मरकुस 7
7
परमपरा अउ नियम
(मत्ती 15:1-20)
1तब फरीसी अउ कुछ शास्त्री मन जेमन यरूशलेम शहर कती ले आए रहिन, यीशु कर लिघे जुटिन, 2अउ ओमन मन ओकर कुछ चेला मन ला अशुद्ध हाथ मने कि बिन हाथ धोए रोटी खात देखिन, 3काबर कि फरीसी अउ सबेच यहूदी मन, पुरखा मन कर परमपरा मन ला पालन करथे, अउ जब ले बड़िया ले हाथ नी धोए लेहत रहिन, तब ले नी खात रहिन; 4अउ बजार ले आए के, जब तक ले नी नहाए लेहत रहिन, तब ले नी खात रहिन; अउ ढेरेच अकुन अउ गोएठ मन आहे, जेला ओमन मन कर माने बर लिघे पहुचाल रहिस जईसन कटोरा मन, अउ लोटा मन, अउ ताम्बा कर भाड़ा मन ला मांजना-धोना।
5एकरे बर ओ फरीसी अउ शास्त्री मन ओकर ले पुछिन, “तोर चेला मन काबर पूर्वज मन कर रीति मन पर नी चले, अउ बिन धोए हाथ मन ले रोटी खाथे?” 6ओहर ओमन मन ले कहिस “यशायाह हर तुमन कपटी मन कर बिषय मे बहुतेच ठीक भविष्यवानी करिसे; जेकस लिखल है:
‘ये लोग मन होठ मन ले त मोर आदर करथे,
पर ओमन मन कर मन मोर से दुरिहा रहेल।
7एमन मन बिन बुता कर मोर उपासना करथे,
काबर कि लोग मन कर हुकूम ला धर्म उपदेश कही के सिखाथे।’
8काबर कि तुमन मन परमेश्वर कर हुकूम ला टाएल के लोग मन कर रीति मन ला मानथा।”
9ओहर ओमन मन ले कहिस, “तुमन अपन रीति मन ला माने बर परमेश्वर कर हुकूम ला कईसन बड़िया ढंग ले टाएल देथा! 10काबर कि मूसा हर कहिस है, ‘अपन दाऊ अउ अपन दाई कर आदर कर अउ जे कोनो दाऊ अउ दाई ला बुरा कही, ओहर जरूरेच माएर देहल जाही’ 11लेकिन तुमन मन कहथा कि अगर कोनो अपन दाऊ अउ दाई ले गोठियाए, ‘जे कुछ तोला मोर ले लाभ होए सकत रहिस, ओहर कुरबान मने कि परमेश्वर ला समर्पित होए चुकिन।’
12त तुमन मन ओकर दाऊ-दाई कर कुछ सेवा नी करे देथा। 13ये मंधे तुमन मन अपन रीति मन ले, जेला तुमन मन ठहराए हा, परमेश्वर कर बचन ला टाएल देथा; अउ एकस-एकस अउ ढेरेच बुता ला करथा।”
मैनसे मन ला अशुद्ध करे बाला गोएठ
14अउ यीशु हर लोग मन ला अपन लिघे बुलाए के ओमन मन ले कहिस, “तुमन सबेच झन मोर सुना, अउ समझा। 15एसन त कोनो चीज नी है जे लोग मन ला बाहर कती ले घुईस के ओला अशुद्ध करही; लेकिन जे चीज हर लोग मन कर भीतर ले हिकलथे, ओहिच हर ओला अशुद्ध करथे। 16अगर कोनो कर सुने कर कान है त सुईन लेहे।” 17जब ओहर भीड़ कर लिघे ले घर मे गईस, त ओकर चेला मन ये कहानी कर बिषय मे ओकर ले पुछिन। 18ओहर ओमन मन ले कहिस, “का तुमन मन भी एकस नी समझे हा? का तुमन मन नी समझा कि जे चीज हर बाहर कती ले लोग मन कर भीतर जाथे, ओहर ओला अशुद्ध नी कईर सकथे? 