Text: © United Bible Societies 1986 Audio: ℗ 2007 Hosanna

Bura - 2007 Edition (Drama - NT)

<div class="version vid2536 iso6393bwr" data-vid="2536" data-iso6393="bwr">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Nd&#601;r Ni Ku Ndzi Mda</div><div class="p"> 1T&#601;ng akwa ba&#599;itari Nd&#601;r ni a&#599;i, tsuwa Nd&#601;r ni ata v&#601;i duku ka Hyel, tsuwa Nd&#601;r ni an Hyel. 2T&#601;ng tsu akwa ba&#599;itari ni Nd&#601;r ni ata k&#601;ma duku ka Hyel. 3Atar ni ant&#601; shanga suayeri namt&#601;dzi, shanga su t&#601; Hyel namt&#601; ni, a&#599;i wala duku na namt&#601;dzi kula mnyari akwa wa. 4Atar ni ant&#601; mpika a&#599;i, ant&#601; mpik&#601; ni an parak&#601; ni aka mji. 5Ant&#601; parak&#601; ni akwa mb&#601;la akwa kuthlu, amma kuthlu ni a&#599;i akwa nggyari ni wa.</div><div class="p"> 6Md&#601; laga a&#599;i ka thl&#601;mari Yahwana t&#601; Hyel thlenta. #Mat 3:1; Mar 1:4; Luk 3:1-2 7Tsa si kamnyar ka tsa ngk&#601;r&#595;&#601;la jirkur na ata k&#601;ra parak&#601; ni aka mji, kamnyar ka shanga mji nggat&#601; labar ata k&#601;ra parak&#601; ni, ka da hamta jiri akari atar ni. 8A&#599;i tsa ka k&#601;rari an parak&#601; ni wa, amma tsa si kamnyar ka tsa hara se&#599;a ata k&#601;ra parak&#601; ni. 9Tsa na parak&#601;u na jirari na ata hamta parak&#601;u aka shanga mji ni, an akwa si akwa duniya ni.</div><div class="p"> 10T&#601;ng waci Tsa akwa duniya ni, amma wala t&#601; duniya ni namt&#601;dzi atar ni, duniya ni a&#599;i s&#601;nd&#601; ni wa. 11Tsa si akwa ts&#601;&#599;iyirni, amma mjirni a&#599;i dlu ni wa. 12Amma shanga mji na ku dlu ni ka hamta jiri alari, tsa ku na ala &#599;a duna ka da ndzi ma&#599;a' Hyel. 13Da a&#599;i ndzi ma&#599;a'ni atar kum ka mamshi na thlata ak&#601;la ngguk&#601;r dza wa, amma Hyel surni an namt&#601; &#599;a ma&#599;a'ni.</div><div class="p"> 14Ant&#601; Nd&#601;r ni ndzi mda, ka ndzi akwa nca mburu. Mburu ku wut&#601; s&#601;liyirni, s&#601;liyir &#385;z&#601;r na duku shini ak&#601;la T&#601;ddarni, tsuwa tsa nghyinghyari ka &#595;&#599;akkur ka jirkur tsuwa.</div><div class="p"> 15Yahwana ku hara se&#599;a ata k&#601;rari, ka hapt&#601; kurakari akwa p&#601;la, &#8220;Ng&#601;ni an md&#601; t&#601; I gari ala giri ata k&#601;rari, abb&#601;r &#8216;Md&#601; na akwa si agh&#601;li ni ku t&#601;ramta ra ka olkur, kamnyar tsa a&#599;i ak&#601;mata iya.&#8217; &#8221;</div><div class="p"> 16Kamnyar atar hangkur &#595;&#599;akkur t&#601; tsa k&#601;gari ant&#601; shanga mburu ku wut&#601; barka ata k&#601;ra barka ata k&#601;r ata k&#601;r. 17Kamnyar Hyel hamta tsawu ni atar Musa, amma tsa hara ala mburu &#595;&#599;akkur ka jirkur atar Yesu Kristi. 18Mda a&#599;i na ku &#599;ar wut&#601; Hyel wa. &#385;z&#601;rni na duku shini, na kalkal ka Hyel ni, na akwa humba T&#601;ddarni ni, an ngk&#601;r&#595;&#601;la ni ala mburu.</div><div class="s">Yahwana Ku Hara Se&#599;a Ata K&#601;ra Yesu</div><div class="r">(Mat 3:1-12; Mar 1:1-8; Luk 3:1-18)</div><div class="p"> 19Ant&#601; ngg&#601;dza se&#599;a t&#601; Yahwana hara akwa sakat&#601; mjir Yahudi na ahar Urushalima thlent&#601; pristayeri ka mjir Lawi adz&#601; Yahwana, ka da yu ni abb&#601;r tsa an wa ri ni. 20Ant&#601; Yahwana a&#599;i be&#599;i wa, tsa p&#601;la&#595;&#601;la ala &#599;a ata b&#601;bal ka p&#601;la, &#8220;A&#599;i I an Kristi ni wa.