मरकुस 13
13
यीशु कर द्वारा मन्दिर के बिनाश कर भविष्यवानी
(मत्ती 24:1-44; लूका 21:5-33)
1जब यीशु मन्दिर ले हिकलत रहिस, त ओकर चेला मन ले एक झन हर ओकर ले कहिस, “हे गुरू, देख, कईसन बड़खा पखना अउ कईसन बड़खा भवन है।” 2यीशु हर ओकर ले कहिस, “का तय ये बड़खा-बड़खा भवन देखथस: हिया पखना मे पखना भी नी बचे रही जेला गिराल नी जाही।”
आखरी दिन मन कर चिन्हा
3जब यीशु जैतून कर पहार मे मन्दिर कर आगू मे बैइठे रहिस, त पतरस अउ याकूब अउ यूहन्ना अउ अन्द्रियास मन ला अलगेच जाए के ओकर ले पुछिन, 4“हमन मन ला बता कि ये गोएठ हर कब होही? अउ जब ये सबेच गोएठ हर पूरा होए बर होही त ओ समय कर का चिन्हा होही?” 5यीशु हर ओमन मन ले कहे लागिस, “सावधान रहा कि कोनो हर तुमन मन ला झिन भरमाए पाए। 6ढेरेच झन मन मोर नाव ले आए के कही, ‘मैहर ओहिच हो!’ अउ ढेरेच झन मन ला भरमाही। 7जब तुमन मन लड़ाई अउ लड़ाई मन कर चर्चा सुनिहा, त झिन घबरईहा; काबर कि एमन मन कर होवई जरूरेच है, लेकिन ओ समय मे अन्त नी होही। 8काबर कि जाएत पर जाएत, अउ राएज पर राएज चड़हाई करही। सबेच जगहा मे भूकम्प होही, अउ अकाल पड़ही। ये त दुख मन कर शुरूआत होही।
9लेकिन तुमन मन अपन बिषय मे चवकस रईहा; काबर कि मैनसे मन तुमन मन ला बड़खा सभा मन मे सोपही अउ तुमन मन अराधनालय मन मे पिटल जईहा, अउ मोर कारन हाकिम मन अउ राजा मन कर आगू मे ठड़वईन, काबर कि ओमन मन बर गवाही होईहा। 10पर जरूरेच है कि सबले आगू सुसमाचार सबेच जाएत मे प्रचार करल जाही। 11जब ओमन मन तुमन मन ला ले जाए के सोपही, त आगू ले चिन्ता झिन करिहा कि हमन मन का कहबो; पर जे कुछ तुमन मन ला ओहिच घरी मे कहल जाही ओहिच ला कईहा; काबर कि बोले बाला तुमन मन नी रईहा, लेकिन पवित्र आत्मा हर रही। 12भाई ला भाई अउ दाऊ ला बेटा घात बर सोपही, अउ लईका मन दाऊ-दाई कर बिरोध मे उईठ के ओमन मन ला मरवाए डालही। 13अउ मोर नाव के कारन सबेच लोग मन तुमन मन ले बैर रखही; पर जेमन मन अन्त तक ले धीरज धरे रही, ओकरेच उद्धार होही।
बड़खा क्लेश कर समय
14तले जब तुमन मन ओ उजाड़े बाला घृनित चीज मन ला जहा सही नी है हुवा ठड़होए देखिहा (पढ़े बाला मन समझ लेहे) तब जेमन मन यहूदिया परदेस मे होए, ओमन मन पहार मन मे भाएग जाए; 15अउ जेमन मन छत मे होही, ओमन मन अपन घर कुछ लेहे बर खाल्हे झिन उतरे अउ न भीतरी जाए; 16अउ जेमन मन खेत मे हो, ओहर अपन कपरा लेहे बर पाछू झिन फिरे। 17ओ दिन मे जेमन मन गर्भवती अउ दूध पियात रही, ओमन मन बर हाए-हाए! 18अउ प्रार्थना करा कि एहर जाड़ घनी झिन होए। 19काबर कि ओ दिन एकस क्लेश होही कि सृष्टि कर शुरू ले, जेला परमेश्वर हर बनईस, अब तक ले न त होईसे, अउ न फिर कभो होही। 20अउ अगर प्रभु ओ दिन मन कम नी करल जातीस, त कोनो लोग मन भी नी बचतिन; लेकिन ओ चुनल मन के कारन जेमन मन ला परमेश्वर हर चुनिस है, ओ दिन मन ला घटईस। 21ओ समय अगर कोनोच हर तुमन मन ले कही, ‘देखा, मसीह हिया है!’ या ‘देखा, हुवा है!’ त बिश्वास झिन करिहा; 22काबर कि झूठा मसीह अउ झूठा अगमजानी उठ खड़े होही, अउ चिन्ह अउ अदभुत बुता दिखाही कि अगर होए सकही त चुनल मन ला भी भरमाए देही। 23पर तुमन मन सावधान रईहा; देखा मैहर तुमन मन ला सबेच गोएठ मन ला आगू ले कह देहे हो।
यीशु कर फिर अवई
24ओ दिन मन मे, ओ क्लेश कर बाद
बेर हर अन्धार होए जाही,
अउ जोन हर रोशनी नी देही;
