Enga

<div class="version vid3723 iso6393enq" data-vid="3723" data-iso6393="enq">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Akali Mendenya Kopetali Mee Jakamaiyamo Doko</div><div class="p"> 1 # 
 Make 1:40-45; Luku 5:12-16 Jisasa baa yuu manda doko yakinatala lanao epeamopa, endakali kambu longome baa watao epeami. 2Dokopa akali kopetali mendeme Jisasa katea dosa ipao luma lakapala baa lamaiyoo, &#8220;Kamongo, embame nambanya yaina dake mee jetala, pyoo wasepae kalyale lao maseteno doko, yaina dake mee jakatenopa, namba pyoo wasepae kalyapona&#8221; lea. 3Dopa leamopa, Jisasame akali doko kingimi watandatala lao pituu, &#8220;Emba pyoo wasepae kalyale lao masetala, nambame embanya yaina doko mee jina lelyona&#8221; lea. Dopa lalu piamopa, akali dokonya kopetali doko etea. Etapeamopa baa pyoo wasepae katea. 4#Lep 14:1-32Dokopa Jisasame baa lamaiyoo, &#8220;Nambame embanya pyakalo doko mende lamaiya naenya, prisa dokome emba kandena puu. Pupala Mosesame mana seteali pyoo embame dopale mende Gote kundi maitinopa, endakali dupame embanya yaina doko etapya-lamo lao kandenana&#8221; lea.</div><div class="s">Amii Isingi Mendenya Kalai Akali Mende Saka Nyiamo Doko</div><div class="p"> 5-6 # 
 Luku 7:1-10
 Jisasa Kapename pao pyakameamopa, amii 100 isingi mende ipupala baa lamaiyoo, &#8220;Akali Andake, nambanya kalai akali mende yainame tanda andake nao, takyepae andaka silyamona nisakatepe?&#8221; lao kyeto joo tee lea. 7Dopa leamopa Jisasame baa lamaiyoo, &#8220;Nambame baa saka nyala ipatoana&#8221; lea. 8Dokopa amii 100 isingi dokome baanya pii yanu pyakamaiyoo, &#8220;Akali Andake, namba akali koo mendena, emba nambanya andaka naipupi. Embame piimi iki latenopa, nambanya kalai akali doko saka paapomo. 9Aipuma dopa lelyo? Nambanya isingi akali dokonya namba pundipundi katenge. Amii mendapu nambanya pundipundi katengemaka. Nambame dupanya mende pena lelyopa, baa penge. Dupanya mende epena lelyopa, baa epenge. Nambanya kalai akali mendeme kalai mende pina lelyopa, kalai doko pingina&#8221; lea. 10Dopa leamopa, Jisasame pii doko sepala baa walu lea. Walu latala endakali baa watao epeami dupa lamaiyoo, &#8220;Nambame nyakama kiningi langilyo: Akali dakeme namba tungi pilyamoli pyoo, Israele mendeme namba tungi pyaminopa nambame nakandapu. 11#Luku 13:29Niki pyakaengesa tangepi, niki pambengesa tangepi, endakali longo dupa ipupala kingdom kaiti-kisa singi dokonya, Abraamepi, Aisakepi, Jekopepi dutupa-pipa nee nao pititamina lao nambame nyakama langilyo. 12#Matyu 22:13; 25:30; Luku 13:28Dopaka doko, kingdom kaiti-kisa singi dokonya katatamina lao makande latae endakali dupa kamalya iminjetae dokonya watao pyata. Panda dokonya endakali dupa ee lao, nenge giti-gato lao nao katatamina&#8221; lea. 13Dopa latala Jisasame amii 100 isingi doko lamaiyoo, &#8220;Nambame pyakalapeno lao masetala embame namba tungi pilyino dokonya-kaitaka pyaapomona puu&#8221; lea. Dopa lea gii dokopaka, baanya kalai akali doko saka pea.</div><div class="s">Yaina Pyapae Longo Mee Jakamaiyamo Doko</div><div class="p"> 14 # 