&#8221;</div><div class="p"> 21Ant&#601; da jakt&#601; yu ni ka p&#601;la, &#8220;Ka ar nga, ga an wa ri? Ga an Iliya ni ya?&#8221;</div><div class="p">Ant&#601; tsa p&#601;la, &#8220;Awa, a&#599;i I wa.&#8221;</div><div class="p">&#8220;Ka ga an na&#595;i ni ya?&#8221;</div><div class="p">Ant&#601; tsa p&#601;la, &#8220;Awa,&#8221;</div><div class="p"> 22Ant&#601; da p&#601;la alari, &#8220;Ka ar ng&#601; ga an wa ri? Na ala yeru amsa t&#601; yeru ata mwanta aka mji na thlent&#601; yeru ni. Ga ana p&#601;la ga an wa ri?&#8221;</div><div class="p"> 23Ant&#601; Yahwana hamta ala &#599;a amsa ka nd&#601;r t&#601; Na&#595;i Ishaya p&#601;la waci nda abb&#601;r,</div><div class="b"></div><div class="q1">&#8220;I an kuraka md&#601; na akwa mtaku na akwa k&#601;ga,</div><div class="q2">&#8216;Namt&#601; gir laku dwa&#599;u aka Mthlaku!&#8217; &#8221;</div><div class="b"></div><div class="p"> 24Ant&#601; bwadukwa mjir Farisi t&#601; md&#601; thlent&#601; &#599;a ni, 25p&#601;la aka Yahwana abb&#601;r, &#8220;Ka kamnyar mi t&#601; ga akwa hara baptizma, ma ga a&#599;i an Kristi n&#601; wa, wala Iliya wa, wala Na&#595;i n&#601; wa ri?&#8221;</div><div class="p"> 26Ant&#601; Yahwana p&#601;la ala &#599;a, &#8220;Arna I ana hara baptizma ka yimi. Amma md&#601; laga a&#599;i akwa nca giri nat&#601; giri a&#599;i s&#601;nd&#601; ni wa. 27Tsa akwa si agh&#601;li, nat&#601; &#595;&#599;akkur&#601;rna a&#599;i mzhi wala k&#601;i mp&#601;li s&#601;wur &#595;a&#595;iyirni wa.&#8221;</div><div class="p"> 28Suayeri ng&#601;ni hara akwa Bethlani, a&#595;&#601;la bwanda Thlyagha Jodan, akwa v&#601;i t&#601; Yahwana ana hara baptizma akwa ni.</div><div class="s">&#385;z&#601;r Gam ar Hyel</div><div class="p"> 29S&#601;&#595;&#601;la &#599;&#601;pari t&#601;ng Yahwana wut&#601; Yesu akwa si adz&#601; ni. Ant&#601; tsa p&#601;la, &#8220;Ngg&#601;dza giri &#385;z&#601;r Gam ar Hyel, md&#601; na ata k&#601;l&#601;mta bik&#601;r mjir duniya! 30Ng&#601;ni an md&#601; t&#601; I gari ala giri ata k&#601;rari abb&#601;r, &#8216;Md&#601; na akwa si agh&#601;li ni ku t&#601;ramta ra ka olkur, kamnyar tsa a&#599;i ak&#601;mata iya,&#8217; ni. 31Hwatu I a&#599;i s&#601;nd&#601; md&#601; na ata si n&#601; wa, amma I ku si akwa hara baptizma ka yimi, kamnyar ka md&#601; ncant&#601; ni aka mjir Israila.&#8221;</div><div class="p"> 32Ant&#601; Yahwana ku hara se&#599;a ka p&#601;la, &#8220;I ku wut&#601; Mamb&#601;l akwa s&#601;gh&#601;i amtazi apa buk&#601;l, ka pwa ata k&#601;rari. 33Hwatu I a&#599;i s&#601;nd&#601; ni wa, amma Hyel na thlent&#601; ra abb&#601;r k&#601;i hara baptizma ka yimi ni an p&#601;la ali abb&#601;r, &#8216;Ma md&#601; t&#601; ga ku wut&#601; Mamb&#601;l ku s&#601;gh&#601;i amtazi ka pwa ata k&#601;rari ka ndz&#601;ndzi, an tsa na ata hara baptizma ka Mamb&#601;l na &#385;&#599;akkarkara ni.&#8217; 34Apani I ku wut&#601; su ng&#601;ni hara ata k&#601;ra Yesu, ant&#601; I akwa se&#599;ata ala giri abb&#601;r ng&#601;ni an &#385;z&#601;r Hyel ni.&#8221;</div><div class="s">Mjir thlip&#601; Na Ntangk&#601;ma Ar Yesu</div><div class="p"> 35S&#601;&#595;&#601;la &#599;&#601;pari Yahwana athl&#601;thlata ata v&#601;i ni ka mjirthlip&#601;rni su&#599;a adz&#601; ni. 36Sakat&#601; tsa wut&#601; Yesu akwa t&#601;ramta ant&#601; tsa p&#601;la, &#8220;Wul giri &#385;z&#601;r Gam ar Hyel!