Udi projects books as published in DBL from Udi1

Udi Bible

<div class="version vid2499 iso6393udi" data-vid="2499" data-iso6393="udi">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">&#304;susa tade&#347;i ext'iy&#601;r</div><div class="r">(Mat'. 21:23-27; Mrk'. 11:27-33)</div><div class="p"> 1&#286;imxoy sa &#287;i &#304;susen xrama amdarxo zombi hamal M&#468;q Xavara y&#601;ymi&#351;at'an samci b&#283;yin&#353;xo, k'anun zombalxo saal a&#287;saq'q'alxo &#350;ot'o &#305;&#780;&#353;alayin&#351;aki 2pit'un: &#171;Upa b&#283;yn, Hun me &#601;&#351;urxo mani ext'iy&#601;renen bsa? Va me ext'iy&#601;r&#601; &#351;ina tade?&#187; 3&#304;susen &#351;ot'o&#287;o met&#601;re co&#287;ab tadi: &#171;Zuval v&#601;&#780;x met&#601;r sa sual tadoz. Za upanan: 4&#304;oanen k'unuk'bseynak' extiy&#601;r&#601; mayina haq'ey? G&#246;ynul bakala Buxa&#269;u&#287;oxun, yoxsa amdarxoxun?&#187;</div><div class="p"> 5&#350;ot'o&#287;onal i&#231;o&#287;oy arane maslaatp'i met&#601;rt'un pi: &#171;&#399;g&#601;r uk'ayan "Buxa&#269;u&#287;oxuney", t'e v&#601;d&#601; "p'oy het'aynak' &#351;ot'o v&#283;tenanbaki?" uk'ale. 6Uk'ayan "amdarxoxuney", dirist' azuk'en yax &#496;&#283;layin&#351;ebon. &#350;ot'aynak' ki, amdarxon &#304;oani xavare&#231;al baksuna v&#283;t'un&#187;.</div><div class="p"> 7Ax&#305;rdal &#350;ot'o "yan avateyan mayina" pit'un co&#287;ab tadi. 8&#304;susen is&#601; &#351;ot'o&#287;o pine: &#171;T'e v&#601;d&#601; Zuval v&#601;&#780;x me &#601;&#351;urxo mani ext'iy&#601;ren bsuna uk'alatez&#187;.</div><div class="s">Pis ba&#287;banxoy barada m&#601;s&#601;l&#601;</div><div class="r">(Mat'. 21:33-46; Mrk'. 12:1-12)</div><div class="p"> 9Mot'o&#287;o pit'uxun o&#351;a &#304;susen amdarxoynak' met&#601;r sa m&#601;s&#601;l&#601;ne exl&#601;tbsa burqi: &#171;Sa amdaren t'ullu&#287;e lasaksa. O&#351;a t'e t'ullu&#287;a bare v&#601;dine i&#231;u p'ap'ala paya tast'uni &#351;&#601;rten ba&#287;banxo tadi q'er&#601;z &#246;lkin&#601;ne taysa. &#350;o t'et'iya boxoy vaxt' manst'uni s'iyene taysa. #20:9 &#304;sa. 5:1-7 10Hari t'ul p'ap'i v&#601;dine t'e ba&#287;banxoy t'&#466;&#287;&#466;l iz n&#246;k&#601;r&#601;ne yaq'absa ki, izi paya &#351;ot'o&#287;oxun ext'ane. Ama t'ullu&#287;i &#601;&#351;p'alxon t'e n&#246;k&#601;r&#601; t'api kul ams'i yaq'at'unbsa. 