If you have would like a copy of this version please contact info@davarpartners.org

Text: Otuho New Testament 2003, Bible Society in South Sudan Audio: Otuho New Testament Audio Bible 2023, Davar Partners International

Otuho New Testament

<div class="version vid2154 iso6393lot" data-vid="2154" data-iso6393="lot">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s1">Ettittoyo otto Do&#331;e</div><div class="sr"> 5:1&#8212;7:29</div><div class="p"> 1Igonyu nyia Yesu elulu&#331; waati, ette idahina jio obo ado&#331;e ollo odiha ette ito&#331;o. Okudani nyia ejifak honyi inyi, 2buo inyi ette itterio ettiyenio isi.</div><div class="s1">Amuno Ahode Hode</div><div class="r">(Luk 6:20-23)</div><div class="q1"> 3&#8220;Hotomunohi hia, hulle ilocia&#331;i 'to to hosiere Hollum;</div><div class="q2">ara Olobie ettedou ahonosi!</div><div class="q1"> 4Hotomunohi hia, hulla atarihai 'to,</div><div class="q2">itilik adi Hollum atajia hosi!</div><div class="q1"> 5Hotomunohi hia, hulla anyalami 'to,</div><div class="q2">ifuotuni adi isi ecoriti Hollum!</div><div class="q1"> 6Hotomunohi hia, hulla awahi 'to bebe abisan,</div><div class="q2">isio adi Hollum erre 'da&#331; jihosi!</div><div class="q1"> 7Hotomunohi hia, hullo owoni 'to iko amehino jio aati hullomuk,</div><div class="q2">omehino adi Hollum jihosi!</div><div class="q1"> 8Hotomunohi hia, hullo olibori tajia,</div><div class="q2">igonyuni adi isi Hollum!</div><div class="q1"> 9Hotomunohi etumuarak waati,</div><div class="q2">ilo&#331;oi adi isi aduri Hollum!</div><div class="q1"> 10 # 
 1Pet 3:14
 Hotomunohi hia, hulle ittigemie te ehanio hosi erre hunna awak Hollum;</div><div class="q2">ara Nolobie ettedou ahonosi!</div><div class="p"> 11&#8220;Omunoti alla amorie aati itai, ittigemie itai, buo fe ikianai tetai erre hunno orrohoji 'to ta agesemi ta arahan hatai a hulo&#331;. 12Omunoti buo fe isahuttati; nyio, obolo adi esiorio jihatai idou. Nyio, ittigemie nyia isi ekianak Hollum hunyia berien ihuo nyia.</div><div class="s1">Amile iko Afa&#331;an</div><div class="r">(Mar 9:50; Luk 14:34-35)</div><div class="p"> 13&#8220;Irata itai ihuo amile jio aati 'da&#331;. Ati elle ilik amile, inyiahini adi eduarit honyi a&#331;ai? Abe&#331; inyi inyiak iyiji; tania, oruasari adi inyi addi, ette aati irrirrieyo inyi.</div><div class="p"> 14&#8220;Irata itai ihuo afa&#331;an jio aati 'da&#331; hutta fau. Obe&#331; abore gala onno oduhoni ihide do&#331;e oremik idima. 15Obe&#331; tulo itawulohi allomo, ette imuhonia ta arrany. Ati oyihak adi inyi allomo ania ihide fillili, o&#331;ida afa&#331; jio aati 'da&#331; hutto tua haji. 16Ijiara afa&#331;an hatai hatafa&#331;a jio aati, o&#331;ida isi igonyuni ehanita hatai hunno oyiji 'to, ette itahabuyo Monyatai ollo owon 'to idou.