 Make 1:29-34; Luku 4:38-41 Jisasa baa Pitanya andaka kolandeamopa, Pitanya enda imange doko yonge itaita piamopa yaina siamo kandea. 15Kandatala baame enda dokonya kinginya watandeamopa, yonge itaita pia doko mee jia. Mee jeteamopa enda doko sakatatala, Jisasa nee nyoo maiya. 16Yuu kuiyalanya piamopa, endakali mendapuame imambu koo paleta endakali longo mendapu laminao, Jisasa katea dokonya epeami. Dokopa Jisasame endakali dupa-kisa imambu koo palea dupa piimi watao pyata, yaina pyapae dupa pitaka mee jeta pyakamaiya. 17#Ais 53:4Baame dopa pia dokome, propeta Aisaiyame lao pituu, &#8220;Naimanya yaina tata waka-waka dupa baame nyoo nepekeana&#8221; lapae singi doko angi jia.</div><div class="s">Jisasa Watao Paeyamana Leamino Doko</div><div class="p"> 18Endakali kambu longome Jisasa baa katao kakopeamino kandatala, baanya disaipolo dupa Jisasame endaki pete dokonya omotena pena lea. 19#Luku 9:57-62Dokopa Mosesanya loo mana nyepae mende Jisasa katea dokonya ipupala baa lamaiyoo, &#8220;Mana Lenge, emba paeyate dupanya nambame emba watao ipatoana&#8221; lea. 20Dopa leamopa Jisasame baa lamaiyoo, &#8220;Yana kapu dupanya palenge yuli dupa singi. Yaka ketae paenge dupanya palenge anda dupa katenge. Dopaka doko, Akalinya Ikiningi dokonya palenge panda mende nasingina&#8221; lea. 21Dokopa baanya disaipolo dupanya mendeme baa lamaiyoo, &#8220;Kamongo, wambao nambanya takange malu petala patoo kae&#8221; lea. 22Dopa leamopa Jisasame baa lamaiyoo, &#8220;Endakali kumapae dupame nyakamanya kumapae yango dupa malu pina emba kaeyapala, namba watao ipu&#8221; lea.</div><div class="s">Poo Yale Mende Leamopa Kaena Leamo Doko</div><div class="p"> 23 # 
 Make 4:35-41; Luku 8:22-25 Dopa latala Jisasa baa sipi mendenya pyakalyiamopa, baanya disaipolo dupame baa watao sipi dokonya pyakalyiami. 24Pyakalyetala peaminopa, poo yale mende lao sakatea dokome, endaki buli pyapala, tandyoo sipi dokonya kolandea. Dopaka doko, Jisasa baa luu palea. 25Paleamopa disaipolo dupame baa pyale tatala lao pituu, &#8220;Kamongo, naima kumalamane-lamona, embame naima pyoo nyaa&#8221; leami. 26Dopa leaminopa Jisasame dokaita lamaiyoo, &#8220;Nyakama Gote kuki tungi pingima dupa, aipuma paka kaelyamipi?&#8221; lea. Dopa latala baa sakatatala, poo dokopa, endaki buli pia dokopa, dolapo kaena leamopa, kuki emapi mende napiambi. 27Dokopa akali dokaitame walu latala lao pituu, &#8220;Endakipa, poopa dolapome apata baanya pii lapyali pilyambino doko, akali dake aipa pipaepe?&#8221; leami.</div><div class="s">Akali Lapomanya Imambu Koo Watao Pyakamaiyamo Doko</div><div class="p"> 28 # 
 Make 5:1-20; Luku 8:26-39 Endaki pete omotena, Geregesa tange dupanya yuu dokonya Jisasa pao pyakameamopa, akali imambu koo paleta lapoma endakali malu katenge dupanya paliu ipao baa kandanyiambi. Akali dolapo etete kapu joo kalyambinosa, endakali mende kaitini dokonya-kaita napaengema. 29Akali dolapome puu lao, lao pituu, &#8220;Gote Ikiningi Jisasa, embame naima aipa piti? Tanda andake dipenge gii seteamo doko ipa naeyamupa, embame naima wambao tanda andake dyaanya ae epelyepe?&#8221; leambi. 30Kuki omosale mena kambu mende imu nao kateami. 31Dokopa imambu koo dupame Jisasa kyeto joo tee lao, &#8220;Naima pupale lao pyao watate-tamo doko, mena dupa-kisa landa pyamana kae&#8221; leami. 32Dopa leaminopa Jisasame dupa lamaiyoo, &#8220;Pupa&#8221; lea. Dopa leamopa, imambu koo dupame akali dolapo yakinatala, mena dupa-kisa landa piami. Landa pyateaminopa, mena kambu doko papatale mendenya-kaita lanao alo pyao pupala, endaki pete dokonya mangatala kumiami. 33Dokopa mena setao kateami dupa paka siti dokonya pupala, imambu koo dupa palengema akali dolapo-kisa pia dupa pitaka endakali dupa lamaiyami. 34Lamaitiaminopa, siti dokonya palengema endakali dupa pitakame Jisasa kandanyemana lao epeami. Ipupala dokaitame baa kandatala, dokaitanya yuu doko yakinatala pena lao kyeto joo leami.</div>
 </div>
 </div>
</div>