25अउ अकाश ले तरई मन गिरे लागही;
अउ अकाश कर शक्ति मन ला हिलाल जाही।
26तब लोग मन मैनसे कर बेटा ला बड़खा सामर्थ्य अउ महिमा कर संग बदरी मे आत देखिहा। 27ओ समय ओहर अपन स्वर्गदूत मन ला भेज के, पृथ्वी कर ये छोर ले ले के अकाश के ओ छोर तक, चाएरो दिशा ले अपन चुनल लोग मन ला जमा करही।
अंजीर के रूख कर कहानी
28अंजीर कर रूख ले ये कहानी ला सिखा: जब ओकर डार मन हर कोमल होए जाथे, अउ पतई हिकले लागथे; त तुमन मन जाएन लेथा कि गरमी लिघे है। 29एहिच नियर जब तुमन मन ये गोएठ मन ला होत देखिहा, त जाएन लेईहा कि ओ दिन हर लिघे है बरन दूरा मे ही है। 30मैहर तुमन मन ले सहिच कहथो कि जब तक ये सबेच गोएठ नी होए लेही, तब ले ये लोग मन नी जाही। 31अकाश अउ पृथ्वी टईल जाही, लेकिन मोर गोएठ हर कभो नी टलही।
हमेसेच जागत रहा
32ओ दिन या ओ घरी कर बिषय कोनो नी जानथा, न स्वर्गदूत मन अउ न बेटा; लेकिन केबल दाऊ हर ही। 33देखा, जागत अउ प्रार्थना करत रहा; काबर कि तुमन मन नी जानथा कि ओ घरी कब आही। 34एहर ओ आदमी कर नियर दसा है, जेहर परदेस जात समय अपन घर छोएड़ के गईस, अउ अपन कमिया मन ला अधिकार देहिस: अउ सबेच कोनो ला ओमन मन कर बुता बताए देहिस, अउ दूरा कर पहरा देहे बाला ला जागत रहे कर हुकूम देहिस। 35एकरे बर जागत रहा, काबर कि तुमन मन नी जानथा कि घर कर मालिक कब आही, सांझ के या आधा राएत के, या मुरगा कर बांग देहे कर समय या भोर मे। 36एकस झिन होए कि ओहर अनचकहा आए के तुमन मन ला सोवत पाही। 37अउ मैहर जे तुमन मन ले कहथो, ओहिच सबेच झन ले भी कहथो: जागत रईहा।”
Выбрано:
मरकुस 13: SGJNT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
मरकुस 13
13
यीशु कर द्वारा मन्दिर के बिनाश कर भविष्यवानी
(मत्ती 24:1-44; लूका 21:5-33)
1जब यीशु मन्दिर ले हिकलत रहिस, त ओकर चेला मन ले एक झन हर ओकर ले कहिस, “हे गुरू, देख, कईसन बड़खा पखना अउ कईसन बड़खा भवन है।” 2यीशु हर ओकर ले कहिस, “का तय ये बड़खा-बड़खा भवन देखथस: हिया पखना मे पखना भी नी बचे रही जेला गिराल नी जाही।”
आखरी दिन मन कर चिन्हा
3जब यीशु जैतून कर पहार मे मन्दिर कर आगू मे बैइठे रहिस, त पतरस अउ याकूब अउ यूहन्ना अउ अन्द्रियास मन ला अलगेच जाए के ओकर ले पुछिन, 4“हमन मन ला बता कि ये गोएठ हर कब होही? अउ जब ये सबेच गोएठ हर पूरा होए बर होही त ओ समय कर का चिन्हा होही?” 5यीशु हर ओमन मन ले कहे लागिस, “सावधान रहा कि कोनो हर तुमन मन ला झिन भरमाए पाए। 6ढेरेच झन मन मोर नाव ले आए के कही, ‘मैहर ओहिच हो!’ अउ ढेरेच झन मन ला भरमाही। 7जब तुमन मन लड़ाई अउ लड़ाई मन कर चर्चा सुनिहा, त झिन घबरईहा; काबर कि एमन मन कर होवई जरूरेच है, लेकिन ओ समय मे अन्त नी होही। 8काबर कि जाएत पर जाएत, अउ राएज पर राएज चड़हाई करही। सबेच जगहा मे भूकम्प होही, अउ अकाल पड़ही। ये त दुख मन कर शुरूआत होही।
9लेकिन तुमन मन अपन बिषय मे चवकस रईहा; काबर कि मैनसे मन तुमन मन ला बड़खा सभा मन मे सोपही अउ तुमन मन अराधनालय मन मे पिटल जईहा, अउ मोर कारन हाकिम मन अउ राजा मन कर आगू मे ठड़वईन, काबर कि ओमन मन बर गवाही होईहा। 10पर जरूरेच है कि सबले आगू सुसमाचार सबेच जाएत मे प्रचार करल जाही। 11जब ओमन मन तुमन मन ला ले जाए के सोपही, त आगू ले चिन्ता झिन करिहा कि हमन मन का कहबो; पर जे कुछ तुमन मन ला ओहिच घरी मे कहल जाही ओहिच ला कईहा; काबर कि बोले बाला तुमन मन नी रईहा, लेकिन पवित्र आत्मा हर रही। 12भाई ला भाई अउ दाऊ ला बेटा घात बर सोपही, अउ लईका मन दाऊ-दाई कर बिरोध मे उईठ के ओमन मन ला मरवाए डालही। 13अउ मोर नाव के कारन सबेच लोग मन तुमन मन ले बैर रखही; पर जेमन मन अन्त तक ले धीरज धरे रही, ओकरेच उद्धार होही।
