Obľúbené biblické verše z मत्ती 24

Zdieľať

हर तरफ अधर्म-ही-अधर्म फैली जाणा तिसते जे कई विश्वासी लोकां रा प्यार परमेशरा रे कने इक्की दूये रे परति नीं रैहणा, पर सै जे आखिर तक माह पर विश्वास रखी रखगे, सैई परमेशरा बचाणे।

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

तुहां नेड़े री लड़ाईयां री गल्लां या दूरा री अफवांह सुणनियां, पर देक्खा तुहें घबराई नीं जायों काँह्भई येढ़ा त हूणा इ हाया, पर हल्तियें अंत नीं आईरा।

हर इक्की जातिया दुज्जिया जातिया रे बरोधा च खढ़ना, कने इक्की देशा दुज्जे देशा रे बरोधा च खढ़ना, कने जगह-जगह नकाल़ पौणे, कने हिल्लण हुणे। ये गल्लां पैहले हुणियां, पर ये तियां हुणियां तियां जे इक औरत बच्चा जणने ते पैहले दर्द सैंई फेरी बच्चे जो जन्म देईं।

इक दिन अकाश कने धरती खत्म हुई जाणे, पर मेरा बचन कदीं नीं मिटणा।

हऊँ ये इस खातर बोलीराँ भई येढ़े कई ये तिन्हांजे मेरा नौं लेईने औणा कने बोलणा ‘हऊँ मसीह आ,’ कने तिन्हां मते लोक भरमाणे।

“फेरी तुहांरे शत्रुआं तुहांजो सताणे खातर पकड़वाणा, कने तुहें मरवाई देणे, काँह्भई मांह पर विश्वास करने रिया वजह ते सारी जातियां रे लोकां तुहांजो बैर रखणा। तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा। बौहत सारे झूट्ठे भविष्यवक्तयां औणा, कने तिन्हां बौहत सारे लोकां जो धोखा देणा।

यीशुये तिन्हांजो जबाब दित्या, “हऊँ सिर्फ तुहांजो येई बोलणा चाँह भई हुणे औल़ियां घटनां रे बारे च तुहांजो कोई धोखे च नीं रक्खो

इस खातर तुहें बी त्यार रौआ, काँह्भई तिसा घड़िया रे बारे च तुहें सोच्चया बी नीं हुंगा, तिसा घड़िया माहणुये रे पुत्रा आई जाणा।

इस खातर तुहें लोक खबरदार हुई जावा काँह्भई तुहें नीं जाणदे भई तुहांरे परमेशरा किस दिन औणा।

“तिस दिना कने तिसा घड़िया रे बारे च कोई किछ नीं जाणदा, न स्वर्गा च स्वर्गदूत कने न खुद पुत्र, पर सिर्फ पिता परमेशर जाणाँ।

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

तेढ़ा जे नूँह रे दिनां च हुया, तियां इ माहणुये रे पुत्रा रा औणा बी हूणा। काँह्भई तियां इ तियां जे लोक जलजला औणे ते पैहले रे दिनां तक खान्दे-पीन्दे रै, ब्याह करदे रैये, तदुआं तक जे नूँह जहाजा पर नीं चढ़या। कने ताहलुआं तक जे जलजला आईने तिन्हां सब्बीं जो बहाई ने नीं लेईग्या, तदुआं तक तिन्हांजो कोई पता नीं था; तियां इ माहणुये रे पुत्रा रा औणा बी हूणा।