<div class="version vid1598 iso6393dyi" data-vid="1598" data-iso6393="dyi">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">S&#603;w&#603; wi nawa s&#603;nr&#603;</span></div><div class="ip"><span class="content">Bibulu wi s&#603;w&#603; ko&#331;gban&#331;a poo yinri &#171;Zhen&#603;si&#187;, ko k&#596;r&#596; wo y&#603;n pelisaga, katugu wi y&#603;n na para dunruya yaara ti pelisaga wogo ko na, naa s&#603;nweele poro naa Iziray&#603;li tara woolo pe pelisaga wogo ko na.</span></div><div class="ip"><span class="content">Zhen&#603;si s&#603;w&#603; wi y&#603;n ma k&#596;n ma yiri k&#596;nsaga shy&#603;n. Wi k&#596;nsaga ko&#331;gban&#331;ga, mbege l&#603; wi go nu&#331;gba sa gb&#596;n go k&#603; ma yiri nu&#331;gba (1&#8211;11) ko y&#603;n na para y&#603;g&#603; &#331;ga na we mbe ya mbe dunruya &#331;a we y&#603;n ma c&#603;n laga wi ni wi j&#603;n, konaa s&#603;nwee w&#236; yiri se yeri? S&#603;nweele poro naa Y&#603;n&#331;&#603;l&#603; s&#596;g&#596;w&#596; konaa s&#603;nweele poro naa pe y&#603;&#603; s&#596;g&#596;w&#596; pi y&#603;n m&#603;l&#603;? Kapege konaa kunw&#596; pi ni t&#236; ye laga dunruya wi ni m&#603;l&#603;? Zhen&#603;si s&#603;w&#603; wi k&#596;nsaga ko&#331;gban&#331;ga &#331;ga ko y&#603;n na y&#596;n sogowo kaan ki yewige &#331;ga fuun ki yewe y&#603;&#603;n ki wogo ki na: Y&#603;n&#331;&#603;l&#603; lo l&#224;a dunruya wo naa tara ti da, naa na&#331;a wo naa j&#603;l&#603; wi ni (1&#8211;2); &#603;&#603;n f&#596;, p&#224;a pu&#331;go Y&#603;n&#331;&#603;l&#603; li na, a l&#236; si kunw&#596; wa pe na pa da&#331;ga y&#603;n (3); ko pu&#331;go na, a s&#603;nweele pe tipewe pi n&#603;&#603; seregi na kee, f&#596; a Y&#603;n&#331;&#603;l&#603; l&#236; ka saa ki k&#596;n maga t&#603;g&#603; mbe tara ti t&#596;ng&#596;, nd&#603;&#603; Nowe wo naa wi go woolo pe ni poro l&#224;a sh&#596;, katugu Nowe w&#236;la pye ma sin li y&#603;g&#603; na (4&#8211;9); naa leele p&#224;a kaa na siin na lege naa, a Y&#603;n&#331;&#603;l&#603; l&#236; si pe s&#603;nr&#603; ti piri ma pe gb&#596;n ma pe jaraga wa laga &#331;ga pe yinri Bab&#603;li ki san&#331;gazo wi kansaga (11). Ki kagala &#331;gele ke pyesanga lere se ya mboo j&#603;n mbe wali wi na.</span></div><div class="ip"><span class="content">S&#603;w&#603; wi k&#596;nsaga shy&#603;n wogo, mbege l&#603; go k&#603; ma yiri shy&#603;n sa gb&#596;n go nafa shy&#603;n ma yiri k&#603; (12&#8211;50) ko y&#603;n naga y&#603;g&#603; yuun we kan paa y&#603;g&#603; &#331;ga na Y&#603;n&#331;&#603;l&#603; l&#236; pan mbe s&#603;nwee piile pe sh&#596; pe kapere ti ni, ma Iziray&#603;li woolo pe t&#603;l&#603;ye ko&#331;gbanmbala pe yeri li tun&#331;go ki na. Ki ko&#331;gban&#331;ga Abirahamu naa wi pinamby&#596; Izaki (12&#8211;25). Abirahamu w&#236;la taga Y&#603;n&#331;&#603;l&#603; li na, na nuru li yeri. Wi kala li y&#603;n y&#603;g&#603; nagawa we na f&#596; sanga pyew. Ki shy&#603;n wogo Abirahamu wi pishy&#603;nwoo Zhak&#596;bu (25.19&#8211;37.1), wo la se pinamby&#596; k&#603; ma yiri shy&#603;n. Y&#603;n&#331;&#603;l&#603; l&#224;a Zhak&#596;bu wi m&#603;g&#603; ki kan&#331;ga naa yinri