Obľúbené biblické verše z Luk 6

Zdieľať

Kipm uk pa, kipm wi. Hi wa kipm wi nmong wail, wutnampen klin notuln waiwai hmpei aken. Kipm alupm nmong tolhai ukwel pa, hi wa Maur Wailen akalmpentepm nmong tolpake.”

Apm tolpake, melnum a kil alupm nikgwalpm arie worwor pa, ekla a kil pa paln kulhor kai wor. Wa melnum a kil alupm nikgwalpm arie paitn pa, ekla a kil pa paln kai paitn. Ekla ur a paln kai ek a melnum pa, pa apm plan tukol nikgwalpm alkilen pa apm tolpake.”

Pake kipm al wakrongen tu wrongmnto alkipm pa, wa ntekgen wor, wa ukwen kweiur kweiur pa tolti, ampur wa kipm kwe. Ekg hi wa kipm wi kweiur kweiur wailet worwor, wa kipm plan kipm alkipm tol kipm warim a Maur Wailen a atn hep hangken kweiur kweiur wrongwailet. Ekg nte, kil pa melnum a ukpma wor tu melnum a ake ukwel wor, wa tu a ntekg paitnpaitn.

Kipm rein tu wrongwailet tol Maur Wailen, Yan alkipmen, rein kipm wrongwailet pa.”

Wa Jisas kil wa la tolpa, “Ampur kipm ari klon melnum ur, pa hi wa Maur Wailen kil ari klon kipm pa yat. Ampur eln wam itna melnum ur kil ntekg paitn pa, pa hi wa Maur Wailen wa eln wam itna kipm ti yat. Wa kipm pa kwan paitnpaitn a mla ur ekg hi wa Maur Wailen wa kwan paitnpaitn alkipmen ti yat.

Jisas kil wa la tolpa, “Pake kupm la nasi kipm melnum a atning yangkipm a kupm la pa, kipm al wakrongen tu wrongmnto alkipmen pa. Kipm al ntekg wor kai ekg tu a ipma paitn ekg kipm pa. Kipm ropon Maur Wailen ekg kil ukwor aklin tu melnum a ropon Maur Wailen ekg kil ntekg paitn ekg kipm pa. Wa ropon Maur Wailen tolpa kil aklin tu melnum a arpm ekg paitnjepm pa yat.

Kipm wakrongen akal tu mla ur aktepm tolhai pa, pa kipm ti akten tolpa hep.

Tol melnum ur ereitn kai tangkokg wompel pa, wa pleln tangkokg wompel pa ekg wa kil ereitn. Aki tol melnum ur nir hapm wakget a kitn nowe ekg kupuk pa, wa kitn wa nir hapm ur a kitn nowe ti wa ukwel, ampur wa lawen. Tol mla ur ak ek la roponteitn ekg kitn ukwel kweiur kweiur pa, kitn ukwel tolti. Wa mla ur wi kweiur kweiur akitn ti ye kai pa, ampur wa kai ekg wa wi ye kul, yaper.

Wa Jisas kil la tolpa, “Yo wor pa ake al ngko ek paitn pa, wa yo paitn pa ake al ngko ek wor pa.

Yo wrij wrij pa apm ari kai yo ek alkil a ngko pake. Mento ake al nel yo fik ek pa kai yo hngkem, aki nel hmpei wain ek wor pa kai hmpei weipmun pa.