूतर भत्तेबि सेहम अहच़ा यवा।”
कथाओ इस्तेमाल
34दिह गप्पारे यीशुज़ि कथा मीहतंङ कुहते, दंङ कथा मेह दोई मीहतंङ छल्ले माहकुट्राते, कि अंऊ वचन भविष्यकंड्रा ज़ि कुहषी तहरेर दुह पूरे शुहबी जूंस; 35कि अंऊ बचन भविष्यवक्ता तु दोरच़ी कुहषी तोह, दुह पूरा शुहबी जूंस; “गेह कथा कुट्रिमी थल्जी घेंङौ आह अल्बोग, गेह दुह गप्पारे अरी संसारो शुरुआतबे ब्याके तोईरे प्रगट लोहग।”
जंगली बेएजो कथाओ व्याख्या
36दंङ भीड़ केहट्रा दुह चुंखा अंजा दोऊ चेलाज़ि कछंङ अंज़े कुह्तोर “रीहऊ जंगली बेएजो कथा ञेंतिंङ समझाएतु।” 37दोई दोतिंङ जुबाब रेंई, रूठे बेईज़ा एहच़ा गेह मीहू योह बि शुह। 38रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी। 39अच़ि दुश्मने दोरे एहच़ते दुह शेतान शुह; वलज़ी संसारो योहसी, दंङ वलज़ारे स्वर्गदूतारे शुहरे।
40दोऊ थल्जी छना जंगली सोला रे ठ्रोहका लेह रोहट्री ध्वांए संसारो योहसातर शोतो। 41गेह मीहू योह घेंङौ स्वर्गदूतारे च़रपोग, दंङ दोई दोऊ राज्यो भत्ते ठोकरो बजह ए कुकम लहज़ार एखा लोहतो। 42दंङ स्वर्गदूताज़ि दोतिंङ मेहऊ#13:42 मेहू दुह कुण्ड़ अंऊ दिह परमेश्वरो रोहषो पाहठी कंड्रा, अंऊ मांजी मीहतिंङ अपतो, दंङ अनंतकाल तचेक शोतो, दिह नरको मेहू ठ्रोह लाह शोतो। विचंङ केओर, अंऊर क्रपिए छ्वा रुहक्च़ी शोतो। 43दुह मुक्का धर्मी मीहरे एनोह स्वर्गो बाहऊ राजंङ एकेऊ ठ्रोह चमकेक्पोर। छिल: गेह कुट्रातग दुह ध्यानारंङ साते रेड्रुंई।
व्याखी खज़ानो कथा
44“स्वर्गो राज व्याह्कि टंगा ढबाहा ओ (खज़ाना) ठ्रोह शुह, अच़ि इच्च़ा मीहबी रीहरिंङ खोकसा, दंङ प्याके केहट्रा दंङ राजी शुहचे एनोह भत्तेधिर लंङे च़रच़ा दंङ दुह रीह च़ुमने च़रति।
अनमोल मुतिको कथा
45स्वर्गो राज इच्च़ा व्यापारीऊ ठ्रोह शुह अंऊ रूठे मुतिको खोजङ तोहई। 46अपेहल दोबि इच्च़ा अनमोल मुतिक खोकसी सा ता दोई एनोह भत्ते धिर लंह्ङे च़रति दंङ दुह चुमज़े च़रति।
जालो कथा
47दंङ सर्गो राज दुह मोह्ड़े मह्छ़ च़ुमज़िमी जालो ठ्रोह शुह अंऊ समुंद्रंङ केहषी तोद दंङ भत्ते पाहठी मह्छ़ ठ्रोहका लाह। 48दंङ अपेहल जाल पिंङषा यवा मह्छ़ चुमज़ा ज़ि दुह जाल मुखो हखा रेंज़ा ह्फातोर दंङ रूठे-रूठे मह्छ़ ता नन्देतु अंद्रेग ठ्रोहका लाहतोर दंङ बेकार महछ़रे दोरे छङें चरच़ातेर। 49संसारो थलमुखंङला ध्यांए शोतो स्वर्गदूताज़ि अंज़े मांजी ए रूठे मीहरे शताह लोहर, 50दंङ मांजी दोतिंङ मेहऊ विचंङ केहऊर अंऊर क्रपिए छ्वा रुहक्च़ी शोतो।
युई ए खरकोई शिक्षो महत्व
51छि केहच़ी दिह गप्पारे शुहङातंईआ?” चेलाज़ि यीशुबि जवाब रेंई “वेई।” 52यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”
नासरतंङ यीशु अनादर
(मरकु 6:1-6; लूको 4:16-30)
53अपेहल यीशु दिह कथा कुचे कुहतो दंङ दुह दोरच़ी अच्च़ा इलि। 54दंङ दुह एनोह नगरारिंङ अंज़े यहुदी सभा घरबारंङ झांह शिक्षा रंड्री लेहती; कि दोरे हेरान शुहचे कुट्री लेह्तिरे, “दिबी दीह ज्ञानो गप्पारे ए सामर्थो कम अंऊच़ि खोकसिरे? 55छि दिह सिङ कहम लहज़ा ओ (बढाईऊ) योह मशुहदा? छि दिऊ याहऊ मिन मरियम, दिऊ न्वारेतु मिन याकूब, यूसुफ, शमौन ए यहूदा मशुहदा। 56छि दिऊ भत्ते रिंङरे ञेंहतु बिचङ माह बंङज़ातोर? दंङ दिबी दिह भत्तेधिर अंऊच़ि खोकसिरी।”
57झांह लेह दोच़ी दोऊ वजाहज़ि ठोकर खोक्षातेर, पर यीशुज़ि दोतंङ साते कुतोह, “इच्च़ा भविष्यवक्ताओ आदर एनोह घरबार छोड़के ऊई भत्ते इलाकारिंङ शुहबी।” 58दंङ दोई दोहर दोतु अबिश्वास ओ बजहच़ि सामर्थो कम माहलहते।
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.