Iruka 23
23
Haga 23
Mateu 23.1-33; Maku 15.1-20; Iuwãu 18.28–19.17 Piat Ewy
1Miꞌi hawyi torannia raꞌyn teꞌeropoĩꞌam Iesui eroto hamo morekuat koro Piratu kape. 2Miꞌi hawyi taꞌatukuasa teran haype Iesui Piratu pe. -Taꞌi mesuwat miit yt naku i sese rakat paĩ iꞌatuꞌe. Gaꞌatpo watipuẽti Miꞌi Miit miitꞌin maꞌat hap ete iꞌatuꞌe. -Yt ewetum neiꞌo morekuat koro pe pohaꞌup e katupono Uito ti Morekuat sese wo areineꞌen e itote hap ete watipuẽti iꞌatuꞌe Piratu pe maꞌato heso. 3Miꞌi hawyi morekuat Piratu apo e Iesui pe -En apo eꞌywania Iuteuria Porekuat e. Miꞌi hawyi Iesui tiwesat -Mio tã ereꞌe e Iesui Piratu pe. 4Miꞌi hawyi Piratu toꞌe paꞌi koro koꞌi pe iꞌewyte iraniaꞌin waꞌatunug haria pe -Yt atiꞌauka teran i Iesui katupono yt kat i hin i toiꞌaparap uiwanetup hawe e. 5Miꞌi hawyi poꞌog haty wo taꞌatukuasa Iesui -Pywo ti rat Iesui tiꞌatumuꞌe kahato miitꞌin yt naku i nug hamuat hap ete iꞌatuꞌe. Pywo pe ti wuꞌuka hap topyhuꞌat Iuteu etama pe Iesui mienoi hap kaipyi iꞌatuꞌe. Taꞌi saꞌawyꞌi mekewat wẽtup eꞌyi Karireia pe toiꞌatumuꞌe itotiaria wẽtup sehay hawyi mio meiũpe raꞌyn iꞌatuꞌe saꞌag Iesui ete morekuat Piratu pe. 6Iꞌatuꞌe hap toikuap hawyi apo e iꞌatuepe -Iesui apo yi Karireia piat e iꞌatuepe. 7Taꞌi yi Karireia piaria mimotag Iesui iꞌatuꞌe Piratu pe. Miꞌi toikuap hawyi morekuat Eroti kape toipoꞌoro Iesui katupono yi Karireia piaria porekuatno Eroti toineꞌen iꞌewyte mekewat eꞌat pe morekuat Eroti toineꞌen tawa Ierusarẽi me.
Iesui Toineꞌen Heroti Pyꞌasetpe
8Miꞌi hawyi morekuat Eroti iwepiit Iesui putꞌok e tewowiat hawyi katupono sehay Iesui etiat toikuap hawyi taꞌakasa teran howawi. Iesui misepap kapiat taꞌakasa teran haype. 9Putꞌok e Iesui morekuat Eroti ewowi hawyi morekuat Eroti apo apo e kahato maꞌato Iesui yt iwesat i. 10Iꞌewyte tukupteꞌen itote paꞌi koro koꞌi iꞌewyte iꞌatunapin hap enoi haria. Pyno morekuat Eroti apo e apo e miꞌiria pe Iesui etiat hawyi taꞌatukuasa kahato Iesui tope. 11Iꞌewyte morekuat Eroti tesuraraꞌin wywo tikuasa kahato Iesui. Miꞌi hawyi morekuat esokpe ikahu kahato hap ewywuat taꞌatupag Iesui piit pe imohit hamo hawyi taꞌatupoꞌoro i raꞌyn morekuat Piratu kape. 12Saꞌawyꞌi te ti morekuat Piratu morekuat Eroti hewanikaptia wo neꞌi maꞌato mekewat eꞌat pe Iesui kuasa hap eꞌat pe iwyriaꞌin wo raꞌyn tukupteꞌen Piratu Eroti katupono wẽtup wanetup hawe ewywuat teꞌeropyhuꞌat Iesui ete. 13Miꞌi hawyi Piratu tiꞌatukay kay raꞌyn paꞌi koro koꞌi iꞌewyte nagnia ehay enoi haria yne waꞌatunug haria toiꞌatukay kay howawi. 14Miꞌi hawyi morekuat Piratu toꞌe iꞌatuepe -Meiũ miit Iesui eimierut wo toineꞌen uhowowi raꞌyn iminug yt naku i hap moherep hamuat e. -Miitꞌin maꞌat hat Miꞌi Miit Iesui eweiꞌe raꞌyn uhepe maꞌato uito ti apo are eipyꞌasetpe hawyi yt kat i hin atipuẽti eimienoi ewy e. 15Miꞌi hawyi atipoꞌoro Iesui morekuat Eroti ewowi waku sio yt kuap hamo e. Miꞌi hawyi Eroti -Waku rakat miꞌi e yt kat i iminug kaipyi atipuẽti saꞌag kahato e. Yt naku i watiꞌauka Miꞌi Miit Iesui e uhepe e morekuat Eroti e uhepe e Piratu. 16Pyno waku watipok pok haity hehu kahato rakat wywo hawyi waku atiporenotem naꞌyn Iesui e Piratu iꞌatuepe. 