<div class="version vid2868 iso6393ljp" data-vid="2868" data-iso6393="ljp">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s">Isa dicubai</div><div class="r">(Mrk. 1:12-13; Luk. 4:1-13)</div><div class="p"> 1 # 
 Ibr. 2:18, 4:15 Radu seno Isa dibimbing ulih Ruh Allah mik padang gurun untuk dicubai ulih iblis. 2Epak puluh rani pak puluh bingi Isa mak mengan. Raduni Ia ngerasa mebetoh. 3Iblis ratong rik cawa, &#8220;Niku Anak Allah, bukan? Nah, kayunko batu-batu inji jadi ruti.&#8221;</div><div class="p"> 4 # 
 Ul. 8:3
 Isa ngejawab, &#8220;Di delom Alkitab tetulis: Manusia mak dapok hurik jak ruti gaoh, kidang juga jak unggal cawa sai diucakko ulih Allah.&#8221;</div><div class="p"> 5Radu jak seno iblis ngusung Isa mik Yerusalem, kota suci, rik ngepikko Ia di atas ubung-ubung Lamban Ibadah. 6#Mzm. 91:11-12 Raduni iblis cawa jama Ia, &#8220;Niku Anak Allah, bukan? Kik injuk reno, terjundo mik debah; mani di delom Alkitab wat tetulis injuk reji,</div><div class="q1">&#8216;Allah haga ngayun malaikat-malaikat-Ni ngelindungi Niku,</div><div class="q1">tian haga nyambut Niku jama culuk tian,</div><div class="q1">in cukut-Mu pun mak nilut batu.&#8217; &#8221;</div><div class="p"> 7 # 
 Ul. 6:16
 Isa ngejawab, &#8220;Kidang di delom Alkitab tetulis juga, &#8216;Dang niku nyubai Tuhan Allahmu.&#8217; &#8221;</div><div class="p"> 8Kak raduni iblis ngusung Isa luot mik gunung sai langgar nihan rik nunjukko jama Ia sunyinni kerajaan dunia jama sunyin kebatinanni. 9Raduni iblis cawa jama Isa, &#8220;Sunyinni inji haga kukeniko jama Niku, kik Niku sujud nyumbah nyak.&#8221;</div><div class="p"> 10 # 
 Ul. 6:13
 Isa ngejawab, &#8220;Kisit niku, hai Pengguda! Delom Alkitab tetulis: Sumbahdo Tuhan, Allahmu, rik layannido Ia gaoh!&#8221;</div><div class="p"> 11Akherni iblis ninggalko Isa, rik malaikat-malaikat pun ratong ngelayani Ia.</div><div class="s">Isa mulai tugas-Ni di Galilea</div><div class="r">(Mrk. 1:14-15; Luk. 4:14-15)</div><div class="p"> 12 # 
 Mat. 14:3; Mrk. 6:17; Luk. 3:19-20 Waktu ngedengi bahwa Yohanes dikurukko mik delom bui, Isa nyingker mik di Galilea. 13#Yoh. 2:12 Ia ninggalko Nazaret, raduni tinggal di Kapernaum di pingger Danau Galilea di daerah Zebulon rik Naftali. 14Mani Isa ngelakuko hal seno, tejadido api sai diucakko Nabi Yesaya:</div><div class="q1"> 15 # 
 Yes. 9:1-2
 &#8220;Tanoh Zebulon rik tanoh Naftali,</div><div class="q2">di renglaya mik danau, seberang Way Yordan,</div><div class="q2">Galilea tanoh ulun lain Yahudi!</div><div class="q1"> 16Bangsa sai hurik di delom kekelaman</div><div class="q2">radu ngeliak terang sai cemerlang!</div><div class="q1">Bagi sai tinggal delom negeri kekelaman maut</div><div class="q2">radu terbit cahaya terang!&#8221;</div><div class="p"> 17 # 
 Mat. 3:2
 Jak waktu seno Isa mulai ngabarko, &#8220;Betubatdo jak dusa-dusamu, mani Allah haga geluk memerintah sebagai Raja!&#8221;</div><div class="s">Isa ngurau epak nelayan</div><div class="r">(Mrk. 1:16-20; Luk. 5:1-11)</div><div class="p"> 18Waktu Isa lagi lapah di pantai Danau Galilea, Ia ngeliak rua nelayan, yakdo Simon (sai dikeni gelar juga Petrus) jama adikni, Andreas. Tian sedang nangkok iwa di danau udi jama jala. 19Isa cawa jama tian, &#8220;Ija tutuk Nyak. Nyak haga ngajar keti ngejala jelma.&#8221; 20Langsung tian ninggalko jala tian raduni nutuk Isa.</div><div class="p"> 21Isa lapah terus, raduni ngeliak muneh rua jelma muari sai bareh, yakdo Yakobus rik Yohanes, anak-anak Zebedeus. Tian jejama jama bakni tian sedang nguyunko jala delom jukung. Isa ngurau tian juga, 22rik tian langsung ninggalko jukung rik bak tian, raduni nutuk Isa.</div><div class="s">Isa ngajar, bekhotbah, rik ngunyaiko jelma</div><div class="r">(Luk. 6:17-19)</div><div class="p"> 23 # 
 Mat. 9:35; Mrk. 1:39 Di Galilea, Isa bekeliling di sunyinni negeri rik ngajar di lamban-lamban ibadah. Ia ngabarko Kabar Betik bahwa Allah haga memerintah. Rik Ia juga ngunyaiko jelma-jelma sai meruyuh rik cacat. 24Kabar tentang Isa ano tesiar di sunyinni negeri Siria, sehingga lamon jelma ratong jama Ia. Tian ngusung jelma-jelma sai menderita sunyin macam penyakik rik kesusahan. Jelma-jelma sai kekurukan ruh jahat, sai sakik ayan, rik sai lumpuh, sunyinni dimunyaiko ulih Isa. 25Lamon nihan jelma sai nutuk Isa pada waktu seno. Wat sai ratong jak Galilea, wat sai jak Puluh Kota, jak Yerusalem, jak Yudea, rik wat muneh sai jak negeri di seberang Yordan.</div>
 </div>
 </div>
</div>