&#8221;</div><div class="p"> 37Sakat&#601; mjirthlip&#601;r Yahwana na su&#599;&#601; ni nggat&#601; su t&#601; Yahwana p&#601;la ni, ant&#601; da nut&#601; Yesu. 38Sakat&#601; Yesu shinardzi ka wut&#601; &#599;a akwa nu ni, ant&#601; tsa p&#601;la ala &#599;a, &#8220;Man t&#601; giri akwa barari ri?&#8221;</div><div class="p">Ant&#601; da p&#601;la alari abb&#601;r, &#8220;Rabbi, karapwari an Mal&#601;m, ga ka ndzi ama ri?&#8221;</div><div class="p"> 39Ant&#601; Yesu p&#601;la ala &#599;a, &#8220;S&#601;r giri ka giri wuta.&#8221;</div><div class="p">Apa saka nfwar na tahaku, ant&#601; da mwari k&#601;ga tsa ka wut&#601; v&#601;i ndz&#601;ndziyirni. Ant&#601; da &#595;ukci adz&#601; ni vir nda.</div><div class="p"> 40Ant&#601; Andrawus na &#595;z&#601;rma' Siman Bitr&#601;s, na pal akwa nca mji na su&#599;&#601; na nggat&#601; nd&#601;r t&#601; Yahwana p&#601;la ni, ku nut&#601; Yesu. 41Su t&#601; Andrawus hara ntangk&#601;ma an tsa pakt&#601; &#595;z&#601;rma'ni Siman, ka p&#601;la alari abb&#601;r, &#8220;Yeru ku wut&#601; Almasihu ni&#8221; karapur nd&#601;r ng&#601;ni an Kristi. 42Ant&#601; tsa mwant&#601; Siman adz&#601; Yesu. Ant&#601; Yesu wul ni ka p&#601;la, &#8220;Azha ga an Siman na &#595;z&#601;r Yahwana ni ya? Mda ata s&#601; k&#601;ga thl&#601;ma ga Kefas,&#8221; wala tsuwa Bitr&#601;s nat&#601; karapwari an pela.</div><div class="s">Yesu Ku K&#601;ga Filibus Ka Nathlaniyel</div><div class="p"> 43S&#601;&#595;&#601;la &#599;&#601;pari ant&#601; Yesu &#599;&#601;mha abb&#601;r tsa ata mwari ahar Galili. Ant&#601; tsa wut&#601; Filibus, ka p&#601;la alari, &#8220;Nu ra.&#8221;</div><div class="p"> 44Filibus an &#595;z&#601;r Bethsaida, diyir k&#601;ga Andrawus ka Bitr&#601;s. 45Ant&#601; Filibus wut&#601; Nathlaniyel ka p&#601;la alari abb&#601;r, &#8220;Yeru ku wut&#601; md&#601; t&#601; Musa ka na&#595;iyayeri r&#601;buta ata k&#601;rari akwa kaka&#599;&#601;r Tsawu ni, tsa na Yesu ar Nazareth na &#595;z&#601;r Yusuf.&#8221;</div><div class="p"> 46Ant&#601; Nathlaniyel p&#601;la alari, &#8220;Har mda ata mzhi wut&#601; su na &#595;&#599;aku akwa Nazareth ya?&#8221; Ant&#601; Filibus p&#601;la alari, &#8220;S&#601;r ka g&#601; wuta.&#8221;</div><div class="p"> 47Sakat&#601; Yesu wut&#601; Nathlaniyel akwa si adz&#601; ni, ant&#601; tsa p&#601;la, &#8220;Wul giri md&#601;r Israila na jirari ja, na a&#599;i ana thland&#601;r wa!&#8221;</div><div class="p"> 48Ant&#601; Nathlaniyel yu ni abb&#601;r &#8220;Apa madi t&#601; g&#601; s&#601;nd&#601; ra ri?&#8221;</div><div class="p">Ant&#601; Yesu p&#601;la alari, &#8220;I wut&#601; nga sakat&#601; ga akira nfur kamnd&#601; nda, ak&#601;mata Filibus ak&#601;ga nga.&#8221;</div><div class="p"> 49Ant&#601; Nathlaniyel p&#601;la alari, &#8220;Mal&#601;m, ga an &#385;z&#601;r Hyel! Ga an Kuthlir Israila ni!&#8221;</div><div class="p"> 50Ant&#601; Yesu p&#601;la alari, &#8220;Kamnyar t&#601; I p&#601;la ala ga abb&#601;r, I wut&#601; nga akira nfur kamnda ant&#601; g&#601; hamta jiri ali t&#601;k&#601;ma ni ya? Ai ga ata wut&#601; suayeri na ol'ola ta ng&#601;ni.&#8221; 51Ant&#601; tsa p&#601;la ala &#599;a, &#8220;I akwa p&#601;la ala giri jirkur, giri ata s&#601; wut&#601; v&#601;i na amtazi akwa k&#601;lardzi, ka mjirthlent&#601;rhyel akwa l&#601;mta ka s&#601;gh&#601;i ata &#385;z&#601;r Mda.&#8221;</div>
 </div>
 </div>
</div>

KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.

Təng akwa baɗitari Ndər ni aɗi, tsuwa Ndər ni ata vəi duku ka Hyel, tsuwa Ndər ni an Hyel. Təng tsu akwa baɗitari ni Ndər ni ata kəma duku ka Hyel. Atar ni antə shanga suayeri namtədzi, shanga su tə Hyel namtə ni, aɗi wala duku na namtədzi kula mnyari akwa wa. Atar ni antə mpika aɗi, antə mpikə ni an parakə ni aka mji. Antə parakə ni akwa mbəla akwa kuthlu, amma kuthlu ni aɗi akwa nggyari ni wa.
Mdə laga aɗi ka thləmari Yahwana tə Hyel thlenta. Tsa si kamnyar ka tsa ngkərɓəla jirkur na ata kəra parakə ni aka mji, kamnyar ka shanga mji nggatə labar ata kəra parakə ni, ka da hamta jiri akari atar ni. Aɗi tsa ka kərari an parakə ni wa, amma tsa si kamnyar ka tsa hara seɗa ata kəra parakə ni. Tsa na parakəu na jirari na ata hamta parakəu aka shanga mji ni, an akwa si akwa duniya ni.
Təng waci Tsa akwa duniya ni, amma wala tə duniya ni namtədzi atar ni, duniya ni aɗi səndə ni wa. Tsa si akwa tsəɗiyirni, amma mjirni aɗi dlu ni wa. Amma shanga mji na ku dlu ni ka hamta jiri alari, tsa ku na ala ɗa duna ka da ndzi maɗa' Hyel. Da aɗi ndzi maɗa'ni atar kum ka mamshi na thlata akəla nggukər dza wa, amma Hyel surni an namtə ɗa maɗa'ni.
Antə Ndər ni ndzi mda, ka ndzi akwa nca mburu. Mburu ku wutə səliyirni, səliyir Ɓzər na duku shini akəla Təddarni, tsuwa tsa nghyinghyari ka ɓɗakkur ka jirkur tsuwa.
Yahwana ku hara seɗa ata kərari, ka haptə kurakari akwa pəla, “Ngəni an mdə tə I gari ala giri ata kərari, abbər ‘Mdə na akwa si aghəli ni ku təramta ra ka olkur, kamnyar tsa aɗi akəmata iya.’ ”
Kamnyar atar hangkur ɓɗakkur tə tsa kəgari antə shanga mburu ku wutə barka ata kəra barka ata kər ata kər. Kamnyar Hyel hamta tsawu ni atar Musa, amma tsa hara ala mburu ɓɗakkur ka jirkur atar Yesu Kristi. Mda aɗi na ku ɗar wutə Hyel wa. Ɓzərni na duku shini, na kalkal ka Hyel ni, na akwa humba Təddarni ni, an ngkərɓəla ni ala mburu.