</div><div class="s1">Ettiyenio te Eram ono Efahita huno Mose</div><div class="p"> 17&#8220;H&#232;gigiloti jio, attu ni itapuahiere efahita Mose iko ettiyenita huno ekianak Hollum. Abe&#331; ni attu itapuahiere isi, ati attu ni itasiruniere isi. 18#Luk 16:17Hode, eramak ni itai jio, many iholo&#331; ono esidi idou iko afau, obe&#331;i adi iyari addi obo ekiana jio efahita, ara duadi bu egieri ollo odiha 'to, many itasirunierek isi 'da&#331;. 19Lia, ollo omesio 'to efahi abotie duadi bu ollo omuta 'to buo fe ittiyenio aati ihuo nyia, ofiaha adi inyi Ilobie ettedou. Ati lia, elle ijifatio 'to efahita buo fe ittiyenio isi jio aati, ara adi inyi elettok Ilobie ettedou. 20Tania, eramak ni itai jio, alla abe&#331; abisan hatai agalik ayiji ono ettiyanak ifahita iko ono Farisei, ibia&#331;ata adi itai iji&#331;ana jio Olobie ettedou.</div><div class="s1">Ettiyenio te Eram ono Ajore</div><div class="r">(Luk 12:57-59)</div><div class="p"> 21 # 
 Mat 19:7; Mar 10:4 &#8220;Itani&#331;una nyia itai jio, iramani nyia jio aati hunya berien jio, &#8216;H&#232;ttohoro; buo lia, ollo ottoho 'to oremehini adi i&#331;otonia jihonyi eram.&#8217; 22Ati eramak ni itai jio, lia, elle ilo&#331;ojita 'to#5:22 elle ilo&#331;ojita 'to : Ofonihini omuk egierita jio, elle ilo&#331;ojita 'to obojiai jio illanyi, o&#331;otoni adi jihonyi eram. Lia, ollo omor 'to illanyi, o&#331;otoni adi jihonyi eram. Lia, ollo ojio 'to jio illanyi jio, &#8216;Obe&#331; hou&#8217; oremehini ibironia inyi iferno. 23Tania, elle ilo iyye ititiek ehumi isioriere esiori hoi jio Hollum, buo diya itte iyiyiuna jio ilo&#331;ojita illahoi jihoi to obo eram, 24idiaharu esiorio hoi ihosiere ititiek ehumi; ilo do itabisaniere eram hoi iko illahoi. Ojio teya, ocohunie yo isioriere esiorio hoi jio Hollum.</div><div class="p"> 25&#8220;Itimuoru atulo alla awak 'to iyaru iyye ilokikoi, h&#232;bia&#331;ata itai ifanyata diya. Alla abociere inyi iyye many ihosiere a&#331;otoni hirre, isiarak adi a&#331;otoni hirre iyye jio ose&#331;er; buo isi ette ifitana iyye ibabus. 26Hode, eramak ni iyye jio, ibe&#331; adi iyye ihouno many idumari iyye edumiti 'da&#331;, hunno o&#331;otoni jihoi.</div><div class="s1">Ettiyenio te Eram Roto</div><div class="p"> 27&#8220;Itani&#331;una nyia itai ojiori jio, &#8216;H&#232;rototi.&#8217; 28Ati eramak ni itai jio, atulo alla adaya 'to obo a&#331;otte; aroto inyi lu&#331;a ta ataji honyi. 29#Mat 18:9; Mar 9:47Elle iyaru onyek i&#331;et iyye iyyau, ogolotu inyi, ibiroi addi! Nyio, iyyak i&#331;otik iyye a&#331;ati huan hoi, buo ahuan hoi 'da&#331; obe&#331; ibironio iferno. 30#Mat 18:9; Mar 9:47#Mat 18:8-9; Mar 9:43, 47Buo fe elle iyaru aani i&#331;et hoi iyye iyyau, o&#331;utu inyi tub itte ibiroro addi! Nyio, iyyak i&#331;otik iyye aani, buo ahuan hoi 'da&#331; obe&#331; ibironio iferno.</div><div class="s1">Ettiyenio te Eram ono Apiaha</div><div class="r">(Mat 19:9; Mar 10:11-12; Luk 16:18)</div><div class="p"> 31 # 