11T'ullu&#287;i q'on&#269;u&#287;on q'er&#601;z&#601;l sa n&#246;k&#601;re yaq'absa, ama ba&#287;banxon mot'oval t'api biyaburt'unbsa, kul ams'i qo&#351;t'un yaq'absa. 12T'ullu&#287;i q'on&#269;u&#287;on xibimci n&#246;k&#601;r&#601;l yaq'anebsa, ama ba&#287;banxon &#351;ot'oval yaralayin&#351;i &#351;&#601;p't'unsa. 13T'e v&#601;d&#601; t'ullu&#287;i q'on&#269;u&#287;on nexe: "&#304;s&#601; k'&#601; baz? Barta bez bakal nu bakal sa &#287;ara yaq'abaz, b&#601;rk&#601; &#351;ot'o h&#246;rm&#601;tbat'un". 14Ama ba&#287;banxon &#351;ot'o ak'i i&#231;o&#287;oy arane exl&#601;tp'i next'un: "Mo varise! Ekinan kot'o besp'en ki, miras yaxq'an mandi". 15Haket&#601;r&#601;l bsat'un, &#351;ot'o t'ullu&#287;axun c'evk'i best'unbsa.</div><div class="p">&#304;s&#601; ef z&#601;nden, t'ullu&#287;i q'on&#269;u&#287;on &#351;ot'o&#287;o k'&#601; bale? 16&#350;ot'in hari me ba&#287;banxo &#601;f&#231;ibale, t'ullu&#287;a is&#601; q'er&#601;zt'o&#287;o tadale&#187;. Amdarxon mot'o ibaki "Buxa&#269;u&#287;on maq'an bi!" pit'un.</div><div class="p"> 17Ama &#304;susen &#351;ot'o&#287;oy piin bo&#351; b&#283;&#287;i pine: &#171;P'oy me &#346;am k'&#601; upsuna?</div><div class="q">"Barizap'k'alxon bosi &#496;&#283;</div><div class="q">&#399;n vacib t'&#466;&#287;in &#496;&#283;ne baki". #20:17 &#463;vel m&#601;&#780;&#287;. 118:22</div><div class="m"> 18Me &#496;&#283;ne loxol bitalo &#347;are&#287;ale, &#496;&#283; mat'ay loxol bitayin is&#601; &#351;ot'o &#269;'ak'k'ale&#187;.</div><div class="p"> 19K'anun zombalxon q'a samci b&#283;yin&#353;xon q'ami&#351;t'unbaki ki, &#304;susen me m&#601;s&#601;lin&#601; i&#231;o&#287;oy baradane exl&#601;tp'i. &#304;mkan bakiniy &#350;ot'o hat'et'iya bit'unq'oy, ama amdarxoxun q'&#464;t'unbsay.</div><div class="s">H&#601;r tani iz haq'q'</div><div class="r">(Mat'. 22:15-22; Mrk'. 12:13-17)</div><div class="p"> 20K'anun zombalxon q'a samci b&#283;yin&#353;xon &#304;susi ba&#269;'anexun busmi&#351;t'unbsay. &#350;ot'ay t'&#466;&#287;&#466;l sa hema amdaral yaq'abet'uniy. T'e amdarxon i&#231;o&#287;o t&#601;miz ak'est'i dim &#304;susi t'&#466;&#287;&#466;l bakalat'uniy, &#304;z &#496;omoxun sa s&#601;rf &#601;yit c'e&#287;ala k'in&#601;k' is&#601; &#350;ot'o biq'i Rimen t&#601;yinbi kalat'ay kiyel tadalat'uniy. 21&#350;ot'o&#287;on &#304;susaxun xavart'un haq'i: &#171;M&#601;&#601;lim, yan avayan ki, Hun d&#252;zen &#601;yitp'i zombsa, &#351;uk'k'aleynak'al t&#601;r&#601;fk&#601;&#351;lu&#287; tenbsa. Buxa&#269;u&#287;oy yaq'a d&#252;zen zombsa. 22&#304;s&#601; upa b&#283;yn, be&#351;i Rime imp'erat'ora nalog tast'un d&#252;ze, yoxsa t&#601;&#601;?&#187;</div><div class="p"> 23Ama &#304;susen &#351;ot'o&#287;oy bic'lu&#287;a q'ami&#351;aki met&#601;re pi: 24&#171;Za sa dinar ak'est'anan. &#350;ot'ay loxol bakala &#351;ikil q'a s'i &#351;iya?