Antə nggədza seɗa tə Yahwana hara akwa sakatə mjir Yahudi na ahar Urushalima thlentə pristayeri ka mjir Lawi adzə Yahwana, ka da yu ni abbər tsa an wa ri ni. Antə Yahwana aɗi beɗi wa, tsa pəlaɓəla ala ɗa ata bəbal ka pəla, “Aɗi I an Kristi ni wa.”
Antə da jaktə yu ni ka pəla, “Ka ar nga, ga an wa ri? Ga an Iliya ni ya?”
Antə tsa pəla, “Awa, aɗi I wa.”
“Ka ga an naɓi ni ya?”
Antə tsa pəla, “Awa,”
Antə da pəla alari, “Ka ar ngə ga an wa ri? Na ala yeru amsa tə yeru ata mwanta aka mji na thlentə yeru ni. Ga ana pəla ga an wa ri?”
Antə Yahwana hamta ala ɗa amsa ka ndər tə Naɓi Ishaya pəla waci nda abbər,

“I an kuraka mdə na akwa mtaku na akwa kəga,
‘Namtə gir laku dwaɗu aka Mthlaku!’ ”

Antə bwadukwa mjir Farisi tə mdə thlentə ɗa ni, pəla aka Yahwana abbər, “Ka kamnyar mi tə ga akwa hara baptizma, ma ga aɗi an Kristi nə wa, wala Iliya wa, wala Naɓi nə wa ri?”
Antə Yahwana pəla ala ɗa, “Arna I ana hara baptizma ka yimi. Amma mdə laga aɗi akwa nca giri natə giri aɗi səndə ni wa. Tsa akwa si aghəli, natə ɓɗakkurərna aɗi mzhi wala kəi mpəli səwur ɓaɓiyirni wa.”
Suayeri ngəni hara akwa Bethlani, aɓəla bwanda Thlyagha Jodan, akwa vəi tə Yahwana ana hara baptizma akwa ni.

