Salm 53

Drygioni’r galon ddynol

(Salm 14)

I’r arweinydd cerdd: Mascîl ar yr alaw “Machalath”. Salm Dafydd.

1Dim ond ffŵl sy’n meddwl wrtho’i hun,

“Dydy Duw ddim yn bodoli.”

Mae pobl yn gwneud pob math o bethau ffiaidd.

Does neb yn gwneud daioni!

2Mae Duw yn edrych i lawr o’r nefoedd ar y ddynoliaeth

i weld a oes unrhyw un call,

unrhyw un sy’n ceisio Duw.

3Ond mae pawb wedi troi cefn arno,

ac yn gwbl lygredig.

Does neb yn gwneud daioni –

dim un!

4Ydyn nhw wir mor dwp? – Yr holl rhai drwg

sy’n llarpio fy mhobl fel taen nhw’n llowcio bwyd,

a byth yn galw ar yr ARGLWYDD?

5Byddan nhw’n dychryn am eu bywydau

– fuodd erioed y fath beth o’r blaen –

Bydd Duw yn chwalu esgyrn y rhai sy’n ymosod arnat ti.

Byddi di’n codi cywilydd arnyn nhw,

am fod Duw wedi’u gwrthod nhw.

6O, dw i eisiau i’r un sy’n achub Israel ddod o Seion!

Pan fydd Duw yn troi’r sefyllfa rownd

bydd Jacob yn gorfoleddu,

a bydd Israel mor hapus!

දැනට තෝරාගෙන ඇත:

Salm 53: bnet

සළකුණු කරන්න

පිටපත් කරන්න

සසඳන්න

බෙදාගන්න

Salm 53වෙතින් ජනප්‍රිය බයිබල් පද