&#187; &#350;ot'o&#287;on co&#287;abt'un tadi: &#171;&#304;mp'erat'ori&#187;. 25&#304;susen &#351;ot'o&#287;o pine: &#171;T'e v&#601;d&#601; imp'erat'ori haq'q'a imp'erat'ora, Buxa&#269;u&#287;oy haq'q'a is&#601; Buxa&#269;u&#287;o tadanan&#187;.</div><div class="p"> 26Met&#601;r, &#304;susa amdarxoy b&#283;&#353; &#601;yiti loxol biq'es tet'un baki. &#350;ot'ay co&#287;abal mat mandi &#351;ip' &#231;urt'unpi.</div><div class="s">B&#283;yinbaksuni barada sual</div><div class="r">(Mat'. 22:23-33; Mrk'. 12:18-27)</div><div class="p"> 27B&#283;yinbaksun tene bu uk'ala sa hema saduk'eyen #20:27 saduk'eyxo - Rime h&#246;km&#601;t&#601;xun &#287;a&#231;&#780; bakala arist'ok'rat p'art'iya. &#463;vel &#346;amaxun t&#601;k Moiseyi qo girk&#601;t'un q'abulbsay, n&#601; b&#283;yinbaksuna, n&#601; angelxo, n&#601;&#601;l ax&#305;r&#305;nci &#287;ine tet'un v&#283;baksay. &#304;susi t'&#466;&#287;&#466;l hari xavare haq'i: 28&#171;M&#601;&#601;lim, Moiseyen yaynak' met&#601;re &#347;ampe: "&#399;g&#601;r sa amdari la&#353;k'oy baki vi&#231;i &#601;yelsuz biyayin, &#351;ot'in t'e vi&#231;ey s&#252;p&#252;r mandi &#231;u&#287;o haq'i p'uri vi&#231;ey n&#601;sil&#601; davam beq'an".</div><div class="p"> # 20:27-28 
 K'an. 25:5; Ap'ost'. 23:8 29M&#601;s&#601;l&#601;n, v&#468;&#287; vi&#231;ine baksa. Samcit'in sa &#231;uuxe haq'sa, i&#231;o&#287;oy &#601;yel bakinut' bisane. 30O&#351;a p'&#601;&#780;mci vi&#231;ene me &#231;u&#287;o haq'sa, ama &#351;oval i&#231;o&#287;oy &#601;yel bakinut' bisane. 31O&#351;a xibimcit'inal &#351;ot'o haneq'sa. Haket&#601;r v&#468;&#287; vi&#231;ey v&#468;&#287;&#601;&#780;ranal me &#231;u&#287;o haq'i, ama i&#231;o&#287;oy &#601;yel bakinut' bisat'un. 32Ax&#305;rda me &#231;uux i&#231;al bisane. 33P'oy is&#601; p'uriyorox b&#283;yinbakat'an me &#231;uux &#351;ot'o&#287;oy mat'ay &#231;uux bakale? Ax&#305;ri, v&#468;&#287; vi&#231;ey v&#468;&#287;&#601;&#780;ranal me &#231;u&#287;o haq'eney&#187;.</div><div class="p"> 34&#304;susen &#351;ot'o&#287;o met&#601;re co&#287;ab tadi: &#171;Me d&#246;&#246;rin amdarxo la&#353;k'oyt'un baksa, i&#351;q'arat'un taysa. 35Ama p'urit'o&#287;oy b&#283;yinbakit'uxun o&#351;a h&#601;mi&#351;&#601;lu&#287; y&#601;&#351;&#601;yin&#351;&#601; layi&#287; hesabbakalorox is&#601; n&#601; la&#353;k'oy tet'un bakal, n&#601; i&#351;q'ara tet'un ta&#287;al. 36Ene biyalatet'un, &#351;ot'aynak' ki, angelxo o&#351;q'ardalt'un, b&#283;yinbakala &#287;armux baksuna g&#246;r&#601;l &#351;orox Buxa&#269;u&#287;oy &#287;armuxt'un. 