Iziray&#603;li. Zhak&#596;bu wi pinamby&#596; Zhoz&#603;fu (37.2&#8211;50.26) wo s&#603;nr&#603; ti y&#603;n na yuun ma w&#603; laga s&#603;w&#603; wi k&#596;nsaga shy&#603;n wogo &#331;ga ki ni. Zhoz&#603;fu wi to sey&#603;&#603;nl&#603; p&#224;a wi p&#603;r&#603; kulo, a p&#232; kari wi ni wa Ezhipiti tara. A w&#236; kaa pye legb&#596;&#596; wa. A w&#236; si kaa ti a wi to Zhak&#596;bu, naa wi to sey&#603;&#603;nl&#603; sanmbala poro naa pe go woolo pe ni, p&#232; pan ma c&#603;n wa Ezhipiti tara, ma sh&#596; fu&#331;go gb&#596;g&#596; ka k&#603;&#603;.</span></div><div class="ip"><span class="content">Mbe s&#603;nr&#603; ti go kaw, Zhen&#603;si s&#603;w&#603; wi y&#603;n naga nari we na f&#596; Y&#603;n&#331;&#603;l&#603; l&#236; naayeri wo naa tara ti da. Li y&#603;n na jaa s&#603;nwee wila nuru li yeri, wi taga li na, wila li gbogo paa Abirahamu wi y&#603;n. K&#236; pye ma, a Y&#603;n&#331;&#603;l&#603; l&#236; si y&#596;n finliw&#603; le Abirahamu wi ni, ma y&#596;n f&#596;l&#596; k&#596;n mbe duwaw tara woolo pe ni fuun pe na wo fan&#331;ga na (12.3). Y&#603;n&#331;&#603;l&#603; l&#236;gi y&#596;n f&#596;l&#596; li y&#596;n fili, naa l&#224;a Zhezu Kirisi wi torogo, a w&#236; pan ma ku mbe s&#603;nwee wi sh&#596; we. Zhezu Kirisi wi y&#603;n Abirahamu wi setirige py&#596;.</span></div><div class="iot"><span class="content">S&#603;w&#603; wi y&#603;n ma k&#596;&#596;nl&#596; y&#603;g&#603; &#331;ga na</span></div><div class="io1"><span class="content">Y&#603;n&#331;&#603;l&#603; l&#224;a yere&#331;ge konaa s&#603;nweele pe da </span><span class="ior"><span class="content">1&#8211;2</span></span></div><div class="io1"><span class="content">Kapege konaa j&#596;l&#596;g&#596; t&#236;la ye laga dunruya wi ni </span><span class="ior"><span class="content">3.1-24</span></span></div><div class="io1"><span class="content">Maga l&#603; Adama na ma saa ki wa Nowe na </span><span class="ior"><span class="content">4&#8211;5</span></span></div><div class="io1"><span class="content">Nowe konaa t&#596;n&#331;gb&#596;&#596; pi panga ye </span><span class="ior"><span class="content">6&#8211;9</span></span></div><div class="io1"><span class="content">Tara na c&#603;ng&#603;l&#603; ko naa Bab&#603;li san&#331;gazo tit&#596;nl&#596;w&#596; wi kala </span><span class="ior"><span class="content">10&#8211;11</span></span></div><div class="io1"><span class="content">Iziray&#603;li woolo pe t&#603;l&#603;ye wele: Abirahamu, naa Izaki konaa Zhak&#596;bu </span><span class="ior"><span class="content">12&#8211;35</span></span></div><div class="io1"><span class="content">Ezawu setirige piile wele </span><span class="ior"><span class="content">36.1-43</span></span></div><div class="io1"><span class="content">Zhoz&#603;fu naa wi sef&#603;nn&#603; nambala </span><span class="ior"><span class="content">37&#8211;50</span></span></div>
        </div>
    </div>
</div>

Sɛwɛ wi nawa sɛnrɛ
Bibulu wi sɛwɛ koŋgbanŋa poo yinri «Zhenɛsi», ko kɔrɔ wo yɛn pelisaga, katugu wi yɛn na para dunruya yaara ti pelisaga wogo ko na, naa sɛnweele poro naa Izirayɛli tara woolo pe pelisaga wogo ko na.