19काबर कि ओहर ओकर मन मे नी जाथे, लेकिन पेट मे जाथे अउ शौच ले हिकेल जाथे?” एला कहिके ओहर सबेच खाना खाए कर चीज मन ला शुद्ध ठहरईसे। 20फिर ओहर कहिस, “जेहर लोग मन कर मन ले हिकलथे ओहिच हर है जेहर लोग मन ला अशुद्ध करथे। 21काबर कि भीतर ले, मने कि लोग मन कर मन ले, घिनक-घिनक बिचार, ब्यभिचार, चोरी, हत्या, परस्त्रीगमन, 22लोभलालच, दुष्टता, छल, लुचपन, बुरा देख, निन्दा, अभिमान, अउ मूर्खता हिकलथे। 23ये सबेच बुराई कर गोएठ हर भीतर ले हिकलथे अउ लोग मन ला अशुद्ध करथे।”
सुरुफिनीकी जाएत के महिला कर बिश्वास
(मत्ती 15:21-28)
24फिर यीशु हर हुवा ले उईठ के सोर अउ सैदा कर देश मे अईस; अउ एक घर मे गईस अउ चाहत रहिस कि कोनो झिन जाएन पाए; लेकिन ओहर छिप नी सकिस। 25अउ तुरतेच एक महिला हर जेकर छोटे बेटी मे प्रेत आत्मा हर रहिस, ओकर चर्चा ला सुईन के अईस, अउ ओकर गोड़ मे गिर गईस। 26एहर यूनानी अउ सुरुफिनीकी जाएत कर रहिस। ओहर ओकर ले बिनती करिस कि मोर बेटी मे ले प्रेत आत्मा ला हिकाएल दे। 27यीशु हर ओकर ले कहिस, “आगू छउवा मन ला अघाए दे, काबर कि छउवा मन कर रोटी ला ले के कूकुर मन कर आगू मे देहल सही नी है।” 28ओहर यीशु ला उत्तर देहिस, “सहिच आहे प्रभु; तबो ले कूकुर मन भी त मेज कर खाल्हे छउवा मन कर रोटी ला बाचल-खोचल मन ला खाए के रहथे।” 29यीशु हर ओकर ले कहिस, “ये गोएठ कर कारन चईल जा; प्रेत आत्मा हर तोर बेटी ले हिकेल गईस।” 30ओहर अपन घर मे आए के देखिस कि बेटी हर खाटी मे पड़िस है, अउ प्रेत आत्मा हर हिकेल गईस।
यीशु हर भईरा अउ तोतरा मैनसे मन ला चंगा करिस
31फिर ओहर सोर अउ सैदा कर देश ले हिकले के दिकापुलिस ले होवत गलील कर झील पर पहुचिस। 32त लोग मन एक भईरा ला जेहर तोतरा भी रहिस, ओकर लिघे लाएन के ओकर ले बिनती करिन कि अपन हाथ ला ओकर उपर रखे। 33तब ओहर ओला भीड़ ले अलगेच ले गईस, अउ अपन उंगली ला ओकर कान मे डालिस अउ थुईक के ओकर जीभ ला छुईस, 34अउ स्वर्ग कती ला देख के आह भरिस अउ ओकर ले कहिस, “इफ्फत्तह!” मने कि “खुईल जा!” 35अउ ओकर कान हर खुईल गईस, अउ ओकर जीभ के गाठ हर भी खुईल गिस, अउ ओहर सफा-सफा गोठियाए लागिस। 36तब ओहर ओमन मन ला चितईस कि कोई के झिन बतईहा; लेकिन जेतेक ओमन मन ला चितईस ओतनेच ओमन मन अउ प्रचार करे लागिन। 37अउ ओमन मन ढेरेच अकचकाए के कहे लागिन, “ओहर जे कुछ करिस सबेच बड़िया करिस; ओहर भईरा मन ला सुने कर कान, अउ गूंगा मन ला गोठियाए कर बल देथे।”
Выбрано:
मरकुस 7: SGJNT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
