Iruka 21
21
Haga 21
Maku 12.41-44 Piat Ewy
1Miꞌi hawyi Iesui tehaꞌat miitꞌin hekat rakaria kape iꞌatumiium Tupana kapiat hap kape. Iwato kahato taꞌatupag heiam me Tupana motypot hamo. 2Iꞌewyte taꞌakasa wẽtup ok hiwu yt hekat rakat i rakat kape katupono typy kurin kat ape yn totopag mekewat heiam me Tupana kapiat imiium. 3Miꞌi hiwu kape tehaꞌat hawyi Iesui toꞌe temiitꞌin me -Eiwehaꞌat ro mekewat hiwu kape mekewat yt hekat i kahato rakat kape katupono mekewat hiwu tum iwato kahato Tupana pe e. Poꞌog poꞌog tutum Tupana pe iraniaꞌin hekat rakaria miium hap kai are paĩ e. 4Katupono iraniaꞌin hekat rakaria taꞌatuekareꞌen sem kaipyi heĩpyt hit yn taꞌatuium Tupana pe maꞌato mekewat hiwu tum naꞌyn Tupana pe tomiꞌu yne saꞌup are tutum naꞌyn yne tomoieineꞌen sese hamuat saꞌup yne tutum Tupana pe e.
Tupana Motypot Moma Hap Etiat
Mateu 24.1-3; Maku 13.1-4 Piat Ewy
5Miꞌi hawyi Iesui potmuꞌeria teꞌerahaꞌat kahato Tupana motypot yat ikahu kahato hap etiat hawyi teꞌeroꞌe toꞌope -Paĩ iꞌatuꞌe ikahu kahato mesuwat Tupana motypot yat iꞌatuꞌe toꞌope. Iwato kahato tig mesuwarotiat nu koro koꞌi Tupana motypot yat iꞌatuminug iꞌatuꞌe. Waku kahato mesuwe iꞌatuꞌe. Eiwehaꞌat ro mekewat miitꞌin miium koꞌi Tupana kapiat hap kape iꞌatuꞌe toꞌope. Taꞌi taꞌatumokahu kahato Tupana motypot hap yat mesuwe iꞌatuꞌe toꞌope. 6Mio tã iꞌatuꞌe hawyi Iesui toꞌe iꞌatuepe -Uhemiitꞌin e taꞌi mesuwarotiat nu koro koꞌi ikahu kahato pykai iwato kahato pykai hewo hewo wyti aru hawyi yt kat i aru wẽtup nu koro topyhuꞌat mekewat eꞌat pe toꞌotote tote rakat are e.
7Miꞌi hawyi hekatuwyria apo iꞌatuꞌe Iesui pe -Urumuꞌe hat karãpe aru paĩ mesuwat nu koro koꞌi hewo hewo hap topyhuꞌat iꞌatuꞌe. Aikotã aru pyno uruikuap mekewat eꞌat putꞌok e hap iꞌatuꞌe Iesui pe. 8Miꞌi hawyi Iesui tiꞌatuwesat topotpoꞌororia pe -Eiweꞌeg wo o are katupono wyti aru uhet wywo uhet eroꞌok haria putꞌok iꞌatuꞌe ehepe eimaꞌat hamo are. -Uito miitꞌin porekuatno Tupana mipoꞌoro iꞌatuꞌe wyti aru. -Uito ti ariot raꞌyn eiporekuat koro wuat iꞌatuꞌe aru maꞌato yt eweiwanetup teiꞌo iꞌatueso rakaria kape are katupono eimaꞌat hamo tõꞌẽ are. 9Taꞌi mekewat eꞌat pe wyti aru wuꞌuka hap koꞌi kahato eweikuap yne mesuwarotiat e. Miꞌi hawyi yt kat hin i woꞌowese hap mesuwarote hap ewywuat eweipuẽti aru are e. Miitꞌin toꞌoꞌatuꞌuka kahato wyti aru hap kape eiwaꞌakasa pykai yt eweikenꞌẽ miꞌi pupi katupono poꞌog poꞌog saꞌag miꞌi eꞌat kai turan putꞌok e mekewat hoꞌopot hoꞌopot hap eꞌat koro are e. 10Miꞌi hawyi woꞌoꞌatuꞌuka atuꞌuka sakpo hap eꞌat wyti aru putꞌok e are e. Miꞌi hawyi morekuaria koro koꞌi toꞌomoma teran aru hawyi toꞌoꞌatuꞌuka atuuka iraniaꞌin ywania eporekuaria koꞌi wywo e. 11Miꞌi hap eꞌat pe turan miitꞌin hesaꞌyt kahato tukupteꞌen yt kat i miꞌu mesuwat mytyyp oktan pote. Mesuwat mytyyp tyry tyry e kahato miꞌi turan. Iꞌewyte Iꞌahuu e hap koꞌi toineꞌen wuatꞌi puo. Miꞌi hawyi atipy piat pe kat kat koꞌi tuwemoherep yt eimikuap i hap ewy. 12Maꞌato mekewat eꞌat