Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s">Iesu emaur luwi kele</div><div class="p"> 1Mian ko vitunen ko vajin, nabong ne Sapat osuw ko nial etipatun nga pimraej re nabong womu re wik, ko Merri ne Maktala ko Merri m&#771;inij nen kele oran orwera porlesi dubb. 2Ko nam&#771;i nga milep san em&#771;i, suri anglo san se Numal Atua ojubbul re melrin vini; evini eitini tweni nev&#246;t ne metali, ko esakel ren. 3Non erinrin erpe moro navil ko sunsun sen eraprap temijpal erpe numow. 4Ko nir nga marmetmete dubb armetutue ko aririr lengleng, arirpe jinibb nga marmij nir. 5Ko anglo erij, owrai tevi nesevin nen nuru, &#8220;E, sete kopormetutu, suri nurongwose komorpej Iesu nga mimij re nai pelaot. 6Ni ejki iel. Suri emaur luwi kele, erpe nga muwrai wowomue. Koporini ta koporlesi lat nga mimatur ren.&#8221; 7Nuru orlesi jile osuw, ko anglo owrai kele: &#8220;Koporan pingavil, koporwerai tevi jinibb sen nir nga ni emaur luwi kele pa renge mijen. Ko ni puwowomue kami van re Galili e, ko kapa-lesi ie. Pirpe nga inu mowrai ngel tevi kamru.&#8221; 8Ko orivel lingi dubb ngavilvil tevi metutuen ko neiren nga milep, ko orwolu van porla nale tevi Iesu jinibb sen nir. 9Ko ortaole orsorrvij lengleng Iesu miplari ji nuru, ko owra &#8220;O, erres.&#8221; Ko oran orjipa ngatan jin ko orrul totoni b&#771;elan, ko orsur&#246;vi ni. 10Ko Iesu owrai tevi nuru, &#8220;Sete kopormetutu. Koporan koporwerai tevi tasik nir nga para-wowomu iak Galili, ko para-lesik ie.&#8221;</div><div class="s">Nale se jinibb nuval nir</div><div class="p"> 11Ko daron nga nuru moran e, ko jinibb sopor nga marmetmet dubb nen arluwi van Jerusalem e, ko arwerai tevi jinibb nga marlelep re sulsulen nir nanu jijle nga marpelari. 12Ko nir arkorti tevi b&#771;irtera nga marivi pa jinibb nga marlelep nir ko armurri suri parloli pirpese partawi ore nanu nga miplari. Mian ko vitunen ko vajin arla nev&#246;t elep tevi jinibb nuval nen nir, 13ko arwerai tevi nir, &#8220;Kami kapwerai tevi jinibb nir, &#8216;O, jinibb sen nir arini natmupong ko arvenae tweni niben daron nga nammatur e.&#8217; 14Ko poro numal Paelet purnge nale ngel, ko kem naba-van naba-loli p&#771;irres tevi ni, ko kami sete kapa-la norongen nga m&#771;isij ren.&#8221; 15Ko jinibb nuval nen nir arla nev&#246;t nen evi se nir, ko arloli erpe nir marwerai suri tevir. Ko nosp&#771;en ne gerisen ngel m&#771;eri Isrel nir arsup&#771;e ejpari lelingen ngel malum.</div><div class="s">Iesu errmali ji jinibb sen nir</div><div class="p"> 16Ko Iesu jinibb sen nir esngav&#246;l drromon san (11) arivel van re Galili van re botwen nga Iesu muwrai pa tevir. 17Ko daron nga marlesi ni, ko arsur&#246;vi ni; ko nir sopon sete arosuri erres. 18Ko Iesu evini mori jir, ko owrai tevir, &#8220;Atua elai pa derteren jile tevi inu re nanu jijle ne melrin ko iel ngatan. 19Ngok, kapan re vanu jijle, kapvisviseni jinibb nir, para-ivi jinibb suk. Ko kappaptaes nir re nise Tata suk ko re nise inu Atua Natun, ko re nise Nem&#771;in On. 20Ko kapvisvisenir nga parloli suri nanu jijle nga mowrai tevi kami. Ko kaplesi, inu beptevi kami tetajer, pian pijpari ngatan ngel bongsin.&#8221;</div>
 </div>
 </div>
</div>