मरकुस 7
7
परमपरा अउ नियम
(मत्ती 15:1-20)
1तब फरीसी अउ कुछ शास्त्री मन जेमन यरूशलेम शहर कती ले आए रहिन, यीशु कर लिघे जुटिन, 2अउ ओमन मन ओकर कुछ चेला मन ला अशुद्ध हाथ मने कि बिन हाथ धोए रोटी खात देखिन, 3काबर कि फरीसी अउ सबेच यहूदी मन, पुरखा मन कर परमपरा मन ला पालन करथे, अउ जब ले बड़िया ले हाथ नी धोए लेहत रहिन, तब ले नी खात रहिन; 4अउ बजार ले आए के, जब तक ले नी नहाए लेहत रहिन, तब ले नी खात रहिन; अउ ढेरेच अकुन अउ गोएठ मन आहे, जेला ओमन मन कर माने बर लिघे पहुचाल रहिस जईसन कटोरा मन, अउ लोटा मन, अउ ताम्बा कर भाड़ा मन ला मांजना-धोना।
5एकरे बर ओ फरीसी अउ शास्त्री मन ओकर ले पुछिन, “तोर चेला मन काबर पूर्वज मन कर रीति मन पर नी चले, अउ बिन धोए हाथ मन ले रोटी खाथे?” 6ओहर ओमन मन ले कहिस “यशायाह हर तुमन कपटी मन कर बिषय मे बहुतेच ठीक भविष्यवानी करिसे; जेकस लिखल है:
‘ये लोग मन होठ मन ले त मोर आदर करथे,
पर ओमन मन कर मन मोर से दुरिहा रहेल।
7एमन मन बिन बुता कर मोर उपासना करथे,
काबर कि लोग मन कर हुकूम ला धर्म उपदेश कही के सिखाथे।’
8काबर कि तुमन मन परमेश्वर कर हुकूम ला टाएल के लोग मन कर रीति मन ला मानथा।”
9ओहर ओमन मन ले कहिस, “तुमन अपन रीति मन ला माने बर परमेश्वर कर हुकूम ला कईसन बड़िया ढंग ले टाएल देथा! 10काबर कि मूसा हर कहिस है, ‘अपन दाऊ अउ अपन दाई कर आदर कर अउ जे कोनो दाऊ अउ दाई ला बुरा कही, ओहर जरूरेच माएर देहल जाही’ 11लेकिन तुमन मन कहथा कि अगर कोनो अपन दाऊ अउ दाई ले गोठियाए, ‘जे कुछ तोला मोर ले लाभ होए सकत रहिस, ओहर कुरबान मने कि परमेश्वर ला समर्पित होए चुकिन।’
12त तुमन मन ओकर दाऊ-दाई कर कुछ सेवा नी करे देथा। 13ये मंधे तुमन मन अपन रीति मन ले, जेला तुमन मन ठहराए हा, परमेश्वर कर बचन ला टाएल देथा; अउ एकस-एकस अउ ढेरेच बुता ला करथा।”
मैनसे मन ला अशुद्ध करे बाला गोएठ
14अउ यीशु हर लोग मन ला अपन लिघे बुलाए के ओमन मन ले कहिस, “तुमन सबेच झन मोर सुना, अउ समझा। 15एसन त कोनो चीज नी है जे लोग मन ला बाहर कती ले घुईस के ओला अशुद्ध करही; लेकिन जे चीज हर लोग मन कर भीतर ले हिकलथे, ओहिच हर ओला अशुद्ध करथे। 16अगर कोनो कर सुने कर कान है त सुईन लेहे।” 17जब ओहर भीड़ कर लिघे ले घर मे गईस, त ओकर चेला मन ये कहानी कर बिषय मे ओकर ले पुछिन। 18ओहर ओमन मन ले कहिस, “का तुमन मन भी एकस नी समझे हा? का तुमन मन नी समझा कि जे चीज हर बाहर कती ले लोग मन कर भीतर जाथे, ओहर ओला अशुद्ध नी कईर सकथे? 