 Mat 19:7; Mar 10:4 &#8220;Ojiori nyia buo fe jio, &#8216;Atulo ollo opiahai 'to iko &#331;oruoi honyi, ijiara lu&#331;a inyi isiarak jihonyi awaraga ono apiaha.&#8217; 32#Mat 19:9; Mar 10:11-12; Luk 16:8; 1Kor 7:10Ati eramak ni itai jio, lia, elle ifuhak 'to &#331;oruoi honyi obojiai, buo obia&#331;ara te eram silara, itaroto inyi &#331;oruoi honyi; buo alla ayemu obo atulo a&#331;otte onno opiahai 'to iko habi, oroto buo fe alle alia 'da&#331;.</div><div class="s1">Ettiyenio te Eram Ittu&#331;o</div><div class="p"> 33&#8220;Itani&#331;una nyia buo fe itai jio, iramani nyia jio aati hunyia berien jio, &#8216;H&#232;tapuahata ettu&#331;o hatai, ihanata jio Lamonye ihuo ittu&#331;otti nyia itai.&#8217; 34#Yak 5:12; Mat 23:22Ati ihuania eramak ni itai jio, h&#232;ttu&#331;oti lu&#331;a. H&#232;ttu&#331;oti te nedou nyio, ara inyi aseger ilohittok ono Hollum. 35H&#232;ttu&#331;oti buo fe ta afau; nyio, ara inyi amaji ebalori hejek honyi. H&#232;ttu&#331;oti to Yerusalem, nyio, abore gala ono Loobu elle ittokon ania. 36H&#232;ttu&#331;oti to ossi hatai; nyio, ittallihoto itai ihan obo ofitti abo&#331; kuyya emoli. 37Elle ijiatta itai &#8216;Aafe&#8217;, ijiara lu&#331;a ara Aafe; buo fe elle ijiatta itai &#8216;Obe&#331;&#8217;, ijiara lu&#331;a ara obe&#331;. Obo ari&#331; enne inyiahata itai ifunnihina, ottu nyia jio Sittan.</div><div class="s1">Ettiyenio te Eram ono Eniono</div><div class="r">(Luk 6:29-30)</div><div class="p"> 38&#8220;Itani&#331;una nyia itai ojiori jio, &#8216;Alla agolotu obo onyek hoi, ogolotu buo fe ononyi; buo fe elle isiahu obo aalai hoi isiahu buo fe ononyi.&#8217; 39Ati eramak ni itai jio, h&#232;nienu lia, elle ihan 'to onno orroho jihatai. Alla anna&#331; obo amahalio hoi ette&#331;et, ijiara buo fe inyi anna&#331; ebotie. 40Elle iyaru obo atulo iyye ilokikoi iyari agamis hoi, isiarak buo fe jihonyi akout hoi. 41Alla arrosok obo iyye iwwahari erre honyi many amail abotie, akafaru isi amaili arrihai. 42Isiatta erre jio lia, ollo omojo 'to; h&#232;yimoti buo fe lia, alla awak 'to ohuroni jihonyi obo ari&#331;.</div><div class="s1">Itabuarata Atajia jio Amiorok Hatai</div><div class="r">(Luk 6:27-28, 32-36)</div><div class="p"> 43&#8220;Itani&#331;una nyia itai ojiori jio, &#8216;Itabuarata atajia jio mottiarak hatai buo iliwati amiorok hatai.&#8217; 44Ati eramak ni itai jio, itabuarata atajia hatai jio amiorok hatai buo fe imojoti to hia, hulle ittigemie 'to itai. 45O&#331;ida bati irata olonyirok Monyatai ettedou. Nyio, itafa&#331;ak inyi olo&#331; honyi buo fe itasahi ahide honyi jio ayijok iko jio arrohojak 'da&#331; arabotie. 46Alla abuori atajia hatai ijiai hia, hullo obuori atajia hosi itai; anyio 'tadi enne inyiahata itai irumana? Ara duadi bu eddudduhak musuru, obe&#331;i soho isi ihanie ihuo nyia? 47Elle ifonyati itai mottiarak hatai ijiai, owon ti obo ari&#331; anna agalik 'to ottolo&#331;i? Obe&#331;i soho Alufajak ihanie ihuo nyia? 48Oyijoto, ihuo onno oyijori Monyatai ettedou.</div>
 </div>
 </div>
</div>

