Obľúbené biblické verše z Yaahaya 3

Zdieľať

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Wakhula otule aninkhupalaaye khamphukiwa, ila otule ahininkhupalaaye aphukiwa, mwaasa wa ohikhupali nzina la Mwaana mmote paasi wa Nluku.

Ophukiwa waya pi opu; nuuru yata voolumwenku, ila atthu khupheta yiiza, khwiiphiiriwa ti nuuru, mwaasa wa menttezi aya aari ootakhala.

Enihithajiya yoori ye awule na miiyo kijipushuwise.”

Otule anrettaaye zootakhala oniiphiiriwa ti nuuru na wala kheepu waattamela nuuru ontakha yoori khaazi zawe zihooneye.

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Nkhama etthiipo Munsa alansiyeeyo nyookha n'yaara, etthiipo theenya enihithajiya Mwaana wa Pinaatamu wiiya woolansiwa

Paapa onimpheta Mwanawe na zooshi attha mmakhono mwawe.