19काबर कि ओहर ओकर मन मे नी जाथे, लेकिन पेट मे जाथे अउ शौच ले हिकेल जाथे?” एला कहिके ओहर सबेच खाना खाए कर चीज मन ला शुद्ध ठहरईसे। 20फिर ओहर कहिस, “जेहर लोग मन कर मन ले हिकलथे ओहिच हर है जेहर लोग मन ला अशुद्ध करथे। 21काबर कि भीतर ले, मने कि लोग मन कर मन ले, घिनक-घिनक बिचार, ब्यभिचार, चोरी, हत्या, परस्त्रीगमन, 22लोभलालच, दुष्टता, छल, लुचपन, बुरा देख, निन्दा, अभिमान, अउ मूर्खता हिकलथे। 23ये सबेच बुराई कर गोएठ हर भीतर ले हिकलथे अउ लोग मन ला अशुद्ध करथे।”
सुरुफिनीकी जाएत के महिला कर बिश्वास
(मत्ती 15:21-28)
24फिर यीशु हर हुवा ले उईठ के सोर अउ सैदा कर देश मे अईस; अउ एक घर मे गईस अउ चाहत रहिस कि कोनो झिन जाएन पाए; लेकिन ओहर छिप नी सकिस। 25अउ तुरतेच एक महिला हर जेकर छोटे बेटी मे प्रेत आत्मा हर रहिस, ओकर चर्चा ला सुईन के अईस, अउ ओकर गोड़ मे गिर गईस। 26एहर यूनानी अउ सुरुफिनीकी जाएत कर रहिस। ओहर ओकर ले बिनती करिस कि मोर बेटी मे ले प्रेत आत्मा ला हिकाएल दे। 27यीशु हर ओकर ले कहिस, “आगू छउवा मन ला अघाए दे, काबर कि छउवा मन कर रोटी ला ले के कूकुर मन कर आगू मे देहल सही नी है।” 28ओहर यीशु ला उत्तर देहिस, “सहिच आहे प्रभु; तबो ले कूकुर मन भी त मेज कर खाल्हे छउवा मन कर रोटी ला बाचल-खोचल मन ला खाए के रहथे।” 29यीशु हर ओकर ले कहिस, “ये गोएठ कर कारन चईल जा; प्रेत आत्मा हर तोर बेटी ले हिकेल गईस।” 30ओहर अपन घर मे आए के देखिस कि बेटी हर खाटी मे पड़िस है, अउ प्रेत आत्मा हर हिकेल गईस।
यीशु हर भईरा अउ तोतरा मैनसे मन ला चंगा करिस
31फिर ओहर सोर अउ सैदा कर देश ले हिकले के दिकापुलिस ले होवत गलील कर झील पर पहुचिस। 32त लोग मन एक भईरा ला जेहर तोतरा भी रहिस, ओकर लिघे लाएन के ओकर ले बिनती करिन कि अपन हाथ ला ओकर उपर रखे। 33तब ओहर ओला भीड़ ले अलगेच ले गईस, अउ अपन उंगली ला ओकर कान मे डालिस अउ थुईक के ओकर जीभ ला छुईस, 34अउ स्वर्ग कती ला देख के आह भरिस अउ ओकर ले कहिस, “इफ्फत्तह!” मने कि “खुईल जा!” 35अउ ओकर कान हर खुईल गईस, अउ ओकर जीभ के गाठ हर भी खुईल गिस, अउ ओहर सफा-सफा गोठियाए लागिस। 36तब ओहर ओमन मन ला चितईस कि कोई के झिन बतईहा; लेकिन जेतेक ओमन मन ला चितईस ओतनेच ओमन मन अउ प्रचार करे लागिन। 37अउ ओमन मन ढेरेच अकचकाए के कहे लागिन, “ओहर जे कुछ करिस सबेच बड़िया करिस; ओहर भईरा मन ला सुने कर कान, अउ गूंगा मन ला गोठियाए कर बल देथे।”
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.