Obľúbené biblické verše z Ioane 14

Zdieľať

Amea amea mo riomu nebeedei mo himia amea rioido ainimaati. Batibati oubi auwoha kimaai na nei aibo, moro rioido imaai biahai. Rio imini godogodo iraromodioumo aue wia rio iminiwa tore iatimo aue.

Iesu nouido naiba iaowa; Movia naveri wia naihehari wia kiirori. Dubu amida Abeaido orohomo raihe ina nou momu ko’u biahai.

Rio himia giopu mibo imahebidioumo aue; rio Iehovaido airiraromodiodumo, moido naiba tararomomo.

Wia nouri Kiwabatuti‐urio, nouvia Tana‐uriori, Abea mo painaito nouro nou aiwauro otiodoi. Nana auwoha nouro rioido aiwai‐atomuai, wia nouri nana auwoha mo rioido nou naro, Nouro rio iminito iraromodioi aiwaiwai.

Dubu nou mo wade modobo iworohowa wia naibaha idodiaiwawa, nouri dubu nou mo niro remahebidio wia dubu nou mo niro remahebidiowa mo Abearo nou niro aiwamahebidioi wia moro naiba nou niro ainamahebidioi wia moro nouido mo himia ainarowaeviai.

Wia mo Abeaido moro pupuito natodoi, wia Kiwabatuti‐urio ata Nouro rioido aiwauro‐imaai ina nou riomu karaeito wamidioi. Nouri nou Naiheha‐uriori wia batibati oubi auwoha neiio nouido oroobuaimo raihe, mabu nouri neiio nou eaurimo biahai wia neiio nou umo biahai; ata rio nou umori mabu nouri nou riomu remidiodio wia doo nou rio himia turihawa aiwamidioi.

Wia nana auwoha rioo mo painaito aiwaimo‐atodoi, nouri nana moro ainai‐idodiai; nou aibo Abea nou moari aiwaiti nou himia Meremu. Ina rioo amida nana auwoha mo painaito iatoromowa, moro ainai idodiaiwai.

Ina rioo mo niro imahebidiomowa, mo wade modoboito taidodiaimo.

Mo himia Abea daimowa, daimo turi godo‐godo airiadumo, ina nou nou aibo biahai moro rioido banaro; mai no’u rioido bati ata meaha imododiai.

Ina mo aino’u rio bati ata meaha imododiai, mo ina ainauro‐araiwai wia rio moro ainai‐obuai mo himiaido, ina mo kemidio batii nouowa rio nouowa aiwaimo‐emidioi.

Toma nouido naiba iaowa, Pai‐dubu e, ro tou batito wairi o’ui, imo umo biahai wia imoo navenu umo taiba naimoiti?