Aposteljeschicht 14
14
Paulus un Barnabas en Ikonion
1En Ikonion, jinjen Paulus un Barnabas toop en de Judenschool nenn un prädijden, soo daut een groot deel Juden un Griechen toom Gloowen kjeemen. 2Oba de Juden dee nich jleewden, räajden de Nichjuden opp, daut dee sikj jäajen de Breeda dreiden. 3Doawäajen bleewen see doa noch lang, un räden brow un frie vom Harn, dee de Prädicht von siene Jnod doaderch bestädijd, daut hee derch äare Henj Tieekjens un Wunda passieren leet. #Apost 19,11; Heb 2,4 4Oba daut Stautsvolkj wia sikj nich eenich; eenje hilden sikj met de Juden un de aundre met de Apostel. 5Aus nu de Nichjuden un de Juden met äare Leidasch toop, doaropp loosjinjen an to meshaundlen un to steenjen, #2Tim 3,11 6kjrieejen see daut to hieren un brochten sikj doa wajch, un kjeemen no Liestra un Derbe un Liekaonien 7un prädijden en dee Jäajent daut Evangelium.
Paulus un Barnabas en Liestra un Derbe
8En Liestra saut een kjräpelja Maun, von Jeburt aun soo schwak en de Feet, daut hee noch niemols haud gonen kunt. 9Dee hieed Paulus räden. Aus Paulus am direkjt aunkjikjt, sach hee, daut dee jleewd, daut hee kunn jeheelt woaren. #Mat 9,28 10Dan säd hee to am rajcht lud: Sto opp un sto jlikj opp de Feet! Un hee sprunk opp un jinkj. 11Aus daut Volkj sach waut Paulus jedonen haud, schrieejen see en Liekaonisch: De Jetta sent en Menschenjestault no ons rauf jekomen! #Apost 28,6 12Barnabas nanden see Zeus, un Paulus Hermes, wiels dee de Haupträdna wia. 13De Priesta von Zeus sien Tempel, dee jrod buta de Staut stunt, brocht Ossen un Bloomenkjrens nom Puat, wua hee un daut Volkj an räakjenden Opfa to brinjen. 14Oba aus de Apostel Barnabas un Paulus daut hieeden, vereeten see sikj de Kjleeda un randen mankem Volkj, un schrieejen: 15Jie Mana, wuarom doo jie dit? Wie sent uk stoafliche Menschen jrod soo aus jie, un prädjen junt daut jie von dän faulschen no dän läwendjen Gott junt dreien sellen, dee Himmel un Ieed un Mäa un aules, waut doabennen es, jemoakt haft; #Apost 10,26 16dee de Velkja en väaje Tieden aula haft en äare Wäaj gonen loten; #Apost 17,30 17un doch haft hee sikj nich onen Zeichnis jeloten. Hee deed junt goodet, jeef junt Räajen vom Himmel un fruchtboare Tieden. Hee jeef junt jenuach to äten un muak junt daut Hoat froo! 18Soogoa met dise Wieed kunnen see daut knaup väabieejen, daut daut Volkj an nich Opfa brocht.
19Dan kjeemen eenje Juden von Antiochia un Ikonion un kjrieejen daut Volkj opp äare Sied, un steenijden Paulus un schlapten am fa doot ut de Staut rut. #2Kor 11,25; 2Tim 3,11 20Aus de Jinja sikj oba om am saumelden, stunt hee opp un jinkj trigj en de Staut nenn. Dän näakjsten Dach jinkj hee met Barnabas met no Derbe.
Trigj no Antiochia un Sierien de Jemeenten to besieekjen
21Un aus see en dee Staut daut Evangelium jeprädicht un väl Jinja jemoakt hauden, jinjen see trigj no Liestra, Ikonion un Antiochia. 22See stoakjten de Jinja un spruaken an Moot too, tru em Gloowen to bliewen, un säden daut wie derch väl schwoaret en daut Gottesrikj nenn gonen musten. #Reema 5,3-5; 1Tess 3,3 23Un aus see en aule Jemeenten Eltestasch aunjestalt hauden, un en fausten äwa an jebät hauden, befoolen see an dän Harn aun, aun dän see jleewden. #Apost 6,6 24Un aus see derch Pisidien jereist wieren, kjeemen see no Pamfielien. 25Un aus see daut Wuat en Perge jeprädicht hauden jinjen see bat Atalja.
26Von doa säajelden see no Antiochia, wua see Gott siene Jnod wieren aunbefolen worden fa daut Woakj, daut see nu verecht hauden. #Apost 13,1-2 27Aus see doa aunkjeemen, saumelden see de gaunze Jemeent toop un berechten, aules waut Gott derch an jedonen haud, un daut Gott uk fa de Nichjuden de Däa toom Gloowen opjemoakt haud. #1Kor 16,9 28Un doa bleewen see met de Jinja een langet Stoot.
Выбрано:
Aposteljeschicht 14: PB
Выделить
Поделиться
Сравнить
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Plautdietsch Bible © 2003 Kindred Productions and United Bible Societies Association, Inc.
