ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ The Naskapi text is copyright © Naskapi Development Corporation Naskapi Development Corporation Kawawachikamach, Québec G0G 2Z0 Canada New Testament published by the Canadian Bible Society (CBS) © 2007 Canadian Bible Society 10 Carnforth Road, Toronto Ontario M4A 2S4 Canada

ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
ᐊᐅᒄ ᐅᔭ ᒥᓯᓇᐃᑭᓂᔪᐤ ᐸᐃᒄ ᐊᓂᔭᔪᐛ ᑲ ᓂᓱᓴᐳᔨᒋ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ᒥᓯᓇᐊᒥᔨᒋ᙮ ᐊᐅᒄ ᐅᔭ ᒠᓐ ᑲ ᐃᓯᓂᐧᑲᓱᔨᒋ᙮ ᐊᓂᔭᔪᐛ ᒋᔅᒋᓄᐊᒧᐛᑭᓇ ᒋᓴᔅ ᑲ ᓴᒋᐊᑦ ᒋ ᐃᓯᓂᐧᑲᑕᑭᓄᐤ ᐅ ᒠᓐ᙮ ᒋ ᒥᓯᓇᐊᒻ ᒠᓐ ᐅᔭ ᒥᔽᒋᒧᐅᓂᔪᐤ ᒐᒋ ᐅᒋ ᑕᑈᑎᒥᔨᒋ ᐊᐛᔪᐛ ᒋᓴᓴ ᐊᐅᒄ ᙭ ᒋᓴᒪᓂᑐᐤ ᐅᑯᓴ ᑭᔭ ᑕᑈᑎᒥᔨᒐ ᒐᒋ ᐊᔭᔨᒋ ᐱᒪᑎᓯᐅᓂᔪᐤ᙮ ᒋ ᐎ ᐛᐸᑎᔨᐛᐤ ᒠᓐ ᐊᓂᔭ ᒥᓯᐛ ᑕᓐ ᑲ ᐃᔅᒋᔄᔨᒋ ᒋᓴᓴ ᑭᔭ ᐊᓂᔭ ᒥᓯᐛ ᑕᓐ ᑲ ᐃᓯ ᐃᑐᑎᒥᔨᒋ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᐊᑯᑕ ᑲ ᐅᒋ ᒋᔅᒐᔨᑕᑯᓂᔨᒡ ᑕᑈ ᐊ ᒋᓴᒪᓂᑐᐅᑦ᙮ ᒋ ᐎ ᐛᐸᑎᔨᐛᐤ ᑕᓐ ᑲ ᐃᔅᐱᔅ ᓱᐧᑲᑎᓯᔨᒋ ᒋᓴᓴ᙮ ᐊᔪᐤ ᒪᒃ ᐊᒋ ᓇᐸᐎᔨᒋ ᒧᔭᒻ ᒋᔭᓄᐤ᙮ ᒋ ᐎᑎᒻ ᓇᓂᑯᑎᓂᔾ ᐊᒋ ᐊᔭᔅᑯᓯᔨᒋ ᑭᔭ ᓇᓂᑯᑎᓂᔾ ᐊᒋ ᓯᐛᔨᒋ ᑭᔭ ᐊᒋ ᒥᒐᔨᑎᒥᔨᒋ ᒧᔭᒻ ᒋᔭᓄᐤ ᐊ ᐃᑎᔭᒄ ᒪᓐ᙮

Počúvaj ᒠᓐ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ

Počúvaj ᒠᓐ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