Mian ko vitunen ko vajin, nabong ne Sapat osuw ko nial etipatun nga pimraej re nabong womu re wik, ko Merri ne Maktala ko Merri m̃inij nen kele oran orwera porlesi dubb. Ko nam̃i nga milep san em̃i, suri anglo san se Numal Atua ojubbul re melrin vini; evini eitini tweni nevöt ne metali, ko esakel ren. Non erinrin erpe moro navil ko sunsun sen eraprap temijpal erpe numow. Ko nir nga marmetmete dubb armetutue ko aririr lengleng, arirpe jinibb nga marmij nir. Ko anglo erij, owrai tevi nesevin nen nuru, “E, sete kopormetutu, suri nurongwose komorpej Iesu nga mimij re nai pelaot. Ni ejki iel. Suri emaur luwi kele, erpe nga muwrai wowomue. Koporini ta koporlesi lat nga mimatur ren.” Nuru orlesi jile osuw, ko anglo owrai kele: “Koporan pingavil, koporwerai tevi jinibb sen nir nga ni emaur luwi kele pa renge mijen. Ko ni puwowomue kami van re Galili e, ko kapa-lesi ie. Pirpe nga inu mowrai ngel tevi kamru.” Ko orivel lingi dubb ngavilvil tevi metutuen ko neiren nga milep, ko orwolu van porla nale tevi Iesu jinibb sen nir. Ko ortaole orsorrvij lengleng Iesu miplari ji nuru, ko owra “O, erres.” Ko oran orjipa ngatan jin ko orrul totoni b̃elan, ko orsurövi ni. Ko Iesu owrai tevi nuru, “Sete kopormetutu. Koporan koporwerai tevi tasik nir nga para-wowomu iak Galili, ko para-lesik ie.”

Ko daron nga nuru moran e, ko jinibb sopor nga marmetmet dubb nen arluwi van Jerusalem e, ko arwerai tevi jinibb nga marlelep re sulsulen nir nanu jijle nga marpelari. Ko nir arkorti tevi b̃irtera nga marivi pa jinibb nga marlelep nir ko armurri suri parloli pirpese partawi ore nanu nga miplari. Mian ko vitunen ko vajin arla nevöt elep tevi jinibb nuval nen nir, ko arwerai tevi nir, “Kami kapwerai tevi jinibb nir, ‘O, jinibb sen nir arini natmupong ko arvenae tweni niben daron nga nammatur e.’ Ko poro numal Paelet purnge nale ngel, ko kem naba-van naba-loli p̃irres tevi ni, ko kami sete kapa-la norongen nga m̃isij ren.” Ko jinibb nuval nen nir arla nevöt nen evi se nir, ko arloli erpe nir marwerai suri tevir. Ko nosp̃en ne gerisen ngel m̃eri Isrel nir arsup̃e ejpari lelingen ngel malum.

Ko Iesu jinibb sen nir esngavöl drromon san (11) arivel van re Galili van re botwen nga Iesu muwrai pa tevir. Ko daron nga marlesi ni, ko arsurövi ni; ko nir sopon sete arosuri erres. Ko Iesu evini mori jir, ko owrai tevir, “Atua elai pa derteren jile tevi inu re nanu jijle ne melrin ko iel ngatan. Ngok, kapan re vanu jijle, kapvisviseni jinibb nir, para-ivi jinibb suk. Ko kappaptaes nir re nise Tata suk ko re nise inu Atua Natun, ko re nise Nem̃in On. Ko kapvisvisenir nga parloli suri nanu jijle nga mowrai tevi kami. Ko kaplesi, inu beptevi kami tetajer, pian pijpari ngatan ngel bongsin.”

Počúvaj Matiu 28