Jisasa baa yuu manda doko yakinatala lanao epeamopa, endakali kambu longome baa watao epeami. Dokopa akali kopetali mendeme Jisasa katea dosa ipao luma lakapala baa lamaiyoo, “Kamongo, embame nambanya yaina dake mee jetala, pyoo wasepae kalyale lao maseteno doko, yaina dake mee jakatenopa, namba pyoo wasepae kalyapona” lea. Dopa leamopa, Jisasame akali doko kingimi watandatala lao pituu, “Emba pyoo wasepae kalyale lao masetala, nambame embanya yaina doko mee jina lelyona” lea. Dopa lalu piamopa, akali dokonya kopetali doko etea. Etapeamopa baa pyoo wasepae katea. Dokopa Jisasame baa lamaiyoo, “Nambame embanya pyakalo doko mende lamaiya naenya, prisa dokome emba kandena puu. Pupala Mosesame mana seteali pyoo embame dopale mende Gote kundi maitinopa, endakali dupame embanya yaina doko etapya-lamo lao kandenana” lea.

Jisasa Kapename pao pyakameamopa, amii 100 isingi mende ipupala baa lamaiyoo, “Akali Andake, nambanya kalai akali mende yainame tanda andake nao, takyepae andaka silyamona nisakatepe?” lao kyeto joo tee lea. Dopa leamopa Jisasame baa lamaiyoo, “Nambame baa saka nyala ipatoana” lea. Dokopa amii 100 isingi dokome baanya pii yanu pyakamaiyoo, “Akali Andake, namba akali koo mendena, emba nambanya andaka naipupi. Embame piimi iki latenopa, nambanya kalai akali doko saka paapomo. Aipuma dopa lelyo? Nambanya isingi akali dokonya namba pundipundi katenge. Amii mendapu nambanya pundipundi katengemaka. Nambame dupanya mende pena lelyopa, baa penge. Dupanya mende epena lelyopa, baa epenge. Nambanya kalai akali mendeme kalai mende pina lelyopa, kalai doko pingina” lea. Dopa leamopa, Jisasame pii doko sepala baa walu lea. Walu latala endakali baa watao epeami dupa lamaiyoo, “Nambame nyakama kiningi langilyo: Akali dakeme namba tungi pilyamoli pyoo, Israele mendeme namba tungi pyaminopa nambame nakandapu. Niki pyakaengesa tangepi, niki pambengesa tangepi, endakali longo dupa ipupala kingdom kaiti-kisa singi dokonya, Abraamepi, Aisakepi, Jekopepi dutupa-pipa nee nao pititamina lao nambame nyakama langilyo. Dopaka doko, kingdom kaiti-kisa singi dokonya katatamina lao makande latae endakali dupa kamalya iminjetae dokonya watao pyata. Panda dokonya endakali dupa ee lao, nenge giti-gato lao nao katatamina” lea. Dopa latala Jisasame amii 100 isingi doko lamaiyoo, “Nambame pyakalapeno lao masetala embame namba tungi pilyino dokonya-kaitaka pyaapomona puu” lea. Dopa lea gii dokopaka, baanya kalai akali doko saka pea.