Igonyu nyia Yesu eluluŋ waati, ette idahina jio obo adoŋe ollo odiha ette itoŋo. Okudani nyia ejifak honyi inyi, buo inyi ette itterio ettiyenio isi.


“Hotomunohi hia, hulle ilociaŋi 'to to hosiere Hollum;
ara Olobie ettedou ahonosi!
Hotomunohi hia, hulla atarihai 'to,
itilik adi Hollum atajia hosi!
Hotomunohi hia, hulla anyalami 'to,
ifuotuni adi isi ecoriti Hollum!
Hotomunohi hia, hulla awahi 'to bebe abisan,
isio adi Hollum erre 'daŋ jihosi!
Hotomunohi hia, hullo owoni 'to iko amehino jio aati hullomuk,
omehino adi Hollum jihosi!
Hotomunohi hia, hullo olibori tajia,
igonyuni adi isi Hollum!
Hotomunohi etumuarak waati,
iloŋoi adi isi aduri Hollum!
Hotomunohi hia, hulle ittigemie te ehanio hosi erre hunna awak Hollum;
ara Nolobie ettedou ahonosi!
“Omunoti alla amorie aati itai, ittigemie itai, buo fe ikianai tetai erre hunno orrohoji 'to ta agesemi ta arahan hatai a huloŋ. Omunoti buo fe isahuttati; nyio, obolo adi esiorio jihatai idou. Nyio, ittigemie nyia isi ekianak Hollum hunyia berien ihuo nyia.


“Irata itai ihuo amile jio aati 'daŋ. Ati elle ilik amile, inyiahini adi eduarit honyi aŋai? Abeŋ inyi inyiak iyiji; tania, oruasari adi inyi addi, ette aati irrirrieyo inyi.
“Irata itai ihuo afaŋan jio aati 'daŋ hutta fau. Obeŋ abore gala onno oduhoni ihide doŋe oremik idima. Obeŋ tulo itawulohi allomo, ette imuhonia ta arrany. Ati oyihak adi inyi allomo ania ihide fillili, oŋida afaŋ jio aati 'daŋ hutto tua haji. Ijiara afaŋan hatai hatafaŋa jio aati, oŋida isi igonyuni ehanita hatai hunno oyiji 'to, ette itahabuyo Monyatai ollo owon 'to idou.

“Hègigiloti jio, attu ni itapuahiere efahita Mose iko ettiyenita huno ekianak Hollum. Abeŋ ni attu itapuahiere isi, ati attu ni itasiruniere isi. Hode, eramak ni itai jio, many iholoŋ ono esidi idou iko afau, obeŋi adi iyari addi obo ekiana jio efahita, ara duadi bu egieri ollo odiha 'to, many itasirunierek isi 'daŋ. Lia, ollo omesio 'to efahi abotie duadi bu ollo omuta 'to buo fe ittiyenio aati ihuo nyia, ofiaha adi inyi Ilobie ettedou. Ati lia, elle ijifatio 'to efahita buo fe ittiyenio isi jio aati, ara adi inyi elettok Ilobie ettedou. Tania, eramak ni itai jio, alla abeŋ abisan hatai agalik ayiji ono ettiyanak ifahita iko ono Farisei, ibiaŋata adi itai ijiŋana jio Olobie ettedou.


“Itaniŋuna nyia itai jio, iramani nyia jio aati hunya berien jio, ‘Hèttohoro; buo lia, ollo ottoho 'to oremehini adi iŋotonia jihonyi eram.’ Ati eramak ni itai jio, lia, elle iloŋojita 'to jio illanyi, oŋotoni adi jihonyi eram. Lia, ollo omor 'to illanyi, oŋotoni adi jihonyi eram. Lia, ollo ojio 'to jio illanyi jio, ‘Obeŋ hou’ oremehini ibironia inyi iferno. Tania, elle ilo iyye ititiek ehumi isioriere esiori hoi jio Hollum, buo diya itte iyiyiuna jio iloŋojita illahoi jihoi to obo eram, idiaharu esiorio hoi ihosiere ititiek ehumi; ilo do itabisaniere eram hoi iko illahoi. Ojio teya, ocohunie yo isioriere esiorio hoi jio Hollum.
“Itimuoru atulo alla awak 'to iyaru iyye ilokikoi, hèbiaŋata itai ifanyata diya. Alla abociere inyi iyye many ihosiere aŋotoni hirre, isiarak adi aŋotoni hirre iyye jio oseŋer; buo isi ette ifitana iyye ibabus. Hode, eramak ni iyye jio, ibeŋ adi iyye ihouno many idumari iyye edumiti 'daŋ, hunno oŋotoni jihoi.