pe wyti aru mesuwarotiaria yt uimohey haria eipytyk kahato wyti aru ehatyꞌi hatyꞌi hamo are e Iesui. Taꞌi Tupana motypot hap yat kape eheroto eipe hawyi -Yt nakuaria i kahato miꞌiria iꞌatuꞌe ehepiat uipotpoꞌororia eipe pote are e. Miꞌi hawyi wyti aru taꞌatupyhik kahato eipe are e. Morekuat koro koꞌi tuꞌisaria eiꞌauka teran haria tukupteꞌen uhemiit eipe pote are e. 13-Maꞌato eheroto haria pe iꞌewyte morekuaria pe waku ehenoi uhehay wakuat iꞌatuepe eweikupteꞌen iꞌatupyꞌasetpe turan mekewat eꞌat. Ereineꞌen suraraꞌin po pe pykai waku ewehenoi ewanikaptia pe sehay wakuat uhetiat e. 14-Yt eweiwanetup teiꞌo saꞌawyꞌi -Kat som waku aru areꞌe uiꞌauka teran haria pe iꞌatuwesat hap ete are e. 15Katupono mekewat eꞌat pe aru uito ti aru areineꞌen eiwywo kahato hawyi atopag eiwẽ pe uhehay iꞌatuwesat hamuat are e. Miꞌi hawyi ehewanikaptia paa iꞌatuꞌe uhehay wakuat eiwẽ pywiat pupi are e. 16Pywo ti rat meiũran aru eiꞌywotꞌin eityꞌin yt uimohey i haria yt iꞌatuwese hin i ehete uhehay upiaria eipe pote iꞌewyte ehekatuwyria sese wyti aru eimaꞌat hanuaria teꞌeropyhuꞌat uikyꞌe haria sese eipe pote are e. Taꞌatukay kay suraraꞌin sem eiꞌauka hamo are e. Miꞌi hawyi taꞌatuhoꞌoꞌatuꞌuka kahato uhehay moherep haria mekewat eꞌat pe are e. 17Yt uwe i eikyꞌesat haria tukupteꞌen mekewat eꞌat pe uikai eweikupteꞌen eipe pote are e. 18Iꞌatupyꞌahak kahato ehete uhemiitꞌin eipe pote maꞌato eimosatyꞌi satyꞌi pykai wyti aru yt uwe i eihep kuap Tupana po pyi are e. Taꞌi yt wẽtup e hap taꞌatumoma kuap mekewat eꞌat pe uimiꞌapykok koꞌi eiperia pote e. 19Uimohey ro haty wo mekewat eꞌat pe pote are yt naku i kahato ehete pykai are e. Yt eweipun neiꞌo uimohey hap miitꞌin eiꞌatuꞌuka hap eꞌat pe are e.
Hoꞌopot Hap Eꞌat Etiat
Mateu 24.15-21; Maku 13.14-19 Piat Ewy
20-Mekewat eꞌat pe karapeĩ tukupteꞌen suraraꞌin sem ehewanikaptia yt pya i ehetawa wato Ierusarẽi kai hawyi wehytꞌok teran haria etikuap taꞌyn ehetawa moma sese hap eꞌat hap eweikuap are e. 21Tawa Mekewat eꞌat pe waku tawa Iuteuria piaria meremo Iꞌatukohyeput raꞌyn yityꞌok koꞌi kape. Waku Ierusarẽi miaria meremo tuwenoꞌẽ raꞌyn tawa pyi hoꞌopot hap oksep hamuat. Muap upi Ierusarẽi kapiat eweikupteꞌen mote yt eweiꞌaipok teiꞌo tawa Ierusarẽi kape are e. 22Katupono miitꞌin apiheg hap koro hap eꞌat sese topyhuꞌat mekewat eꞌat pe aru are e. Taꞌi saꞌawyꞌi wuat Tupana miwan ewywuat saꞌag hap ewywuat topyhuꞌat aru mekewat eꞌat. 23Mekewat eꞌat turan yt naku i kahato topyhuꞌat aru mepytꞌa rakaria ete manaꞌin mepyt sat haria wywo ete are e. Katupono hoꞌopot hap yn topyhuꞌat itote are e. Tupana piat miitꞌin apiheg hap putꞌok e raꞌyn yne yi Iuteu piaria ete are e. 24Miꞌi hawyi wẽtup ywania tiꞌatuꞌuka kahato yne Iuteu ywania kyseꞌyp mo taꞌatuꞌatuꞌuka kahato are e. Iraniaꞌin taꞌatueroto wuatꞌi etama kape Iꞌatuꞌeropat haria wo. Taꞌi iraniaꞌin ywania tawa Ierusarẽi taꞌatumoma sese raꞌyn mekewat eꞌat pe e. Miꞌi hap ewy topyhuꞌat mekewat eꞌat Tupana miꞌairo hap kape.
