If you have would like a copy of this version please contact info@davaraudiobibles.org

Ekitabo Ekitukuvu Ekiyitibwa Baibuli

<div class="version vid1423 iso6393lug" data-vid="1423" data-iso6393="lug">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Bwe bityo eggulu n'ensi, n'ebirimu byonna, ne biggwa okukola.#Kuv 20:11; 31:17, Beb 4:4 2Ku lu nnaku olwomusanvu Katonda n'amala emirimu gyonna gye yakola, n'awummulira ku lunaku olwomusanvu mu mirimu gye gyonna gye yakola. 3Katonda n'awa omukisa olunaku olwomusanvu n'alutukuza, kubanga olwo lwe yawummulirako emirimu gye gyonna gye yakola.</div><div class="s">Abantu abaasooka ku nsi (2:4&#8212;4:26)</div><div class="p"> 4Bino by'ebifa ku ggulu n'ensi nga bwe byatondebwa. Ku lunaku Mukama Katonda kwe yakolera ensi n'eggulu, 5waali tewannamera muti gwonna ogw'omu nsiko wadde omuddo, kubanga Mukama Katonda yali tannaba kutonnyesa nkuba ku nsi; era nga tewali muntu alima ensi. 6Naye amazzi gaavanga mu ttaka, ne gannyikiza ensi.</div><div class="s">Omuntu mu lusuku mu Edeni</div><div class="p"> 7Mukama Katonda n'abumba omuntu n'enfuufu ey'ensi, n'amufuuwamu mu nnyindo omukka ogw'obulamu, omuntu n'alyoka abeera omulamu.#Lub 3:19; 7:22, Yob 33:4, Mub 11:7, 1 Kol 15:45,47 8Mukama Katonda n'asimba olusuku mu Edeni, ku luuyi olw'ebuvanjuba; n'ateeka omwo omuntu gwe yabumba.#Lub 13:10, Is 51:3 9Mukama Katonda n'ameza mu nsi buli muti ogusanyusa amaaso, omulungi okulya. Wakati mu lusuku mwalimu omuti ogw'obulamu, n'omuti ogw'okumanya obulungi n'obubi.#Lub 1:17; 3:22, Kub 22:2,14 10Omugga ne gusibuka mu Edeni okufukiriranga amazzi mu lusuku; ne gweyawulamu ne gufuuka emigga ena. 11Ogwolubereberye erinnya lyagwo Pisoni: ogwo gwe gwetooloola ensi yonna eya Kavira, erimu zaabu;#Lub 25:18, 1 Sam 15:7 12ne zaabu ey'omu nsi eyo nnungi; mulimu bedola n'amayinja aga sokamu. 13Ogwokubiri erinnya lyagwo Gikoni: ogwo gwe gwetooloola ensi yonna eya Kkuusi. 14Ogwokusatu nga guyitibwa Kidekeri: ogwo gwe guyita ku mabbali g'e Bwasuli. N'ogwokuna nga guyitibwa Fulaati.#Dan 10:4 15Mukama Katonda n'atwala omuntu, n'amuteeka mu lusuku Edeni alulimenga, alulabirirenga. 16Mukama Katonda n'alagira omuntu n'amugamba nti, &#8220;Buli muti ogw'omu lusuku olyangako nga bw'onooyagalanga; 17naye omuti ogw'okumanya obulungi n'obubi togulyangako, kubanga olunaku lw'oligulyako lw'olifa.&#8221;</div><div class="s">Okutondebwa kw'omukazi</div><div class="p"> 18Awo Mukama Katonda n'ayogera nti, &#8220;Si kirungi omuntu okubeeranga yekka; nnaamukolera omubeezi amusaanira.&#8221; 19Mukama Katonda n'addira ettaka n'akolamu buli nsolo ey'omu nsiko, na buli kinnyonyi ekibuuka mu bbanga; n'abireetera omuntu okulaba bw'anaabiyita; n'omuntu buli linnya lye yayita ekitonde kyonna ekiramu eryo lye lyafuuka erinnya lyakyo.#Lub 1:20,24 20Omuntu n'atuuma amannya buli nsolo na buli ekibuuka mu bbanga, naye omuntu nga tannalaba mubeezi amusaanira. 21Mukama Katonda n'aleetera omuntu otulo tungi, ne yeebaka; n'amuggyamu olubiriizi lumu, n'azzaawo ennyama mu kifo kyalwo.#Lub 15:12, 1 Sam 26:12 22Mukama Katonda n'akola omukazi mu lubiriizi lw'aggye mu muntu, n'amuleeta eri omuntu. 23Omuntu n'ayogera nti,</div><div class="q1">&#8220;Otyo! Ono nno lye ggumba erivudde mu magumba gange,</div><div class="q2">ye nnyama evudde mu nnyama yange;</div><div class="q1">naye anaayitibwanga mukazi,</div><div class="q2">kubanga aggyiddwa mu musajja.&#8221;#Lub 29:14, Balam 9:2, 2 Sam 5:1, 1 Kol 11:8, Bef 5:30#2:23 Omukazi mu Lwebbulaniya, &#8220;Ishshah,&#8221; nga kiva mu kigambo &#8220;Ish,&#8221; ekitegeeza omusajja.</div><div class="p"> 24N'olwekyo, omusajja ky'anaavanga aleka kitaawe ne nnyina, ne yeegatta ne mukazi we, ne bafuuka omubiri gumu.#Mat 19:5, Mak 10:7, 1 Kol 6:16, Bef 5:28-31 25Bombi baali bwereere, omusajja ne mukazi we, naye tebaakwatibwa nsonyi.</div>
 </div>
 </div>
</div>