Səɓəla ɗəpari təng Yahwana wutə Yesu akwa si adzə ni. Antə tsa pəla, “Nggədza giri Ɓzər Gam ar Hyel, mdə na ata kələmta bikər mjir duniya! Ngəni an mdə tə I gari ala giri ata kərari abbər, ‘Mdə na akwa si aghəli ni ku təramta ra ka olkur, kamnyar tsa aɗi akəmata iya,’ ni. Hwatu I aɗi səndə mdə na ata si nə wa, amma I ku si akwa hara baptizma ka yimi, kamnyar ka mdə ncantə ni aka mjir Israila.”
Antə Yahwana ku hara seɗa ka pəla, “I ku wutə Mambəl akwa səghəi amtazi apa bukəl, ka pwa ata kərari. Hwatu I aɗi səndə ni wa, amma Hyel na thlentə ra abbər kəi hara baptizma ka yimi ni an pəla ali abbər, ‘Ma mdə tə ga ku wutə Mambəl ku səghəi amtazi ka pwa ata kərari ka ndzəndzi, an tsa na ata hara baptizma ka Mambəl na Ɓɗakkarkara ni.’ Apani I ku wutə su ngəni hara ata kəra Yesu, antə I akwa seɗata ala giri abbər ngəni an Ɓzər Hyel ni.”

Səɓəla ɗəpari Yahwana athləthlata ata vəi ni ka mjirthlipərni suɗa adzə ni. Sakatə tsa wutə Yesu akwa təramta antə tsa pəla, “Wul giri Ɓzər Gam ar Hyel!”
Sakatə mjirthlipər Yahwana na suɗə ni nggatə su tə Yahwana pəla ni, antə da nutə Yesu. Sakatə Yesu shinardzi ka wutə ɗa akwa nu ni, antə tsa pəla ala ɗa, “Man tə giri akwa barari ri?”
Antə da pəla alari abbər, “Rabbi, karapwari an Maləm, ga ka ndzi ama ri?”
Antə Yesu pəla ala ɗa, “Sər giri ka giri wuta.”
Apa saka nfwar na tahaku, antə da mwari kəga tsa ka wutə vəi ndzəndziyirni. Antə da ɓukci adzə ni vir nda.
Antə Andrawus na ɓzərma' Siman Bitrəs, na pal akwa nca mji na suɗə na nggatə ndər tə Yahwana pəla ni, ku nutə Yesu. Su tə Andrawus hara ntangkəma an tsa paktə ɓzərma'ni Siman, ka pəla alari abbər, “Yeru ku wutə Almasihu ni” karapur ndər ngəni an Kristi. Antə tsa mwantə Siman adzə Yesu. Antə Yesu wul ni ka pəla, “Azha ga an Siman na ɓzər Yahwana ni ya? Mda ata sə kəga thləma ga Kefas,” wala tsuwa Bitrəs natə karapwari an pela.

Səɓəla ɗəpari antə Yesu ɗəmha abbər tsa ata mwari ahar Galili. Antə tsa wutə Filibus, ka pəla alari, “Nu ra.”
Filibus an ɓzər Bethsaida, diyir kəga Andrawus ka Bitrəs. Antə Filibus wutə Nathlaniyel ka pəla alari abbər, “Yeru ku wutə mdə tə Musa ka naɓiyayeri rəbuta ata kərari akwa kakaɗər Tsawu ni, tsa na Yesu ar Nazareth na ɓzər Yusuf.”
Antə Nathlaniyel pəla alari, “Har mda ata mzhi wutə su na ɓɗaku akwa Nazareth ya?” Antə Filibus pəla alari, “Sər ka gə wuta.”
Sakatə Yesu wutə Nathlaniyel akwa si adzə ni, antə tsa pəla, “Wul giri mdər Israila na jirari ja, na aɗi ana thlandər wa!”
Antə Nathlaniyel yu ni abbər “Apa madi tə gə səndə ra ri?”
Antə Yesu pəla alari, “I wutə nga sakatə ga akira nfur kamndə nda, akəmata Filibus akəga nga.”
Antə Nathlaniyel pəla alari, “Maləm, ga an Ɓzər Hyel! Ga an Kuthlir Israila ni!”
Antə Yesu pəla alari, “Kamnyar tə I pəla ala ga abbər, I wutə nga akira nfur kamnda antə gə hamta jiri ali təkəma ni ya? Ai ga ata wutə suayeri na ol'ola ta ngəni.” Antə tsa pəla ala ɗa, “I akwa pəla ala giri jirkur, giri ata sə wutə vəi na amtazi akwa kəlardzi, ka mjirthlentərhyel akwa ləmta ka səghəi ata Ɓzər Mda.”

Počúvaj Yahwana 1