“Itaniŋuna nyia itai ojiori jio, ‘Hèrototi.’ Ati eramak ni itai jio, atulo alla adaya 'to obo aŋotte; aroto inyi luŋa ta ataji honyi. Elle iyaru onyek iŋet iyye iyyau, ogolotu inyi, ibiroi addi! Nyio, iyyak iŋotik iyye aŋati huan hoi, buo ahuan hoi 'daŋ obeŋ ibironio iferno. Buo fe elle iyaru aani iŋet hoi iyye iyyau, oŋutu inyi tub itte ibiroro addi! Nyio, iyyak iŋotik iyye aani, buo ahuan hoi 'daŋ obeŋ ibironio iferno.


“Ojiori nyia buo fe jio, ‘Atulo ollo opiahai 'to iko ŋoruoi honyi, ijiara luŋa inyi isiarak jihonyi awaraga ono apiaha.’ Ati eramak ni itai jio, lia, elle ifuhak 'to ŋoruoi honyi obojiai, buo obiaŋara te eram silara, itaroto inyi ŋoruoi honyi; buo alla ayemu obo atulo aŋotte onno opiahai 'to iko habi, oroto buo fe alle alia 'daŋ.

“Itaniŋuna nyia buo fe itai jio, iramani nyia jio aati hunyia berien jio, ‘Hètapuahata ettuŋo hatai, ihanata jio Lamonye ihuo ittuŋotti nyia itai.’ Ati ihuania eramak ni itai jio, hèttuŋoti luŋa. Hèttuŋoti te nedou nyio, ara inyi aseger ilohittok ono Hollum. Hèttuŋoti buo fe ta afau; nyio, ara inyi amaji ebalori hejek honyi. Hèttuŋoti to Yerusalem, nyio, abore gala ono Loobu elle ittokon ania. Hèttuŋoti to ossi hatai; nyio, ittallihoto itai ihan obo ofitti aboŋ kuyya emoli. Elle ijiatta itai ‘Aafe’, ijiara luŋa ara Aafe; buo fe elle ijiatta itai ‘Obeŋ’, ijiara luŋa ara obeŋ. Obo ariŋ enne inyiahata itai ifunnihina, ottu nyia jio Sittan.


“Itaniŋuna nyia itai ojiori jio, ‘Alla agolotu obo onyek hoi, ogolotu buo fe ononyi; buo fe elle isiahu obo aalai hoi isiahu buo fe ononyi.’ Ati eramak ni itai jio, hènienu lia, elle ihan 'to onno orroho jihatai. Alla annaŋ obo amahalio hoi etteŋet, ijiara buo fe inyi annaŋ ebotie. Elle iyaru obo atulo iyye ilokikoi iyari agamis hoi, isiarak buo fe jihonyi akout hoi. Alla arrosok obo iyye iwwahari erre honyi many amail abotie, akafaru isi amaili arrihai. Isiatta erre jio lia, ollo omojo 'to; hèyimoti buo fe lia, alla awak 'to ohuroni jihonyi obo ariŋ.


“Itaniŋuna nyia itai ojiori jio, ‘Itabuarata atajia jio mottiarak hatai buo iliwati amiorok hatai.’ Ati eramak ni itai jio, itabuarata atajia hatai jio amiorok hatai buo fe imojoti to hia, hulle ittigemie 'to itai. Oŋida bati irata olonyirok Monyatai ettedou. Nyio, itafaŋak inyi oloŋ honyi buo fe itasahi ahide honyi jio ayijok iko jio arrohojak 'daŋ arabotie. Alla abuori atajia hatai ijiai hia, hullo obuori atajia hosi itai; anyio 'tadi enne inyiahata itai irumana? Ara duadi bu eddudduhak musuru, obeŋi soho isi ihanie ihuo nyia? Elle ifonyati itai mottiarak hatai ijiai, owon ti obo ariŋ anna agalik 'to ottoloŋi? Obeŋi soho Alufajak ihanie ihuo nyia? Oyijoto, ihuo onno oyijori Monyatai ettedou.

Počúvaj Matteyo 5