All rights are reserved to the Bible Society of Uganda.

Bwe bityo eggulu n'ensi, n'ebirimu byonna, ne biggwa okukola. Ku lu nnaku olwomusanvu Katonda n'amala emirimu gyonna gye yakola, n'awummulira ku lunaku olwomusanvu mu mirimu gye gyonna gye yakola. Katonda n'awa omukisa olunaku olwomusanvu n'alutukuza, kubanga olwo lwe yawummulirako emirimu gye gyonna gye yakola.

Bino by'ebifa ku ggulu n'ensi nga bwe byatondebwa. Ku lunaku Mukama Katonda kwe yakolera ensi n'eggulu, waali tewannamera muti gwonna ogw'omu nsiko wadde omuddo, kubanga Mukama Katonda yali tannaba kutonnyesa nkuba ku nsi; era nga tewali muntu alima ensi. Naye amazzi gaavanga mu ttaka, ne gannyikiza ensi.

Mukama Katonda n'abumba omuntu n'enfuufu ey'ensi, n'amufuuwamu mu nnyindo omukka ogw'obulamu, omuntu n'alyoka abeera omulamu. Mukama Katonda n'asimba olusuku mu Edeni, ku luuyi olw'ebuvanjuba; n'ateeka omwo omuntu gwe yabumba. Mukama Katonda n'ameza mu nsi buli muti ogusanyusa amaaso, omulungi okulya. Wakati mu lusuku mwalimu omuti ogw'obulamu, n'omuti ogw'okumanya obulungi n'obubi. Omugga ne gusibuka mu Edeni okufukiriranga amazzi mu lusuku; ne gweyawulamu ne gufuuka emigga ena. Ogwolubereberye erinnya lyagwo Pisoni: ogwo gwe gwetooloola ensi yonna eya Kavira, erimu zaabu; ne zaabu ey'omu nsi eyo nnungi; mulimu bedola n'amayinja aga sokamu. Ogwokubiri erinnya lyagwo Gikoni: ogwo gwe gwetooloola ensi yonna eya Kkuusi. Ogwokusatu nga guyitibwa Kidekeri: ogwo gwe guyita ku mabbali g'e Bwasuli. N'ogwokuna nga guyitibwa Fulaati. Mukama Katonda n'atwala omuntu, n'amuteeka mu lusuku Edeni alulimenga, alulabirirenga. Mukama Katonda n'alagira omuntu n'amugamba nti, “Buli muti ogw'omu lusuku olyangako nga bw'onooyagalanga; naye omuti ogw'okumanya obulungi n'obubi togulyangako, kubanga olunaku lw'oligulyako lw'olifa.”

Awo Mukama Katonda n'ayogera nti, “Si kirungi omuntu okubeeranga yekka; nnaamukolera omubeezi amusaanira.” Mukama Katonda n'addira ettaka n'akolamu buli nsolo ey'omu nsiko, na buli kinnyonyi ekibuuka mu bbanga; n'abireetera omuntu okulaba bw'anaabiyita; n'omuntu buli linnya lye yayita ekitonde kyonna ekiramu eryo lye lyafuuka erinnya lyakyo. Omuntu n'atuuma amannya buli nsolo na buli ekibuuka mu bbanga, naye omuntu nga tannalaba mubeezi amusaanira. Mukama Katonda n'aleetera omuntu otulo tungi, ne yeebaka; n'amuggyamu olubiriizi lumu, n'azzaawo ennyama mu kifo kyalwo. Mukama Katonda n'akola omukazi mu lubiriizi lw'aggye mu muntu, n'amuleeta eri omuntu. Omuntu n'ayogera nti,
“Otyo! Ono nno lye ggumba erivudde mu magumba gange,
ye nnyama evudde mu nnyama yange;
naye anaayitibwanga mukazi,
kubanga aggyiddwa mu musajja.”
N'olwekyo, omusajja ky'anaavanga aleka kitaawe ne nnyina, ne yeegatta ne mukazi we, ne bafuuka omubiri gumu. Bombi baali bwereere, omusajja ne mukazi we, naye tebaakwatibwa nsonyi.

Počúvaj Olubereberye 2