@ LAI 2002 Indonesian Bible Society (Lembaga Alkitab Indonesia)

Radu seno Isa dibimbing ulih Ruh Allah mik padang gurun untuk dicubai ulih iblis. Epak puluh rani pak puluh bingi Isa mak mengan. Raduni Ia ngerasa mebetoh. Iblis ratong rik cawa, “Niku Anak Allah, bukan? Nah, kayunko batu-batu inji jadi ruti.”
Isa ngejawab, “Di delom Alkitab tetulis: Manusia mak dapok hurik jak ruti gaoh, kidang juga jak unggal cawa sai diucakko ulih Allah.”
Radu jak seno iblis ngusung Isa mik Yerusalem, kota suci, rik ngepikko Ia di atas ubung-ubung Lamban Ibadah. Raduni iblis cawa jama Ia, “Niku Anak Allah, bukan? Kik injuk reno, terjundo mik debah; mani di delom Alkitab wat tetulis injuk reji,
‘Allah haga ngayun malaikat-malaikat-Ni ngelindungi Niku,
tian haga nyambut Niku jama culuk tian,
in cukut-Mu pun mak nilut batu.’ ”
Isa ngejawab, “Kidang di delom Alkitab tetulis juga, ‘Dang niku nyubai Tuhan Allahmu.’ ”
Kak raduni iblis ngusung Isa luot mik gunung sai langgar nihan rik nunjukko jama Ia sunyinni kerajaan dunia jama sunyin kebatinanni. Raduni iblis cawa jama Isa, “Sunyinni inji haga kukeniko jama Niku, kik Niku sujud nyumbah nyak.”
Isa ngejawab, “Kisit niku, hai Pengguda! Delom Alkitab tetulis: Sumbahdo Tuhan, Allahmu, rik layannido Ia gaoh!”
Akherni iblis ninggalko Isa, rik malaikat-malaikat pun ratong ngelayani Ia.


Waktu ngedengi bahwa Yohanes dikurukko mik delom bui, Isa nyingker mik di Galilea. Ia ninggalko Nazaret, raduni tinggal di Kapernaum di pingger Danau Galilea di daerah Zebulon rik Naftali. Mani Isa ngelakuko hal seno, tejadido api sai diucakko Nabi Yesaya:
“Tanoh Zebulon rik tanoh Naftali,
di renglaya mik danau, seberang Way Yordan,
Galilea tanoh ulun lain Yahudi!
Bangsa sai hurik di delom kekelaman
radu ngeliak terang sai cemerlang!
Bagi sai tinggal delom negeri kekelaman maut
radu terbit cahaya terang!”
Jak waktu seno Isa mulai ngabarko, “Betubatdo jak dusa-dusamu, mani Allah haga geluk memerintah sebagai Raja!”


Waktu Isa lagi lapah di pantai Danau Galilea, Ia ngeliak rua nelayan, yakdo Simon (sai dikeni gelar juga Petrus) jama adikni, Andreas. Tian sedang nangkok iwa di danau udi jama jala. Isa cawa jama tian, “Ija tutuk Nyak. Nyak haga ngajar keti ngejala jelma.” Langsung tian ninggalko jala tian raduni nutuk Isa.
Isa lapah terus, raduni ngeliak muneh rua jelma muari sai bareh, yakdo Yakobus rik Yohanes, anak-anak Zebedeus. Tian jejama jama bakni tian sedang nguyunko jala delom jukung. Isa ngurau tian juga, rik tian langsung ninggalko jukung rik bak tian, raduni nutuk Isa.


Di Galilea, Isa bekeliling di sunyinni negeri rik ngajar di lamban-lamban ibadah. Ia ngabarko Kabar Betik bahwa Allah haga memerintah. Rik Ia juga ngunyaiko jelma-jelma sai meruyuh rik cacat. Kabar tentang Isa ano tesiar di sunyinni negeri Siria, sehingga lamon jelma ratong jama Ia. Tian ngusung jelma-jelma sai menderita sunyin macam penyakik rik kesusahan. Jelma-jelma sai kekurukan ruh jahat, sai sakik ayan, rik sai lumpuh, sunyinni dimunyaiko ulih Isa. Lamon nihan jelma sai nutuk Isa pada waktu seno. Wat sai ratong jak Galilea, wat sai jak Puluh Kota, jak Yerusalem, jak Yudea, rik wat muneh sai jak negeri di seberang Yordan.

Počúvaj MATIUS 4