Obľúbené biblické verše z MARK 13

Zdieľať

Huleh ka min jiahin mi zousiah huat na hi diing uh; hizongleh a tawp dong a thuaah tawntung zou, hu mi ngei chu huuhhing in a um diing hi.

A hun diing na heet louh jiahun pilvaang unla, kiging zinga um in haamtei un.

Hizongleh ahung pui va, ahung piahdoh hun chiangun bang ka soi de aw chi'n ngaihtuah khawl sih unla; a huntaha hung kipia chu soi zaw un; ajiahchu a soitu nanguh hilouin, Hagau Siangthou ahi zaw ngal a.

Vaan leh lei a bei diing a: ka thu ahihleh a bei sih diing hi.

Hizongleh hu ni leh hu huntah chu, Pa chauh loungal, koimah in, vaan a um angelte’n zong, Tapa in zong a he sih hi.

Huleh gaal thute leh kidou thuthangte na jah hun chiangun lungdong sih un; hute chu hung tung diing mawng ahi: hizongleh a tawpna chu ahi nai tadih sih diing.

Hujiahin kiging zing un; ajiahchu inn neitupa hung diing hun, nitaah lam aha, jan khang lai aha, aahkhuan in aha, ahihlouhleh jingkal in aha chih na he sih uh. Huchilou inzaw thakhata hungin ihmu in ahung mukha diing hi. Huleh na kawm va ka soi chu mi zousiah kawma ka soi ahi, Kiging zing un, a chi hi.

Ajiahchu nam tuam leh nam tuam a kidou diing va, gam tuam leh gam tuam a kidou diing uh; huleh mun tuam tuam ah ziil a kiliing diing a, kialte leh buainate a tung diing: hi silte chu gentheihna kipatna ahi.

Huleh Tanchinpha chu nam zousiah kawmah soi masat ahi diing hi.

Ajiahchu, Kei Khrist ka hi, chi'n mi tampi ka minin ahung diing va, mi tampi a heem diing uh.

Hizongleh kipilvaang un; ajiahchu vaihawmtute khutah ahung pedoh diing va, kikhopna innte ah ahung vo diing va; huleh keimah jiahin houtute leh kumpite ma ah amah uh heetsahna diingin a hung kipui diing hi.

Ajiahchu Khrist tahlou leh zawlnei tahlou ahung pawt diing va, hute’n chu chiamchihnate leh silmahte ensah in, hithei lehouh teelte nasan a heemkhe diing uh.

Hizongleh hu nite a, hu hahsatna tun zoh chiangin, ni chu a mialta diing a, huleh ha zong a vaah nawn sih diing. Huleh vaan aahsite chu ahung ke diing a, vaan a um silbawl theihnate chu a kiliing diing hi.