बड़खा क्लेश कर समय
14तले जब तुमन मन ओ उजाड़े बाला घृनित चीज मन ला जहा सही नी है हुवा ठड़होए देखिहा (पढ़े बाला मन समझ लेहे) तब जेमन मन यहूदिया परदेस मे होए, ओमन मन पहार मन मे भाएग जाए; 15अउ जेमन मन छत मे होही, ओमन मन अपन घर कुछ लेहे बर खाल्हे झिन उतरे अउ न भीतरी जाए; 16अउ जेमन मन खेत मे हो, ओहर अपन कपरा लेहे बर पाछू झिन फिरे। 17ओ दिन मे जेमन मन गर्भवती अउ दूध पियात रही, ओमन मन बर हाए-हाए! 18अउ प्रार्थना करा कि एहर जाड़ घनी झिन होए। 19काबर कि ओ दिन एकस क्लेश होही कि सृष्टि कर शुरू ले, जेला परमेश्वर हर बनईस, अब तक ले न त होईसे, अउ न फिर कभो होही। 20अउ अगर प्रभु ओ दिन मन कम नी करल जातीस, त कोनो लोग मन भी नी बचतिन; लेकिन ओ चुनल मन के कारन जेमन मन ला परमेश्वर हर चुनिस है, ओ दिन मन ला घटईस। 21ओ समय अगर कोनोच हर तुमन मन ले कही, ‘देखा, मसीह हिया है!’ या ‘देखा, हुवा है!’ त बिश्वास झिन करिहा; 22काबर कि झूठा मसीह अउ झूठा अगमजानी उठ खड़े होही, अउ चिन्ह अउ अदभुत बुता दिखाही कि अगर होए सकही त चुनल मन ला भी भरमाए देही। 23पर तुमन मन सावधान रईहा; देखा मैहर तुमन मन ला सबेच गोएठ मन ला आगू ले कह देहे हो।
यीशु कर फिर अवई
24ओ दिन मन मे, ओ क्लेश कर बाद
बेर हर अन्धार होए जाही,
अउ जोन हर रोशनी नी देही;
25अउ अकाश ले तरई मन गिरे लागही;
अउ अकाश कर शक्ति मन ला हिलाल जाही।
26तब लोग मन मैनसे कर बेटा ला बड़खा सामर्थ्य अउ महिमा कर संग बदरी मे आत देखिहा। 27ओ समय ओहर अपन स्वर्गदूत मन ला भेज के, पृथ्वी कर ये छोर ले ले के अकाश के ओ छोर तक, चाएरो दिशा ले अपन चुनल लोग मन ला जमा करही।
अंजीर के रूख कर कहानी
28अंजीर कर रूख ले ये कहानी ला सिखा: जब ओकर डार मन हर कोमल होए जाथे, अउ पतई हिकले लागथे; त तुमन मन जाएन लेथा कि गरमी लिघे है। 29एहिच नियर जब तुमन मन ये गोएठ मन ला होत देखिहा, त जाएन लेईहा कि ओ दिन हर लिघे है बरन दूरा मे ही है। 30मैहर तुमन मन ले सहिच कहथो कि जब तक ये सबेच गोएठ नी होए लेही, तब ले ये लोग मन नी जाही। 31अकाश अउ पृथ्वी टईल जाही, लेकिन मोर गोएठ हर कभो नी टलही।
हमेसेच जागत रहा
32ओ दिन या ओ घरी कर बिषय कोनो नी जानथा, न स्वर्गदूत मन अउ न बेटा; लेकिन केबल दाऊ हर ही। 33देखा, जागत अउ प्रार्थना करत रहा; काबर कि तुमन मन नी जानथा कि ओ घरी कब आही। 34एहर ओ आदमी कर नियर दसा है, जेहर परदेस जात समय अपन घर छोएड़ के गईस, अउ अपन कमिया मन ला अधिकार देहिस: अउ सबेच कोनो ला ओमन मन कर बुता बताए देहिस, अउ दूरा कर पहरा देहे बाला ला जागत रहे कर हुकूम देहिस। 35एकरे बर जागत रहा, काबर कि तुमन मन नी जानथा कि घर कर मालिक कब आही, सांझ के या आधा राएत के, या मुरगा कर बांग देहे कर समय या भोर मे। 36एकस झिन होए कि ओहर अनचकहा आए के तुमन मन ला सोवत पाही। 37अउ मैहर जे तुमन मन ले कहथो, ओहिच सबेच झन ले भी कहथो: जागत रईहा।”
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.