Aposteljeschicht 14
14
Paulus un Barnabas en Ikonion
1En Ikonion, jinjen Paulus un Barnabas toop en de Judenschool nenn un prädijden, soo daut een groot deel Juden un Griechen toom Gloowen kjeemen. 2Oba de Juden dee nich jleewden, räajden de Nichjuden opp, daut dee sikj jäajen de Breeda dreiden. 3Doawäajen bleewen see doa noch lang, un räden brow un frie vom Harn, dee de Prädicht von siene Jnod doaderch bestädijd, daut hee derch äare Henj Tieekjens un Wunda passieren leet. #Apost 19,11; Heb 2,4 4Oba daut Stautsvolkj wia sikj nich eenich; eenje hilden sikj met de Juden un de aundre met de Apostel. 5Aus nu de Nichjuden un de Juden met äare Leidasch toop, doaropp loosjinjen an to meshaundlen un to steenjen, #2Tim 3,11 6kjrieejen see daut to hieren un brochten sikj doa wajch, un kjeemen no Liestra un Derbe un Liekaonien 7un prädijden en dee Jäajent daut Evangelium.
Paulus un Barnabas en Liestra un Derbe
8En Liestra saut een kjräpelja Maun, von Jeburt aun soo schwak en de Feet, daut hee noch niemols haud gonen kunt. 9Dee hieed Paulus räden. Aus Paulus am direkjt aunkjikjt, sach hee, daut dee jleewd, daut hee kunn jeheelt woaren. #Mat 9,28 10Dan säd hee to am rajcht lud: Sto opp un sto jlikj opp de Feet! Un hee sprunk opp un jinkj. 11Aus daut Volkj sach waut Paulus jedonen haud, schrieejen see en Liekaonisch: De Jetta sent en Menschenjestault no ons rauf jekomen! #Apost 28,6 12Barnabas nanden see Zeus, un Paulus Hermes, wiels dee de Haupträdna wia. 13De Priesta von Zeus sien Tempel, dee jrod buta de Staut stunt, brocht Ossen un Bloomenkjrens nom Puat, wua hee un daut Volkj an räakjenden Opfa to brinjen. 14Oba aus de Apostel Barnabas un Paulus daut hieeden, vereeten see sikj de Kjleeda un randen mankem Volkj, un schrieejen: 15Jie Mana, wuarom doo jie dit? Wie sent uk stoafliche Menschen jrod soo aus jie, un prädjen junt daut jie von dän faulschen no dän läwendjen Gott junt dreien sellen, dee Himmel un Ieed un Mäa un aules, waut doabennen es, jemoakt haft; #Apost 10,26 16dee de Velkja en väaje Tieden aula haft en äare Wäaj gonen loten; #Apost 17,30 17un doch haft hee sikj nich onen Zeichnis jeloten. Hee deed junt goodet, jeef junt Räajen vom Himmel un fruchtboare Tieden. Hee jeef junt jenuach to äten un muak junt daut Hoat froo! 18Soogoa met dise Wieed kunnen see daut knaup väabieejen, daut daut Volkj an nich Opfa brocht.
19Dan kjeemen eenje Juden von Antiochia un Ikonion un kjrieejen daut Volkj opp äare Sied, un steenijden Paulus un schlapten am fa doot ut de Staut rut. #2Kor 11,25; 2Tim 3,11 20Aus de Jinja sikj oba om am saumelden, stunt hee opp un jinkj trigj en de Staut nenn. Dän näakjsten Dach jinkj hee met Barnabas met no Derbe.
Trigj no Antiochia un Sierien de Jemeenten to besieekjen
21Un aus see en dee Staut daut Evangelium jeprädicht un väl Jinja jemoakt hauden, jinjen see trigj no Liestra, Ikonion un Antiochia. 22See stoakjten de Jinja un spruaken an Moot too, tru em Gloowen to bliewen, un säden daut wie derch väl schwoaret en daut Gottesrikj nenn gonen musten. #Reema 5,3-5; 1Tess 3,3 23Un aus see en aule Jemeenten Eltestasch aunjestalt hauden, un en fausten äwa an jebät hauden, befoolen see an dän Harn aun, aun dän see jleewden. #Apost 6,6 24Un aus see derch Pisidien jereist wieren, kjeemen see no Pamfielien. 25Un aus see daut Wuat en Perge jeprädicht hauden jinjen see bat Atalja.
26Von doa säajelden see no Antiochia, wua see Gott siene Jnod wieren aunbefolen worden fa daut Woakj, daut see nu verecht hauden. #Apost 13,1-2 27Aus see doa aunkjeemen, saumelden see de gaunze Jemeent toop un berechten, aules waut Gott derch an jedonen haud, un daut Gott uk fa de Nichjuden de Däa toom Gloowen opjemoakt haud. #1Kor 16,9 28Un doa bleewen see met de Jinja een langet Stoot.
Выбрано:
:
Выделить
Поделиться
Сравнить
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Plautdietsch Bible © 2003 Kindred Productions and United Bible Societies Association, Inc.