17Mio tã toꞌe katupono yne anu pe ienuk hap iwato rakat eꞌat pe wẽtup ok saꞌawyꞌi morekuat mipyhik koꞌi Piratu tiporenotem naꞌyn tomipyhik woꞌopyhyp hap pyi. 18Maꞌato itotiaria paꞌi kororia emiitꞌin iꞌatuehay kahato taꞌatuehay pirik wo -Etiꞌauka ro etiꞌauka ro Iesui hawyi waku wẽtup ok mekewat Parapa etiporenotem woꞌopyhik hap wyi iꞌatuꞌe. 19Mekewat woꞌopotꞌauka hat Parapa saꞌawyꞌi Piratu tipyhik katupono saꞌawyꞌi Parapa tipoꞌoro tesuraraꞌin tuꞌuka kahato Piratu suraraꞌin ete toikyꞌesat Piratu etawa towatnuat haype. 20Maꞌato morekuat Piratu Iesui porenotem hap toikyꞌesat pote tuwẽpowat i raꞌyn miitꞌin sem kape -Yt naku i watiꞌauka Iesui katupono waku rakat Miꞌi e. 21Miꞌi hawyi poꞌog haty wo teꞌeroꞌe i -Waku ariaꞌyp posak ete watiꞌauka Iesui iꞌatuꞌe taꞌatuehay pirik wo. 22Miꞌi hawyi myẽꞌym wo Piratu toꞌe iꞌatuepe -Are paĩ kat som Iesui tunug yt naku i iꞌauka hamo e. Yt kat i hin i atipuẽti saꞌag Miꞌi Miit minug koꞌi e. Yt naku i pyno watiꞌauka Miꞌi e. Pyno waku watipok pok hawyi waku watiporenotem woꞌopyhik hap pyi hawyi waku watipohep Miꞌi Miit piit ete e morekuat Piratu Iesui auka teran haria pe. 23Maꞌato waꞌatunug haria yt iꞌatupohep hin i poꞌog iꞌatuꞌe -Yt naku i watiporenotem Iesui iꞌatuꞌe taꞌatuehay pirik wo. Waku watiꞌauka ariaꞌyp posak ete iꞌatuꞌe. Waku watipehik hawyi waku ikuꞌuro iꞌatuꞌe aat. Mio tã iꞌatuꞌe aat hawyi morekuat Piratu yt tiporenotem kuap i Iesui. 24Miꞌi hawyi miitꞌin mikyꞌesat ewy tutunug naꞌyn. Toiwan naꞌyn -Waku watiꞌauka Iesui e. 25Miꞌi hawyi mekewat woꞌopotꞌauka hat mekewat wuꞌuka hap nug hat Parapa e hap het rakat Piratu tiporenotem naꞌyn woꞌopyhik hap pyi hawyi iꞌatumikyꞌesat ewy maꞌato Iesui tutum tesuraraꞌin me iꞌauka hamo iraniaꞌin mikyꞌesat saꞌag ewywuat nug hamuat.
Wẽtup Ok Simau Totioto Raꞌyn Iesui Eꞌariaꞌyp Posak
Mateu 27.31-56; Maku 15.20-41; Iuwãu 19.16-30 Piat Ewy
26Miꞌi hawyi ariaꞌyp posak ipotyi rakat taꞌatunug hawyi taꞌatupag Iesui okpe tote. Maꞌato muap upi taꞌatupuẽti raꞌyn wẽtup tapaiunꞌã Simau e hap yi Sireneu kaipywiat hat. Miꞌi ti go kaipyi tuut tawa Ierusarẽi kape. Miꞌi Simau suraraꞌin tiꞌatupytyk hawyi iꞌokpe tote taꞌatupag Iesui eꞌariaꞌyp posak hawyi Iesui ewatꞌypmo totioto. 27Miꞌi hawyi typyꞌi rakaria tuwat Iesui ewatꞌypmo hawyi toineꞌen miitꞌin tok puo haryporiaꞌin wak haria. Miꞌiria Iesui hoꞌopot hap taꞌatumohaty kahato haype teꞌeruwak kahato. 28Miꞌi hawyi Iesui tehaꞌat wak haria kape hawyi toꞌe -Manaꞌin Ierusarẽi miaria e yt eweiwak teiꞌo uhepiat hoꞌopot pote e. Maꞌato eiwat ehepiat hoꞌopot hap aru eimepytꞌin hoꞌopot hawiat waku eweiwak e. 29Pywo putꞌok e irane ehepiat hoꞌopot kahato hap sese e. Mekewat eꞌat pe turan aru eweiꞌe kahato -Waku poꞌog haryporiaꞌin yt kat i imepytꞌin nakaria eweiꞌe aru e. Taꞌi yt imepyt i rakaria pote poꞌog waku eweiꞌe. Waku poꞌog yt kat i aimepytꞌin ahemi ete an eweiꞌe aru mekewat ehoꞌopat sese hap eꞌat pe e. 30Mekewat eꞌat pe eweiꞌe aru yityꞌok koꞌi pe -Eiwehytꞌok to uruewawi uruꞌauka hamuat eweiꞌe aru e. Miꞌi hawyi yityꞌok hit koꞌi pe eweiꞌe aru -Urumig neran eikaꞌa koꞌi pe katupono uruꞌauka teran uruwanikaptia eweiꞌe aru e. 31Katupono mio tã taꞌatumug uhepe ariaꞌyp yt itag i te ewywuat te turan mote aikotã wyti aru taꞌatunug ehepe ariaꞌyp koꞌi igag nakat ewywuaria. Pyno mio tã ewetunug mesup uhete yt kat i atunug saꞌag pykai aikotã aru taꞌatunug ehete ehewanikaptia aru eiminug saꞌag kahato hap poꞌypyi e Iesui haryporia wak haria pe topiat hoꞌopot hap turan.