Jisasa baa Pitanya andaka kolandeamopa, Pitanya enda imange doko yonge itaita piamopa yaina siamo kandea. Kandatala baame enda dokonya kinginya watandeamopa, yonge itaita pia doko mee jia. Mee jeteamopa enda doko sakatatala, Jisasa nee nyoo maiya. Yuu kuiyalanya piamopa, endakali mendapuame imambu koo paleta endakali longo mendapu laminao, Jisasa katea dokonya epeami. Dokopa Jisasame endakali dupa-kisa imambu koo palea dupa piimi watao pyata, yaina pyapae dupa pitaka mee jeta pyakamaiya. Baame dopa pia dokome, propeta Aisaiyame lao pituu, “Naimanya yaina tata waka-waka dupa baame nyoo nepekeana” lapae singi doko angi jia.

Endakali kambu longome Jisasa baa katao kakopeamino kandatala, baanya disaipolo dupa Jisasame endaki pete dokonya omotena pena lea. Dokopa Mosesanya loo mana nyepae mende Jisasa katea dokonya ipupala baa lamaiyoo, “Mana Lenge, emba paeyate dupanya nambame emba watao ipatoana” lea. Dopa leamopa Jisasame baa lamaiyoo, “Yana kapu dupanya palenge yuli dupa singi. Yaka ketae paenge dupanya palenge anda dupa katenge. Dopaka doko, Akalinya Ikiningi dokonya palenge panda mende nasingina” lea. Dokopa baanya disaipolo dupanya mendeme baa lamaiyoo, “Kamongo, wambao nambanya takange malu petala patoo kae” lea. Dopa leamopa Jisasame baa lamaiyoo, “Endakali kumapae dupame nyakamanya kumapae yango dupa malu pina emba kaeyapala, namba watao ipu” lea.

Dopa latala Jisasa baa sipi mendenya pyakalyiamopa, baanya disaipolo dupame baa watao sipi dokonya pyakalyiami. Pyakalyetala peaminopa, poo yale mende lao sakatea dokome, endaki buli pyapala, tandyoo sipi dokonya kolandea. Dopaka doko, Jisasa baa luu palea. Paleamopa disaipolo dupame baa pyale tatala lao pituu, “Kamongo, naima kumalamane-lamona, embame naima pyoo nyaa” leami. Dopa leaminopa Jisasame dokaita lamaiyoo, “Nyakama Gote kuki tungi pingima dupa, aipuma paka kaelyamipi?” lea. Dopa latala baa sakatatala, poo dokopa, endaki buli pia dokopa, dolapo kaena leamopa, kuki emapi mende napiambi. Dokopa akali dokaitame walu latala lao pituu, “Endakipa, poopa dolapome apata baanya pii lapyali pilyambino doko, akali dake aipa pipaepe?” leami.

Endaki pete omotena, Geregesa tange dupanya yuu dokonya Jisasa pao pyakameamopa, akali imambu koo paleta lapoma endakali malu katenge dupanya paliu ipao baa kandanyiambi. Akali dolapo etete kapu joo kalyambinosa, endakali mende kaitini dokonya-kaita napaengema. Akali dolapome puu lao, lao pituu, “Gote Ikiningi Jisasa, embame naima aipa piti? Tanda andake dipenge gii seteamo doko ipa naeyamupa, embame naima wambao tanda andake dyaanya ae epelyepe?” leambi. Kuki omosale mena kambu mende imu nao kateami. Dokopa imambu koo dupame Jisasa kyeto joo tee lao, “Naima pupale lao pyao watate-tamo doko, mena dupa-kisa landa pyamana kae” leami. Dopa leaminopa Jisasame dupa lamaiyoo, “Pupa” lea. Dopa leamopa, imambu koo dupame akali dolapo yakinatala, mena dupa-kisa landa piami. Landa pyateaminopa, mena kambu doko papatale mendenya-kaita lanao alo pyao pupala, endaki pete dokonya mangatala kumiami. Dokopa mena setao kateami dupa paka siti dokonya pupala, imambu koo dupa palengema akali dolapo-kisa pia dupa pitaka endakali dupa lamaiyami. Lamaitiaminopa, siti dokonya palengema endakali dupa pitakame Jisasa kandanyemana lao epeami. Ipupala dokaitame baa kandatala, dokaitanya yuu doko yakinatala pena lao kyeto joo leami.

Počúvaj Matyu 8