Obľúbené biblické verše z मत्ती 4

Zdieľať

यिने येशूकी तीला “‘मीतिवा शुब्‍ज्‍याङकी तिराङ सेन्‍बु मुलुवी, यिने कोन्‍छ्‍योककी सुङ्‍गुप तेरी सुङला ङ्‍येन्‍नी सेन्‍बु लुकिवी।’ सिनी कोन्‍छ्‍योककी सुङला टि वे।” सिनी सुङ्‍सुङ।

तमा येशूकी तीला “शैतान, ख्‍युरुङ ग्‍युक! च्‍यिलासिसिन कोन्‍छ्‍योककी सुङला दुक सिनी टि वे, ‘ख्‍योरो चोवो कोन्‍छ्‍योकला तिराङ सोवा तेक, खोला तिराङ शब्‍ज्‍यी पुल।’” सिनी सुङ्‍सुङ।

तमा येशूकी तीला सुङ्‍सुङ, “कोन्‍छ्‍योककी सुङला दुकै साङ टि वे, ‘ख्‍योरो चोवो कोन्‍छ्‍योकला खोक्‍पा माल्‍हा।’”

तमा ती ज्‍युक्‍ला कोन्‍छ्‍योककी थु चाङ्‍माकी येशूला शैतान नेमा खोक्‍पा ल्‍हापला ख्‍येल ज्‍यितुपला दासा पाङ्‍थेरीला टिनी गाल। ते येशू ङ्‍यिमा खल ङ्‍यी सेक ङ्‍यी ताङ नुप्‍ज्‍या ङ्‍युङ्‍ने ज्‍युसिमा खोला ल्‍होवा लानोक।

तमा खोकी तिवाला “ख्‍यिराङ ङे तिङ्‍ला तिङ्‍यो। तमा ङ ख्‍यिराङला ङ्‍या जिम्‍बुप मिन, मीतिवा जिम्‍बुप मी जोयिनो।” सिनी सुङ्‍सुङ। खोकी तुक सुङ्‍सिमा तिवा पिन ङ्‍यिकर ङ्‍या जिम्‍बुप जालतिवा क्‍युर ज्‍याक्‍नी खोकी तिङ्‍ला तिङ्‍यासुङ।

ती पेला नेज्‍युनी येशूकी “ख्‍यिराङ दिक्‍पा ने सेम ग्‍युर! च्‍यिलासिसिन देवाच्‍येनकी ग्‍येल्‍खाप चिप्‍ला राङ वा वे।” सिनी मीतिवाला सुङ ख्‍याप्‍टाक कितुप गो चुसुङ।