Iesui Auka Hap
Mateu 27.33-44; Maku 15.22-32; Iuwãu 19.17-27 Piat Ewy
32Miꞌi hawyi iꞌewyte typy ok yt naku i sese nug haria miitꞌin potꞌauka haria miitꞌin potseroꞌok takaria taꞌatueroto yityꞌok kape iꞌatuꞌuka Iesui wywuat hamo. 33Miꞌi hawyi putꞌok iꞌatuꞌe itote mekewat yityꞌok saꞌag note mekewat yityꞌok nu kawiat miit akag kag ewywuat hap tote hawyi taꞌatupehik taꞌyn Iesui imoheg hap koꞌi wo teꞌariaꞌyp posak ete. Miꞌi hawyi taꞌatupoĩꞌam ywaipe.
Miꞌi hawyi taꞌatupehik wy mekewat typy ok yt naku i sese nug haria wy taꞌatuꞌariaꞌyp posak koꞌi ete hawyi taꞌatupotꞌam wẽtup ok Iesui po sese kai hawyi wẽtup ok ipo ran kai. 34Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.
35Miꞌi hawyi iraniaꞌin teꞌerahaꞌat aat Iesui ewowi. Miꞌi hawyi toꞌywania Iuteuria ywania iꞌatuehay saꞌag kahato Iesui ete -Taꞌi iraniaꞌin toiꞌatuehakyeraꞌat kuap wen maꞌato yt hesaika hin i tuwehakyeraꞌat hamo iꞌatuꞌe. Miꞌi hawyi iꞌatuꞌe Iesui pe -Pywo pe ti En Tupana Mipoꞌoro uruporekuat nuat pote waku ewewi erehakyeraꞌat hawyi erehep to eꞌariaꞌyp posak pyi iꞌatuꞌe. 36Suraraꞌin iꞌewyte Iesui moweukaꞌi saꞌag haria tukupteꞌen itote. Miꞌi hawyi suraraꞌin hum sapo hy ewywuat maꞌato yt naku i rakat nop takat neꞌi. 37Miꞌi hawyi -Pyno En aiꞌywania porekuat pote erehakyeraꞌat ro iꞌatuꞌe tope suraraꞌin. 38Miꞌi hawyi Morekuat Piratu tiwan naꞌyn -Miꞌi Miit ri Iuteu Ywania Porekuat Koro e tomiwan me hawyi toipehik Iesui akag apy tote ariaꞌyp posak ete.
Typy Ok Miitꞌin Miꞌauka Wo Tukupteꞌen Wy
39Miꞌi hawyi mekewat wẽtup ok mekewat miit auka hat yt nakuat i tomoweukaꞌi haype Iesui wẽtup ariaꞌyp posak pyi -Pywo ti rat En nyti pywuat Tupana Mipoꞌoro pote uruhep to mesuwe pyi hawyi uruehakyeraꞌat ro En iꞌewyte erehakyeraꞌat ro meiũpe pyi ariaꞌyp posak pyi e Iesui pe. 40Mio tã toꞌe hawyi wẽtup ok Iesui po sese kawiat yt nakuat i mio tã toꞌe Iesui moweukaꞌi hat pe -Yt naku i miꞌi tã ere Iesui pe e. Yt erekenꞌẽ i apo Tupana pupi e. Pywo pe ti aiꞌapiheg aiminug saꞌag poꞌypyi mesuwat ariaꞌyp posak koꞌi ete e. 41Taꞌi aiminug saꞌag upi aiꞌauka aiꞌapiheg hamuat wen maꞌato Iesui yt kat i hin i saꞌag tutunug pykai toineꞌen toꞌapiheg hawe ikuꞌuro hamuat e. 42Miꞌi hawyi Iesui pe toꞌe -Mehin e yt uiwaure teiꞌo En karapeĩ ereineꞌen Wuatꞌi Miitꞌin Potypot nuat turan e. 43Miꞌi hawyi Iesui tiwesat raꞌyn -Pywo pe ti mesup eꞌat pe ereineꞌen uiwywo uhetama sese pe e Iesui tomohey pakup takat pe mekewat saꞌawyꞌi miitꞌin auka hat pe ariaꞌyp posak pyi.
