Obľúbené biblické verše z Lukas 17

Zdieľať

Ces Yexus txawm hais rau tus ntawd tias, “Koj ciali sawv thiab mus; koj txoj kev ntseeg twb ua rau koj zoo lawm.”

Yog ib hnub nws ua txhaum rau koj xya zaus, tiamsis nws yeej rov tuaj lees rau koj txog xya zaus hais tias, ‘Kuv tau ua txhaum lawm,’ los koj yuavtsum tau zamtxim rau nws.”

Lawv cov ntawd muaj ib tug pom tias nws tej ruas twb zoo tas lawm, nws txawm rovqab los thiab qw nrov-nrov qhuas Vajtswv. Nws txhoscaug ntua ntawm Yexus kotaw thiab ua Yexus tsaug. Tus ntawd yog neeg Xamalis.

Yogli ntawd, nej yuavtsum ceevfaj txog yam uas nej ua! “Yog koj ib tug kwvtij ua txhaum rau koj, koj yuavtsum ntuas nws. Yog nws lees kev txhaum lawm, koj yuavtsum zamtxim rau nws.

Yexus hais tias, “Muaj kaum leej twb zoo huv tibsi lawm; cuaj leeg i ne, ho dua twg lawm?

Tus Tswv teb tias, “Yog nej muaj kev ntseeg luaj li ib lub noob maxataj, nej muaj peevxwm hais rau tsob ntoo zaub kab no tias, ‘Ciali rho hlo cag thiab mus cog rau hauv hiavtxwv!’ ces tsob ntoo zaub kab ntawd yeej yuav mloog nej hais.

Tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu, tus ntawd yuav tau txojsia.

Yexus hais rau Nws cov thwjtim hais tias, “Txawm licas los yeej yuav muaj tej keeb uas ua rau neeg ua txhaum, tiamsis tus uas xeeb lub keeb ntawd yuav raug kev puastsuaj! Tus uas ua rau cov menyuam no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua!

“Tiam uas Nau-as ua neej nyob zoo licas, ces lub sijhawm uas Neeg Leejtub los yuav zoo ib yam nkaus li ntawd. Tej neeg sawvdaws niajhnub noj thiab haus, yuav pojniam yuav txiv, thiab ua tshoob ua kos mus txog ntua hnub uas Nau-as nce mus rau hauv nkoj, thiab dej los nyab tej neeg ntawd tuag tas huv tibsi.