37Moiseyenal &#347;a&#347;e barada bakala hadisin&#601; &#347;amk'at'an Q'on&#269;u&#287;o "Avrahami Buxa&#269;ux, &#304;saak'i Buxa&#269;ux saal &#304;ak'ovi Buxa&#269;uxe" nexe. Met&#601;r, Moiseyen i&#231;inal p'urit'o&#287;oy b&#283;yinbaksunane ak'est'a. #20:37 C'eys. 3:6 38Buxa&#269;ux p'urit'o&#287;oy tene, dirist't'o&#287;oy Buxa&#269;uxe, ax&#305;ri &#350;ot'aynak' bito dirist'e&#187;.</div><div class="p"> 39K'anun zombalxoy b&#601;zit'o&#287;on met&#601;rt'un pi: &#171;M&#601;&#601;lim, Hun he g&#246;z&#601;len pi&#187;. 40Eneyal &#304;susaxun sa &#351;ey xavar haq'suna zap't'un&#347;i.</div><div class="s">Xrist'os &#351;i &#286;ara?</div><div class="r">(Mat'. 22:41-46; Mrk'. 12:35-37)</div><div class="p"> 41T'e v&#601;d&#601; &#304;susen &#351;ot'o&#287;o pine: &#171;Het'aynak't'un nex ki, Xrist'os Davidi &#286;are? 42-43Ax&#305;ri Daviden i&#231;in "&#463;vel m&#601;&#780;&#287;urxo" girke bo&#351;</div><div class="q">"Q'on&#269;u&#287;on bez Q'on&#269;u&#287;o pine:</div><div class="q">Zu Vi d&#252;&#351;m&#601;nxo Vi turin oq'a sakamin</div><div class="q">Bez y&#246;n t&#601;r&#601;f ar&#347;a" #20:42-43 &#463;vel m&#601;&#780;&#287;. 110:1</div><div class="m">pene.</div><div class="p"> 44Met&#601;rlu&#287;en, Daviden &#350;ot'o "A&#287;a" pine k'ale. T'e v&#601;d&#601; &#350;o het&#601;r&#601; Davidi &#287;ar bakes bakon?&#187;</div><div class="s">K'anun zombalxoxun v&#601;&#780;x b&#283;&#287;anan</div><div class="r">(Mat'. 23:5-7; Mrk'. 12:38-40)</div><div class="p"> 45Amdarxon bitot'in me &#601;yitmo&#287;o &#468;m&#468;xlaxat'an, &#304;susen &#304;z &#351;agirdxo pine: 46&#171;K'anun zombalxoxun v&#601;&#780;x b&#283;&#287;anan. &#350;ot'o&#287;oy &#231;ure&#287;alo boxoy paltar lapi tarapsun, amdarxoy i&#231;o&#287;o bazarin meydanxo ak'i p'&#601;&#780; kiin kul-kiye biq'i "xeyirq'an baki" upsun, sinagogxo q'a q'onaxlu&#287;xo best'a arst'une. 47&#350;ot'o&#287;on s&#252;p&#252;r &#231;upu&#287;oy d&#246;vl&#601;t&#601; ut'unksa, o&#351;a is&#601; i&#231;o&#287;o ak'est'eynak' boxoy af&#305;r&#305;t'unne. Me amdarxoy caza lap b&#464;hi bakale&#187;.</div>
 </div>
 </div>
</div>

Ğimxoy sa ği İsusen xrama amdarxo zombi hamal Mǔq Xavara yəymişat'an samci běyinšxo, k'anun zombalxo saal ağsaq'q'alxo Şot'o ı̌šalayinşaki pit'un: «Upa běyn, Hun me əşurxo mani ext'iyərenen bsa? Va me ext'iyərə şina tade?» İsusen şot'oğo metəre coğab tadi: «Zuval və̌x metər sa sual tadoz. Za upanan: İoanen k'unuk'bseynak' extiyərə mayina haq'ey? Göynul bakala Buxačuğoxun, yoxsa amdarxoxun?»