44Miꞌi hawyi atposake putꞌok e hawyi wãtym kape putꞌok e myẽꞌym ora turan iꞌypyryp kahato wãtym ewy mesuwat yi tote. 45Aat yt hẽtyhot hin i mesuwat yi tote hawyi mekewat Tupana motypot yat eꞌokenꞌypy sokpe kawiat hiotꞌe kahato myasetpuo yi kape. 46Miꞌi hawyi ariaꞌyp posak pyi Iesui toꞌe tehay pirik wo Tupana pe -Papai e epo pe raꞌyn atoiat Uipaꞌãu e. Mio tã toꞌe ipyhu tek taꞌyn hawyi ikuꞌuro raꞌyn. 47Miꞌi hawyi wẽtup ok suraraꞌin akag taꞌakasa yne hawyi tuwehum kahato Tupana pe -Pywo pe ti Meiũ Miit Iesui waku kahato rakat are e. 48Miꞌi hawyi iraniaꞌin sehaꞌat haria ikuap taꞌyn aikotã aikotã Iesui ikuꞌuro waku hap ewy hawyi teꞌeraꞌaipok taꞌyn taꞌatuꞌyat koꞌi kape. Maꞌato iꞌatuwat turan teꞌerepotiꞌa petek petek kahato muap upi -Paa urutoꞌe paa urutoꞌe e hamo Iuteuria eko ewy. 49Miꞌi hawyi Iesui wywuaria typyꞌi kahato rakaria yi wato Karireia pywiaria teꞌerahaꞌat kahato Iesui kuꞌuro hap kape pya pyi ariaꞌyp posak koꞌi kai tukupteꞌen wen maꞌato itote pyi teꞌeruwehaꞌat yne aikotã Iesui kuꞌuro turan hap kape.
Iesui Syp Hap
Mateu 27.57-61; Maku 15.42-47; Iuwãu 19.38-42 Piat Ewy
50Toineꞌen itote wẽtup ok miit Iuse e hap het rakat tawa Arimateia kaipywiat. 51Iuse ti waku kahato rakat. Miꞌi ti miitꞌin mimotypot kahato -Tupana topyhuꞌat irane Miitꞌin Porekuat nuat e hap ekatup hat Iuse. Saꞌawyꞌi toineꞌen iraniaꞌin woꞌonapin haria pyꞌasetpe karãpe -Yt naku i kahato Iesui pote waku watiꞌauka miꞌi iꞌatuꞌe turan maꞌato Iuse -Yt naku i watiꞌauka Miꞌi Miit e itote. 52Miꞌi hawyi Iesui ikuꞌuro hawyi Iuse toto morekuat Piratu kape hawyi tohẽtup -Etum no Iesui piit uhepe isyp hamo e. 53Miꞌi hawyi morekuat Piratu -Waku e hawyi Iuse tihep taꞌyn Iesui piit ariaꞌyp posak pyi hawyi tohuwy raꞌyn sokpe ikahu rakat hoꞌowoity rakatno. Miꞌi hawyi totopag naꞌyn ipiit woꞌosyp hawe nu wato kaꞌa pe aikope yt uwe i syp hawe nu kaꞌa miitꞌin minug pakup we totopag. 54Toisyp taꞌyn Iesui wãtym yt pya i turan. Waku taꞌatunug yne raꞌyn yne raꞌyn katupono mukiꞌite Tupana motypot hamuat hap eꞌat. Mukiꞌite yt ipotpap i hap eꞌat pe Tupana yn motypot hamuat hap eꞌat. 55Iꞌewyte haryporiaꞌin Iesui wywuaria yi Karireia kaipywiaria tuwat Iuse wywo Iesui syp hap kapiat teꞌeraꞌakasa hamo. 56Miꞌi hawyi teꞌeraꞌaipok taꞌyn taꞌatuꞌyat koꞌi kape mohag ikamhig se rakat kyiꞌat hamo Iesui piit pen hamo. Maꞌato mukiꞌite Tupana motypot eꞌat turan teꞌeremohy raꞌyn miwan enoi hap ewy.
Выбрано:
Iruka 23: mav
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2017, Wycliffe Bible Translators, Inc. All rights reserved.
