Obľúbené biblické verše z SAN JUAN 1

Zdieľať

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek

Aphegkek axta sekxo' agko' ma'a ektaha nak Appeywa, aphegkek axta xamo' Dios, Dios axta anhan ma'a.

Chápogwatchek nahan neyseksa ekyaktesóxma xa elseyexma nak, yawanchek nahan ekyaktesóxma kaspanchesek.

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

Axta keñamak apkeláneya Dios ekyókxoho aksok ma'a, megkalanaxchek axta ekyókxoho aksok ekhágko nak, méko enxoho m'a ektaha nak Appeywa. Yetnegkek axta nahan ekyennakte egnenyek ma'a. Elseyexma axta m'a ekyennakte egnenyek nak yakwayam enxoho kalsásesexma apyókxoho énxet'ák.

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

Aphegkek axta náxop xa ektaha nak Appeywa; apkeláneyak axta eykhe anhan Dios keso náxop eñama xa ektaha nak Appeywa, axta eyke elyekpelchék énxet'ák apheykha nak keso náxop. Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.