Şot'oğonal içoğoy arane maslaatp'i metərt'un pi: «Əgər uk'ayan "Buxačuğoxuney", t'e vədə "p'oy het'aynak' şot'o větenanbaki?" uk'ale. Uk'ayan "amdarxoxuney", dirist' azuk'en yax ǰělayinşebon. Şot'aynak' ki, amdarxon İoani xavareçal baksuna vět'un».
Axırdal Şot'o "yan avateyan mayina" pit'un coğab tadi. İsusen isə şot'oğo pine: «T'e vədə Zuval və̌x me əşurxo mani ext'iyəren bsuna uk'alatez».


Mot'oğo pit'uxun oşa İsusen amdarxoynak' metər sa məsələne exlətbsa burqi: «Sa amdaren t'ulluğe lasaksa. Oşa t'e t'ulluğa bare vədine içu p'ap'ala paya tast'uni şərten bağbanxo tadi q'erəz ölkinəne taysa. Şo t'et'iya boxoy vaxt' manst'uni s'iyene taysa. Hari t'ul p'ap'i vədine t'e bağbanxoy t'ǒğǒl iz nökərəne yaq'absa ki, izi paya şot'oğoxun ext'ane. Ama t'ulluği əşp'alxon t'e nökərə t'api kul ams'i yaq'at'unbsa. T'ulluği q'ončuğon q'erəzəl sa nökəre yaq'absa, ama bağbanxon mot'oval t'api biyaburt'unbsa, kul ams'i qoşt'un yaq'absa. T'ulluği q'ončuğon xibimci nökərəl yaq'anebsa, ama bağbanxon şot'oval yaralayinşi şəp't'unsa. T'e vədə t'ulluği q'ončuğon nexe: "İsə k'ə baz? Barta bez bakal nu bakal sa ğara yaq'abaz, bərkə şot'o hörmətbat'un". Ama bağbanxon şot'o ak'i içoğoy arane exlətp'i next'un: "Mo varise! Ekinan kot'o besp'en ki, miras yaxq'an mandi". Haketərəl bsat'un, şot'o t'ulluğaxun c'evk'i best'unbsa.
İsə ef zənden, t'ulluği q'ončuğon şot'oğo k'ə bale? Şot'in hari me bağbanxo əfçibale, t'ulluğa isə q'erəzt'oğo tadale». Amdarxon mot'o ibaki "Buxačuğon maq'an bi!" pit'un.
Ama İsusen şot'oğoy piin boş běği pine: «P'oy me Śam k'ə upsuna?
"Barizap'k'alxon bosi ǰě
Ən vacib t'ǒğin ǰěne baki".
Me ǰěne loxol bitalo śareğale, ǰě mat'ay loxol bitayin isə şot'o č'ak'k'ale».
K'anun zombalxon q'a samci běyinšxon q'amişt'unbaki ki, İsusen me məsəlinə içoğoy baradane exlətp'i. İmkan bakiniy Şot'o hat'et'iya bit'unq'oy, ama amdarxoxun q'ǐt'unbsay.


K'anun zombalxon q'a samci běyinšxon İsusi bač'anexun busmişt'unbsay. Şot'ay t'ǒğǒl sa hema amdaral yaq'abet'uniy. T'e amdarxon içoğo təmiz ak'est'i dim İsusi t'ǒğǒl bakalat'uniy, İz ǰomoxun sa sərf əyit c'eğala k'inək' isə Şot'o biq'i Rimen təyinbi kalat'ay kiyel tadalat'uniy. Şot'oğon İsusaxun xavart'un haq'i: «Məəlim, yan avayan ki, Hun düzen əyitp'i zombsa, şuk'k'aleynak'al tərəfkəşluğ tenbsa. Buxačuğoy yaq'a düzen zombsa. İsə upa běyn, beşi Rime imp'erat'ora nalog tast'un düze, yoxsa təə?»