Iruka 23
23
Haga 23
Mateu 23.1-33; Maku 15.1-20; Iuwãu 18.28–19.17 Piat Ewy
1Miꞌi hawyi torannia raꞌyn teꞌeropoĩꞌam Iesui eroto hamo morekuat koro Piratu kape. 2Miꞌi hawyi taꞌatukuasa teran haype Iesui Piratu pe. -Taꞌi mesuwat miit yt naku i sese rakat paĩ iꞌatuꞌe. Gaꞌatpo watipuẽti Miꞌi Miit miitꞌin maꞌat hap ete iꞌatuꞌe. -Yt ewetum neiꞌo morekuat koro pe pohaꞌup e katupono Uito ti Morekuat sese wo areineꞌen e itote hap ete watipuẽti iꞌatuꞌe Piratu pe maꞌato heso. 3Miꞌi hawyi morekuat Piratu apo e Iesui pe -En apo eꞌywania Iuteuria Porekuat e. Miꞌi hawyi Iesui tiwesat -Mio tã ereꞌe e Iesui Piratu pe. 4Miꞌi hawyi Piratu toꞌe paꞌi koro koꞌi pe iꞌewyte iraniaꞌin waꞌatunug haria pe -Yt atiꞌauka teran i Iesui katupono yt kat i hin i toiꞌaparap uiwanetup hawe e. 5Miꞌi hawyi poꞌog haty wo taꞌatukuasa Iesui -Pywo ti rat Iesui tiꞌatumuꞌe kahato miitꞌin yt naku i nug hamuat hap ete iꞌatuꞌe. Pywo pe ti wuꞌuka hap topyhuꞌat Iuteu etama pe Iesui mienoi hap kaipyi iꞌatuꞌe. Taꞌi saꞌawyꞌi mekewat wẽtup eꞌyi Karireia pe toiꞌatumuꞌe itotiaria wẽtup sehay hawyi mio meiũpe raꞌyn iꞌatuꞌe saꞌag Iesui ete morekuat Piratu pe. 6Iꞌatuꞌe hap toikuap hawyi apo e iꞌatuepe -Iesui apo yi Karireia piat e iꞌatuepe. 7Taꞌi yi Karireia piaria mimotag Iesui iꞌatuꞌe Piratu pe. Miꞌi toikuap hawyi morekuat Eroti kape toipoꞌoro Iesui katupono yi Karireia piaria porekuatno Eroti toineꞌen iꞌewyte mekewat eꞌat pe morekuat Eroti toineꞌen tawa Ierusarẽi me.
Iesui Toineꞌen Heroti Pyꞌasetpe
8Miꞌi hawyi morekuat Eroti iwepiit Iesui putꞌok e tewowiat hawyi katupono sehay Iesui etiat toikuap hawyi taꞌakasa teran howawi. Iesui misepap kapiat taꞌakasa teran haype. 9Putꞌok e Iesui morekuat Eroti ewowi hawyi morekuat Eroti apo apo e kahato maꞌato Iesui yt iwesat i. 10Iꞌewyte tukupteꞌen itote paꞌi koro koꞌi iꞌewyte iꞌatunapin hap enoi haria. Pyno morekuat Eroti apo e apo e miꞌiria pe Iesui etiat hawyi taꞌatukuasa kahato Iesui tope. 11Iꞌewyte morekuat Eroti tesuraraꞌin wywo tikuasa kahato Iesui. Miꞌi hawyi morekuat esokpe ikahu kahato hap ewywuat taꞌatupag Iesui piit pe imohit hamo hawyi taꞌatupoꞌoro i raꞌyn morekuat Piratu kape. 12Saꞌawyꞌi te ti morekuat Piratu morekuat Eroti hewanikaptia wo neꞌi maꞌato mekewat eꞌat pe Iesui kuasa hap eꞌat pe iwyriaꞌin wo raꞌyn tukupteꞌen Piratu Eroti katupono wẽtup wanetup hawe ewywuat teꞌeropyhuꞌat Iesui ete. 13Miꞌi hawyi Piratu tiꞌatukay kay raꞌyn paꞌi koro koꞌi iꞌewyte nagnia ehay enoi haria yne waꞌatunug haria toiꞌatukay kay howawi. 14Miꞌi hawyi morekuat Piratu toꞌe iꞌatuepe -Meiũ miit Iesui eimierut wo toineꞌen uhowowi raꞌyn iminug yt naku i hap moherep hamuat e. -Miitꞌin maꞌat hat Miꞌi Miit Iesui eweiꞌe raꞌyn uhepe maꞌato uito ti apo are eipyꞌasetpe hawyi yt kat i hin atipuẽti eimienoi ewy e. 15Miꞌi hawyi atipoꞌoro Iesui morekuat Eroti ewowi waku sio yt kuap hamo e. Miꞌi hawyi Eroti -Waku rakat miꞌi e yt kat i iminug kaipyi atipuẽti saꞌag kahato e. Yt naku i watiꞌauka Miꞌi Miit Iesui e uhepe e morekuat Eroti e uhepe e Piratu. 16Pyno waku watipok pok haity hehu kahato rakat wywo hawyi waku atiporenotem naꞌyn Iesui e Piratu iꞌatuepe. 