If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkGEN">
 <div class="chapter ch20" data-usfm="GEN.20">
 <div class="label">20</div><div class="s">Abrahamu na Abimeleki</div><div class="p"> 1Ukufuma kula Abrahamu alinkusamila ku kisu kya kwitongo, alinkwakuyenga pakati pa kisu kya Kadeshi ni kya Shuru; alinkwitugala nkaya ka Gerara ukufwana itolo bo yu mundu umponi nkaya akakulumba ka Gerara. 2#Bwa 12.13; 26.7Pakubabula abandu Abrahamu alinkunjoba Sara unkasi gwake alinkuti, &#8220;Yo ilumbu gwangu.&#8221; Popapo Abimeleki, umalafyale gwa kaya kala ka Gerara alinkubatuma abandu ukuti bakamwege Sara bise nagwe kumyake. 3Loli pakilo Kyala alinkumwisila Abimeleki mu njosi, alinkumbula alinkuti, &#8220;Keta, ugwe usumwike pakufwa panongwa ya nkikulu uyo umwegile, namanga nkasi gwa mundu.&#8221; 4Umwene Abimeleki yo akali ukuti ammanye Sara; alinkuti, &#8220;Gwe Ntwa, ngimba naloli ukungogaga umundu unsita nongwa? 5Akaya yo yuyo Abrahamu uyu alimbulile une ukuti, &#8216;Yo ilumbu gwangu?&#8217; Yope nu nkikulu alitike atile, &#8216;Ena yo ilumbu gwangu.&#8217; Sisisi syo nsibombile mu nyibonelo inyelu itolo kangi ne nsita kababye nakamo.&#8221; 6Popapo Kyala alinkumwamula Abimeleki mu njosi alinkuti, &#8220;Ena, menye ukuti usibombile sisisi mu nyibonelo inyelu itolo, kangi yo yuyune ne nakukanisye ukuti uleke ukutula inongwa kumyangu. Bunobuno ndinkusita nukukwitikisya ukuti umpalamasye. 7Lilino lelo ungomokesyege unkikulu uyu ku ndume; namanga umundu uyu nsololi umwene ikukwiputilaga po lelo kuponaga kukulwa. Loli linga ukangomolela unkikulu ku ndume, nikukubula ukuti, kufwaga naloli, yuyugwe naba nnyumba yako bosa.&#8221;</div><div class="p"> 8Bunobuno Abimeleki alinkutemelela nulubunjubunju, alinkubabilikila ababombi bake bosa, alinkubapangila inongwa syosa sisisi; popapo abandu bala balinkuya nulutende fiyo. 9Po lelo Abimeleki alinkumbilikila Abrahamu alinkumbula alinkuti, &#8220;Syo nongwa ngi isi utubombile uswe? Ngimba ngonangile sya fiki ugwe, ukuti unyingisye une mu nongwa ingulumba bo iyi pamopene nubunyafyale bwangu? Naloli umbombile isi sikabagila napanandi.&#8221; 10Popapo Abimeleki alinkundalusya Abrahamu alinkuti, &#8220;Ngimba gwinogonaga sya fiki apa gwabombaga sisisi?&#8221; 11Umwene Abrahamu alinkwamula alinkuti, &#8220;Nasibombile isi papo natilaga, ninogonaga ukuti abandu ba nkisu iki, aba batikuntila Kyala, bisakungoga une panongwa ya nkasi gwangu. 12Unkikulu uyu yo ilumbu gwangu naloli, mwana gwa tata, loli tukapapigwa mwa yuba yumoywene mma, po lelo ndinkwenda nukumwega ukuya nkasi gwangu. 13Lelo bo Kyala ikunyembesya ukufuma nnyumba ya tata, popapo ndikumbula unkasi gwangu ndikuti, kosa kuko tukwakwendaga ukambakisyege une, ukayobege ukatigi, uyu yo ilumbu gwangu.&#8221; 14Popapo Abimeleki alinkwega imbene ni ng'ombe kangi nababombi abanyambala nabakikulu, alinkumpa Abrahamu, kangi alinkungomokesya unkasi gwake Sara. 15Alinkumbula alinkuti, &#8220;Keta, ikisu kyosa iki kukiketa kyo kisu kyangu une, bunobuno ubagile ukwakuyenga posa apa gwiganile.&#8221; 16Umwene Sara yo alinkumbula alinkuti, &#8220;Numpele ilumbugo indalama sya siliva elifu yumo (1,000); sisisi syo syakomola ikilugu kangi sikukupelelaga ugwe ukuya gwe nsita nongwa nkyeni mbandu aba ulimo.&#8221; 17Bunobuno Abrahamu alinkupyelesya kwa Kyala, umwene Kyala alinkumbumbulusya Abimeleki na yu nkasi gwake, kangi na babombi bake abakikulu, popapo balinkwenda nukupapa abana. 