Ama İsusen şot'oğoy bic'luğa q'amişaki metəre pi: «Za sa dinar ak'est'anan. Şot'ay loxol bakala şikil q'a s'i şiya?» Şot'oğon coğabt'un tadi: «İmp'erat'ori». İsusen şot'oğo pine: «T'e vədə imp'erat'ori haq'q'a imp'erat'ora, Buxačuğoy haq'q'a isə Buxačuğo tadanan».
Metər, İsusa amdarxoy běš əyiti loxol biq'es tet'un baki. Şot'ay coğabal mat mandi şip' çurt'unpi.


Běyinbaksun tene bu uk'ala sa hema saduk'eyen İsusi t'ǒğǒl hari xavare haq'i: «Məəlim, Moiseyen yaynak' metəre śampe: "Əgər sa amdari lašk'oy baki viçi əyelsuz biyayin, şot'in t'e viçey süpür mandi çuğo haq'i p'uri viçey nəsilə davam beq'an".
Məsələn, vǔğ viçine baksa. Samcit'in sa çuuxe haq'sa, içoğoy əyel bakinut' bisane. Oşa p'ə̌mci viçene me çuğo haq'sa, ama şoval içoğoy əyel bakinut' bisane. Oşa xibimcit'inal şot'o haneq'sa. Haketər vǔğ viçey vǔğə̌ranal me çuğo haq'i, ama içoğoy əyel bakinut' bisat'un. Axırda me çuux içal bisane. P'oy isə p'uriyorox běyinbakat'an me çuux şot'oğoy mat'ay çuux bakale? Axıri, vǔğ viçey vǔğə̌ranal me çuğo haq'eney».
İsusen şot'oğo metəre coğab tadi: «Me döörin amdarxo lašk'oyt'un baksa, işq'arat'un taysa. Ama p'urit'oğoy běyinbakit'uxun oşa həmişəluğ yəşəyinşə layiğ hesabbakalorox isə nə lašk'oy tet'un bakal, nə işq'ara tet'un tağal. Ene biyalatet'un, şot'aynak' ki, angelxo oşq'ardalt'un, běyinbakala ğarmux baksuna görəl şorox Buxačuğoy ğarmuxt'un. Moiseyenal śaśe barada bakala hadisinə śamk'at'an Q'ončuğo "Avrahami Buxačux, İsaak'i Buxačux saal İak'ovi Buxačuxe" nexe. Metər, Moiseyen içinal p'urit'oğoy běyinbaksunane ak'est'a. Buxačux p'urit'oğoy tene, dirist't'oğoy Buxačuxe, axıri Şot'aynak' bito dirist'e».
K'anun zombalxoy bəzit'oğon metərt'un pi: «Məəlim, Hun he gözəlen pi». Eneyal İsusaxun sa şey xavar haq'suna zap't'unśi.


T'e vədə İsusen şot'oğo pine: «Het'aynak't'un nex ki, Xrist'os Davidi Ğare? Axıri Daviden için "Ǐvel mə̌ğurxo" girke boş
"Q'ončuğon bez Q'ončuğo pine:
Zu Vi düşmənxo Vi turin oq'a sakamin
Bez yön tərəf arśa"
pene.
Metərluğen, Daviden Şot'o "Ağa" pine k'ale. T'e vədə Şo hetərə Davidi ğar bakes bakon?»


Amdarxon bitot'in me əyitmoğo ǔmǔxlaxat'an, İsusen İz şagirdxo pine: «K'anun zombalxoxun və̌x běğanan. Şot'oğoy çureğalo boxoy paltar lapi tarapsun, amdarxoy içoğo bazarin meydanxo ak'i p'ə̌ kiin kul-kiye biq'i "xeyirq'an baki" upsun, sinagogxo q'a q'onaxluğxo best'a arst'une. Şot'oğon süpür çupuğoy dövlətə ut'unksa, oşa isə içoğo ak'est'eynak' boxoy afırıt'unne. Me amdarxoy caza lap bǐhi bakale».

Počúvaj Luk'a 20