Aikotã Miitꞌin Saꞌyru Uut Hap Etiat
Mateu 24.29-31; Maku 13.24-27 Piat Ewy
25Aat waty waikiru koꞌi iꞌewyte tohenoi wyti aru uhuut hap eꞌat taꞌatuhenoi are. Yt pya i raꞌyn toran naꞌyn e hap eꞌat pe putꞌok e hap taꞌatuhenoi aru are. Aat waty waikiru koꞌi yt tukupteꞌen i taꞌatueiam me are e. Yne etama pe wuꞌuka hap toineꞌen. Toꞌope toꞌope taꞌatuꞌatuuka yne tama piaria. Pywo pe ti yne hyemyiꞌa wato koꞌi ete yꞌy ihyesaika kahato hap ewy topyhuꞌat mekewat eꞌat pe aru e Iesui temiitꞌin me. 26-Miꞌi hawyi aat waikiru waty kohyewyry hap kapiat mesuwarotiaria teꞌeraꞌakasa hawyi gyt Iꞌatuꞌe. Iꞌatuperup iꞌatuwuwu genꞌẽ pono e. Atipy piat iꞌatueiam koꞌi hurukꞌe hawyi yt teꞌeropyhuꞌat kuap i saꞌawyꞌi te wuat ewy e. Miꞌi hawyi -Watopap yne irane aito iꞌatuꞌe toꞌope teꞌerokenꞌẽ haype are e 27-Miꞌi hawyi tuut raꞌyn Uito Eheykeꞌet Eikywyt ywyhig muo uhesaika hawuo uimotypot hawe putꞌok are raꞌyn e Iesui. 28-Pyno uimienoi hap ewy putꞌok e hawyi yt eweikenꞌẽ teiꞌo maꞌato eiwepiit ro katupono yt pya hin i ehehakyeraꞌat hap hamuat eꞌat toineꞌen are e Iesui temiitꞌin me.
Mateu 24.32-35; Maku 13.28-31 Piat Ewy
29Miꞌi hawyi hãꞌãkap wuo tohenoi i raꞌyn. Mio tã e Iesui -Pyno eweikuap taꞌyn aikotã ahetama pe ariaꞌyp koꞌi haat kahato taꞌatueꞌat putꞌok e hawyi e. 30Ahetama pe Wiku yp iꞌyhop kyt eweiꞌakasa hawyi aat mot pe hap eꞌat yt pya hin i watoꞌe mesuwe ahetama pe e. 31Miꞌi hap ewy karãpe eweiꞌakasa yne uimienoi koꞌi ewy tokosap yne hawyi eweikuap taꞌyn tuut irane Tupana Miꞌairo Wuatꞌi Miitꞌin Porekuat nuat hap eꞌat e. 32Pywo ti rat tuut aru wuatꞌi uiꞌe hap oktan koꞌi are e. Mukiꞌite eꞌihatꞌok wyti aru uimohey haria mesuwat yi totiaria teꞌerahaꞌat aru yne uiꞌe hap kape hawyi taꞌatukuap taꞌyn putꞌok e mesuwat mytyyp ikahuro hap eꞌat. 33Taꞌi atipy koꞌi waty aat waikiru koꞌi teꞌeruweityk kahato aru yne iꞌewyte mesuwat yi rotiat yne yt kat i aru toineꞌen katupono tuweityk aru yne maꞌato uimienoi koꞌi yt karãpe i ikahuro aru are. 34-Eiweꞌeg wo o mekewat eꞌat pe ariot turan. Ienuk iwato hap tote mahy u hap ete pote yt uhẽtup hin I haria wo eweikupteꞌen ariot turan e. 35-Taꞌi wuatꞌi miitꞌin mesuwarotiaria teꞌeraꞌakasa hamuat mekewat eꞌat pe huut turan maꞌato yt hekatup i haria pote miꞌiria pyhik hap ewywuat putꞌok e irane e. 36Pyno ewehẽtup to Tupana piat eimoesaika hap eiꞌapykok hamuat mekewat hoꞌopot hap eꞌat putꞌok e ehete pote are e. Waku miat iweꞌeg rakat ewy eweikupteꞌen are e. Waku ewehẽtup o Tupana pe -Yt atoiat teran i uhepiat emohey hap waku eweiꞌe tope are. Miꞌi hawyi putꞌok eweiꞌe wyti aru mekewat ehoꞌopat hap eꞌat hawyi waku -Uipowyro ro mesuwat eꞌat sakpo areto hamuat eweiꞌe ro Tupana pe are e Iesui Miꞌi itote.
Miitꞌin Iꞌatu Rakaria Teꞌeruwanetup Iesui Mienoi Hap Kape
37Miꞌi hawyi wuatꞌi eꞌat pe Iesui tiꞌatumuꞌe kahato miitꞌin sem Tupana motypot yat koro pe. Miꞌi hawyi wãtymꞌi turan toto raꞌyn mekewat ypia kape mekewat Uriweiru yp koꞌi kape. 38Hunete wuatꞌi miitꞌin teꞌeruwaꞌatunug itote Tupana motypot yat koro pe Iesui mienoi kapiat teꞌerowanetup hamo.
Выбрано:
Iruka 21: mav
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2017, Wycliffe Bible Translators, Inc. All rights reserved.