18Namanga Kyala abigele imbapo bosa aba nnyumba ya Abimeleki panongwa ya Sara, unkasi gwa Abrahamu.</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Ukufuma kula Abrahamu alinkusamila ku kisu kya kwitongo, alinkwakuyenga pakati pa kisu kya Kadeshi ni kya Shuru; alinkwitugala nkaya ka Gerara ukufwana itolo bo yu mundu umponi nkaya akakulumba ka Gerara. Pakubabula abandu Abrahamu alinkunjoba Sara unkasi gwake alinkuti, “Yo ilumbu gwangu.” Popapo Abimeleki, umalafyale gwa kaya kala ka Gerara alinkubatuma abandu ukuti bakamwege Sara bise nagwe kumyake. Loli pakilo Kyala alinkumwisila Abimeleki mu njosi, alinkumbula alinkuti, “Keta, ugwe usumwike pakufwa panongwa ya nkikulu uyo umwegile, namanga nkasi gwa mundu.” Umwene Abimeleki yo akali ukuti ammanye Sara; alinkuti, “Gwe Ntwa, ngimba naloli ukungogaga umundu unsita nongwa? Akaya yo yuyo Abrahamu uyu alimbulile une ukuti, ‘Yo ilumbu gwangu?’ Yope nu nkikulu alitike atile, ‘Ena yo ilumbu gwangu.’ Sisisi syo nsibombile mu nyibonelo inyelu itolo kangi ne nsita kababye nakamo.” Popapo Kyala alinkumwamula Abimeleki mu njosi alinkuti, “Ena, menye ukuti usibombile sisisi mu nyibonelo inyelu itolo, kangi yo yuyune ne nakukanisye ukuti uleke ukutula inongwa kumyangu. Bunobuno ndinkusita nukukwitikisya ukuti umpalamasye. Lilino lelo ungomokesyege unkikulu uyu ku ndume; namanga umundu uyu nsololi umwene ikukwiputilaga po lelo kuponaga kukulwa. Loli linga ukangomolela unkikulu ku ndume, nikukubula ukuti, kufwaga naloli, yuyugwe naba nnyumba yako bosa.”
Bunobuno Abimeleki alinkutemelela nulubunjubunju, alinkubabilikila ababombi bake bosa, alinkubapangila inongwa syosa sisisi; popapo abandu bala balinkuya nulutende fiyo. Po lelo Abimeleki alinkumbilikila Abrahamu alinkumbula alinkuti, “Syo nongwa ngi isi utubombile uswe? Ngimba ngonangile sya fiki ugwe, ukuti unyingisye une mu nongwa ingulumba bo iyi pamopene nubunyafyale bwangu? Naloli umbombile isi sikabagila napanandi.” Popapo Abimeleki alinkundalusya Abrahamu alinkuti, “Ngimba gwinogonaga sya fiki apa gwabombaga sisisi?” Umwene Abrahamu alinkwamula alinkuti, “Nasibombile isi papo natilaga, ninogonaga ukuti abandu ba nkisu iki, aba batikuntila Kyala, bisakungoga une panongwa ya nkasi gwangu. Unkikulu uyu yo ilumbu gwangu naloli, mwana gwa tata, loli tukapapigwa mwa yuba yumoywene mma, po lelo ndinkwenda nukumwega ukuya nkasi gwangu. Lelo bo Kyala ikunyembesya ukufuma nnyumba ya tata, popapo ndikumbula unkasi gwangu ndikuti, kosa kuko tukwakwendaga ukambakisyege une, ukayobege ukatigi, uyu yo ilumbu gwangu.” Popapo Abimeleki alinkwega imbene ni ng'ombe kangi nababombi abanyambala nabakikulu, alinkumpa Abrahamu, kangi alinkungomokesya unkasi gwake Sara. Alinkumbula alinkuti, “Keta, ikisu kyosa iki kukiketa kyo kisu kyangu une, bunobuno ubagile ukwakuyenga posa apa gwiganile.” Umwene Sara yo alinkumbula alinkuti, “Numpele ilumbugo indalama sya siliva elifu yumo (1,000); sisisi syo syakomola ikilugu kangi sikukupelelaga ugwe ukuya gwe nsita nongwa nkyeni mbandu aba ulimo.” Bunobuno Abrahamu alinkupyelesya kwa Kyala, umwene Kyala alinkumbumbulusya Abimeleki na yu nkasi gwake, kangi na babombi bake abakikulu, popapo balinkwenda nukupapa abana. Namanga Kyala abigele imbapo bosa aba nnyumba ya Abimeleki panongwa ya Sara, unkasi gwa Abrahamu.

Počúvaj UBWANDILO 20