17Mio tã toꞌe katupono yne anu pe ienuk hap iwato rakat eꞌat pe wẽtup ok saꞌawyꞌi morekuat mipyhik koꞌi Piratu tiporenotem naꞌyn tomipyhik woꞌopyhyp hap pyi. 18Maꞌato itotiaria paꞌi kororia emiitꞌin iꞌatuehay kahato taꞌatuehay pirik wo -Etiꞌauka ro etiꞌauka ro Iesui hawyi waku wẽtup ok mekewat Parapa etiporenotem woꞌopyhik hap wyi iꞌatuꞌe. 19Mekewat woꞌopotꞌauka hat Parapa saꞌawyꞌi Piratu tipyhik katupono saꞌawyꞌi Parapa tipoꞌoro tesuraraꞌin tuꞌuka kahato Piratu suraraꞌin ete toikyꞌesat Piratu etawa towatnuat haype. 20Maꞌato morekuat Piratu Iesui porenotem hap toikyꞌesat pote tuwẽpowat i raꞌyn miitꞌin sem kape -Yt naku i watiꞌauka Iesui katupono waku rakat Miꞌi e. 21Miꞌi hawyi poꞌog haty wo teꞌeroꞌe i -Waku ariaꞌyp posak ete watiꞌauka Iesui iꞌatuꞌe taꞌatuehay pirik wo. 22Miꞌi hawyi myẽꞌym wo Piratu toꞌe iꞌatuepe -Are paĩ kat som Iesui tunug yt naku i iꞌauka hamo e. Yt kat i hin i atipuẽti saꞌag Miꞌi Miit minug koꞌi e. Yt naku i pyno watiꞌauka Miꞌi e. Pyno waku watipok pok hawyi waku watiporenotem woꞌopyhik hap pyi hawyi waku watipohep Miꞌi Miit piit ete e morekuat Piratu Iesui auka teran haria pe. 23Maꞌato waꞌatunug haria yt iꞌatupohep hin i poꞌog iꞌatuꞌe -Yt naku i watiporenotem Iesui iꞌatuꞌe taꞌatuehay pirik wo. Waku watiꞌauka ariaꞌyp posak ete iꞌatuꞌe. Waku watipehik hawyi waku ikuꞌuro iꞌatuꞌe aat. Mio tã iꞌatuꞌe aat hawyi morekuat Piratu yt tiporenotem kuap i Iesui. 24Miꞌi hawyi miitꞌin mikyꞌesat ewy tutunug naꞌyn. Toiwan naꞌyn -Waku watiꞌauka Iesui e. 25Miꞌi hawyi mekewat woꞌopotꞌauka hat mekewat wuꞌuka hap nug hat Parapa e hap het rakat Piratu tiporenotem naꞌyn woꞌopyhik hap pyi hawyi iꞌatumikyꞌesat ewy maꞌato Iesui tutum tesuraraꞌin me iꞌauka hamo iraniaꞌin mikyꞌesat saꞌag ewywuat nug hamuat.
Wẽtup Ok Simau Totioto Raꞌyn Iesui Eꞌariaꞌyp Posak
Mateu 27.31-56; Maku 15.20-41; Iuwãu 19.16-30 Piat Ewy
26Miꞌi hawyi ariaꞌyp posak ipotyi rakat taꞌatunug hawyi taꞌatupag Iesui okpe tote. Maꞌato muap upi taꞌatupuẽti raꞌyn wẽtup tapaiunꞌã Simau e hap yi Sireneu kaipywiat hat. Miꞌi ti go kaipyi tuut tawa Ierusarẽi kape. Miꞌi Simau suraraꞌin tiꞌatupytyk hawyi iꞌokpe tote taꞌatupag Iesui eꞌariaꞌyp posak hawyi Iesui ewatꞌypmo totioto. 27Miꞌi hawyi typyꞌi rakaria tuwat Iesui ewatꞌypmo hawyi toineꞌen miitꞌin tok puo haryporiaꞌin wak haria. Miꞌiria Iesui hoꞌopot hap taꞌatumohaty kahato haype teꞌeruwak kahato. 28Miꞌi hawyi Iesui tehaꞌat wak haria kape hawyi toꞌe -Manaꞌin Ierusarẽi miaria e yt eweiwak teiꞌo uhepiat hoꞌopot pote e. Maꞌato eiwat ehepiat hoꞌopot hap aru eimepytꞌin hoꞌopot hawiat waku eweiwak e. 29Pywo putꞌok e irane ehepiat hoꞌopot kahato hap sese e. Mekewat eꞌat pe turan aru eweiꞌe kahato -Waku poꞌog haryporiaꞌin yt kat i imepytꞌin nakaria eweiꞌe aru e. Taꞌi yt imepyt i rakaria pote poꞌog waku eweiꞌe. Waku poꞌog yt kat i aimepytꞌin ahemi ete an eweiꞌe aru mekewat ehoꞌopat sese hap eꞌat pe e. 30Mekewat eꞌat pe eweiꞌe aru yityꞌok koꞌi pe -Eiwehytꞌok to uruewawi uruꞌauka hamuat eweiꞌe aru e. Miꞌi hawyi yityꞌok hit koꞌi pe eweiꞌe aru -Urumig neran eikaꞌa koꞌi pe katupono uruꞌauka teran uruwanikaptia eweiꞌe aru e. 31Katupono mio tã taꞌatumug uhepe ariaꞌyp yt itag i te ewywuat te turan mote aikotã wyti aru taꞌatunug ehepe ariaꞌyp koꞌi igag nakat ewywuaria. Pyno mio tã ewetunug mesup uhete yt kat i atunug saꞌag pykai aikotã aru taꞌatunug ehete ehewanikaptia aru eiminug saꞌag kahato hap poꞌypyi e Iesui haryporia wak haria pe topiat hoꞌopot hap turan.