Zhenɛsi sɛwɛ wi yɛn ma kɔn ma yiri kɔnsaga shyɛn. Wi kɔnsaga koŋgbanŋga, mbege lɛ wi go nuŋgba sa gbɔn go kɛ ma yiri nuŋgba (1–11) ko yɛn na para yɛgɛ ŋga na we mbe ya mbe dunruya ŋa we yɛn ma cɛn laga wi ni wi jɛn, konaa sɛnwee wì yiri se yeri? Sɛnweele poro naa Yɛnŋɛlɛ sɔgɔwɔ konaa sɛnweele poro naa pe yɛɛ sɔgɔwɔ pi yɛn mɛlɛ? Kapege konaa kunwɔ pi ni tì ye laga dunruya wi ni mɛlɛ? Zhenɛsi sɛwɛ wi kɔnsaga koŋgbanŋga ŋga ko yɛn na yɔn sogowo kaan ki yewige ŋga fuun ki yewe yɛɛn ki wogo ki na: Yɛnŋɛlɛ lo làa dunruya wo naa tara ti da, naa naŋa wo naa jɛlɛ wi ni (1–2); ɛɛn fɔ, pàa puŋgo Yɛnŋɛlɛ li na, a lì si kunwɔ wa pe na pa daŋga yɛn (3); ko puŋgo na, a sɛnweele pe tipewe pi nɛɛ seregi na kee, fɔ a Yɛnŋɛlɛ lì ka saa ki kɔn maga tɛgɛ mbe tara ti tɔngɔ, ndɛɛ Nowe wo naa wi go woolo pe ni poro làa shɔ, katugu Nowe wìla pye ma sin li yɛgɛ na (4–9); naa leele pàa kaa na siin na lege naa, a Yɛnŋɛlɛ lì si pe sɛnrɛ ti piri ma pe gbɔn ma pe jaraga wa laga ŋga pe yinri Babɛli ki sanŋgazo wi kansaga (11). Ki kagala ŋgele ke pyesanga lere se ya mboo jɛn mbe wali wi na.
Sɛwɛ wi kɔnsaga shyɛn wogo, mbege lɛ go kɛ ma yiri shyɛn sa gbɔn go nafa shyɛn ma yiri kɛ (12–50) ko yɛn naga yɛgɛ yuun we kan paa yɛgɛ ŋga na Yɛnŋɛlɛ lì pan mbe sɛnwee piile pe shɔ pe kapere ti ni, ma Izirayɛli woolo pe tɛlɛye koŋgbanmbala pe yeri li tunŋgo ki na. Ki koŋgbanŋga Abirahamu naa wi pinambyɔ Izaki (12–25). Abirahamu wìla taga Yɛnŋɛlɛ li na, na nuru li yeri. Wi kala li yɛn yɛgɛ nagawa we na fɔ sanga pyew. Ki shyɛn wogo Abirahamu wi pishyɛnwoo Zhakɔbu (25.19–37.1), wo la se pinambyɔ kɛ ma yiri shyɛn. Yɛnŋɛlɛ làa Zhakɔbu wi mɛgɛ ki kanŋga naa yinri Izirayɛli. Zhakɔbu wi pinambyɔ Zhozɛfu (37.2–50.26) wo sɛnrɛ ti yɛn na yuun ma wɛ laga sɛwɛ wi kɔnsaga shyɛn wogo ŋga ki ni. Zhozɛfu wi to seyɛɛnlɛ pàa wi pɛrɛ kulo, a pè kari wi ni wa Ezhipiti tara. A wì kaa pye legbɔɔ wa. A wì si kaa ti a wi to Zhakɔbu, naa wi to seyɛɛnlɛ sanmbala poro naa pe go woolo pe ni, pè pan ma cɛn wa Ezhipiti tara, ma shɔ fuŋgo gbɔgɔ ka kɛɛ.
Mbe sɛnrɛ ti go kaw, Zhenɛsi sɛwɛ wi yɛn naga nari we na fɔ Yɛnŋɛlɛ lì naayeri wo naa tara ti da. Li yɛn na jaa sɛnwee wila nuru li yeri, wi taga li na, wila li gbogo paa Abirahamu wi yɛn. Kì pye ma, a Yɛnŋɛlɛ lì si yɔn finliwɛ le Abirahamu wi ni, ma yɔn fɔlɔ kɔn mbe duwaw tara woolo pe ni fuun pe na wo fanŋga na (12.3). Yɛnŋɛlɛ lìgi yɔn fɔlɔ li yɔn fili, naa làa Zhezu Kirisi wi torogo, a wì pan ma ku mbe sɛnwee wi shɔ we. Zhezu Kirisi wi yɛn Abirahamu wi setirige pyɔ.
Sɛwɛ wi yɛn ma kɔɔnlɔ yɛgɛ ŋga na
Yɛnŋɛlɛ làa yereŋge konaa sɛnweele pe da 1–2
Kapege konaa jɔlɔgɔ tìla ye laga dunruya wi ni 3.1-24
Maga lɛ Adama na ma saa ki wa Nowe na 4–5
Nowe konaa tɔnŋgbɔɔ pi panga ye 6–9
Tara na cɛngɛlɛ ko naa Babɛli sanŋgazo titɔnlɔwɔ wi kala 10–11
Izirayɛli woolo pe tɛlɛye wele: Abirahamu, naa Izaki konaa Zhakɔbu 12–35
Ezawu setirige piile wele 36.1-43
Zhozɛfu naa wi sefɛnnɛ nambala 37–50

Počúvaj Zhenɛsi Sɛwɛ wi nawa sɛnrɛ