Iesui Auka Hap
Mateu 27.33-44; Maku 15.22-32; Iuwãu 19.17-27 Piat Ewy
32Miꞌi hawyi iꞌewyte typy ok yt naku i sese nug haria miitꞌin potꞌauka haria miitꞌin potseroꞌok takaria taꞌatueroto yityꞌok kape iꞌatuꞌuka Iesui wywuat hamo. 33Miꞌi hawyi putꞌok iꞌatuꞌe itote mekewat yityꞌok saꞌag note mekewat yityꞌok nu kawiat miit akag kag ewywuat hap tote hawyi taꞌatupehik taꞌyn Iesui imoheg hap koꞌi wo teꞌariaꞌyp posak ete. Miꞌi hawyi taꞌatupoĩꞌam ywaipe.
Miꞌi hawyi taꞌatupehik wy mekewat typy ok yt naku i sese nug haria wy taꞌatuꞌariaꞌyp posak koꞌi ete hawyi taꞌatupotꞌam wẽtup ok Iesui po sese kai hawyi wẽtup ok ipo ran kai. 34Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.
35Miꞌi hawyi iraniaꞌin teꞌerahaꞌat aat Iesui ewowi. Miꞌi hawyi toꞌywania Iuteuria ywania iꞌatuehay saꞌag kahato Iesui ete -Taꞌi iraniaꞌin toiꞌatuehakyeraꞌat kuap wen maꞌato yt hesaika hin i tuwehakyeraꞌat hamo iꞌatuꞌe. Miꞌi hawyi iꞌatuꞌe Iesui pe -Pywo pe ti En Tupana Mipoꞌoro uruporekuat nuat pote waku ewewi erehakyeraꞌat hawyi erehep to eꞌariaꞌyp posak pyi iꞌatuꞌe. 36Suraraꞌin iꞌewyte Iesui moweukaꞌi saꞌag haria tukupteꞌen itote. Miꞌi hawyi suraraꞌin hum sapo hy ewywuat maꞌato yt naku i rakat nop takat neꞌi. 37Miꞌi hawyi -Pyno En aiꞌywania porekuat pote erehakyeraꞌat ro iꞌatuꞌe tope suraraꞌin. 38Miꞌi hawyi Morekuat Piratu tiwan naꞌyn -Miꞌi Miit ri Iuteu Ywania Porekuat Koro e tomiwan me hawyi toipehik Iesui akag apy tote ariaꞌyp posak ete.
Typy Ok Miitꞌin Miꞌauka Wo Tukupteꞌen Wy
39Miꞌi hawyi mekewat wẽtup ok mekewat miit auka hat yt nakuat i tomoweukaꞌi haype Iesui wẽtup ariaꞌyp posak pyi -Pywo ti rat En nyti pywuat Tupana Mipoꞌoro pote uruhep to mesuwe pyi hawyi uruehakyeraꞌat ro En iꞌewyte erehakyeraꞌat ro meiũpe pyi ariaꞌyp posak pyi e Iesui pe. 40Mio tã toꞌe hawyi wẽtup ok Iesui po sese kawiat yt nakuat i mio tã toꞌe Iesui moweukaꞌi hat pe -Yt naku i miꞌi tã ere Iesui pe e. Yt erekenꞌẽ i apo Tupana pupi e. Pywo pe ti aiꞌapiheg aiminug saꞌag poꞌypyi mesuwat ariaꞌyp posak koꞌi ete e. 41Taꞌi aiminug saꞌag upi aiꞌauka aiꞌapiheg hamuat wen maꞌato Iesui yt kat i hin i saꞌag tutunug pykai toineꞌen toꞌapiheg hawe ikuꞌuro hamuat e. 42Miꞌi hawyi Iesui pe toꞌe -Mehin e yt uiwaure teiꞌo En karapeĩ ereineꞌen Wuatꞌi Miitꞌin Potypot nuat turan e. 43Miꞌi hawyi Iesui tiwesat raꞌyn -Pywo pe ti mesup eꞌat pe ereineꞌen uiwywo uhetama sese pe e Iesui tomohey pakup takat pe mekewat saꞌawyꞌi miitꞌin auka hat pe ariaꞌyp posak pyi.
44Miꞌi hawyi atposake putꞌok e hawyi wãtym kape putꞌok e myẽꞌym ora turan iꞌypyryp kahato wãtym ewy mesuwat yi tote. 45Aat yt hẽtyhot hin i mesuwat yi tote hawyi mekewat Tupana motypot yat eꞌokenꞌypy sokpe kawiat hiotꞌe kahato myasetpuo yi kape. 46Miꞌi hawyi ariaꞌyp posak pyi Iesui toꞌe tehay pirik wo Tupana pe -Papai e epo pe raꞌyn atoiat Uipaꞌãu e. Mio tã toꞌe ipyhu tek taꞌyn hawyi ikuꞌuro raꞌyn. 47Miꞌi hawyi wẽtup ok suraraꞌin akag taꞌakasa yne hawyi tuwehum kahato Tupana pe -Pywo pe ti Meiũ Miit Iesui waku kahato rakat are e. 48Miꞌi hawyi iraniaꞌin sehaꞌat haria ikuap taꞌyn aikotã aikotã Iesui ikuꞌuro waku hap ewy hawyi teꞌeraꞌaipok taꞌyn taꞌatuꞌyat koꞌi kape. Maꞌato iꞌatuwat turan teꞌerepotiꞌa petek petek kahato muap upi -Paa urutoꞌe paa urutoꞌe e hamo Iuteuria eko ewy. 49Miꞌi hawyi Iesui wywuaria typyꞌi kahato rakaria yi wato Karireia pywiaria teꞌerahaꞌat kahato Iesui kuꞌuro hap kape pya pyi ariaꞌyp posak koꞌi kai tukupteꞌen wen maꞌato itote pyi teꞌeruwehaꞌat yne aikotã Iesui kuꞌuro turan hap kape.
Iesui Syp Hap
Mateu 27.57-61; Maku 15.42-47; Iuwãu 19.38-42 Piat Ewy
50Toineꞌen itote wẽtup ok miit Iuse e hap het rakat tawa Arimateia kaipywiat. 51Iuse ti waku kahato rakat. Miꞌi ti miitꞌin mimotypot kahato -Tupana topyhuꞌat irane Miitꞌin Porekuat nuat e hap ekatup hat Iuse. Saꞌawyꞌi toineꞌen iraniaꞌin woꞌonapin haria pyꞌasetpe karãpe -Yt naku i kahato Iesui pote waku watiꞌauka miꞌi iꞌatuꞌe turan maꞌato Iuse -Yt naku i watiꞌauka Miꞌi Miit e itote. 52Miꞌi hawyi Iesui ikuꞌuro hawyi Iuse toto morekuat Piratu kape hawyi tohẽtup -Etum no Iesui piit uhepe isyp hamo e. 53Miꞌi hawyi morekuat Piratu -Waku e hawyi Iuse tihep taꞌyn Iesui piit ariaꞌyp posak pyi hawyi tohuwy raꞌyn sokpe ikahu rakat hoꞌowoity rakatno. Miꞌi hawyi totopag naꞌyn ipiit woꞌosyp hawe nu wato kaꞌa pe aikope yt uwe i syp hawe nu kaꞌa miitꞌin minug pakup we totopag. 54Toisyp taꞌyn Iesui wãtym yt pya i turan. Waku taꞌatunug yne raꞌyn yne raꞌyn katupono mukiꞌite Tupana motypot hamuat hap eꞌat. Mukiꞌite yt ipotpap i hap eꞌat pe Tupana yn motypot hamuat hap eꞌat. 55Iꞌewyte haryporiaꞌin Iesui wywuaria yi Karireia kaipywiaria tuwat Iuse wywo Iesui syp hap kapiat teꞌeraꞌakasa hamo. 56Miꞌi hawyi teꞌeraꞌaipok taꞌyn taꞌatuꞌyat koꞌi kape mohag ikamhig se rakat kyiꞌat hamo Iesui piit pen hamo. Maꞌato mukiꞌite Tupana motypot eꞌat turan teꞌeremohy raꞌyn miwan enoi hap ewy.
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2017, Wycliffe Bible Translators, Inc. All rights reserved.