Obľúbené biblické verše z YUHANIS 6

Zdieľať

Katau Yesus, “Akunila makanan diau ngenjuakka iduptu. Jemau diau datang njenguak Aku nidau ka lapagh agi, mangku jemau diau percayau ngan Aku nidau ka aus agi.

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

Yesus nimbal, “Inila diau dikenda'i Allah ngan kapu dighi: Percayaula ngan Aku diau diajung Allah.”

Gegalau jemau diau dienjuakka Bapak ngan Aku ka datang njenguak Aku, mangku jemau diau njenguak Aku, cetau nidau ka Kutulak.

Katau Simun Pitrus, “Tuhan, amun kami pegi, kami njenguak sapau? Kici'an Dighi ajau diau ngenju'i idup empai selelamaunyau!

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

Nidau sughang kia pacak datang njenguak Aku, amun ukan BapakKu diau ngajung Aku mbata'inyau njenguak Aku. Mangku jemau diau njenguak Aku ka Kuidupka masau aghi kiamat.

Karnau makanan diau jak di Allahtu makanan diau tughun jak di sergau diau ngenjuakka idup ngan deniauni.”

Akunila makanan diau ngenjuakka idup.

Diau la duduak galau, Yesus ngambiak ruti itu, bedu'a beterimau-kasia, mangku diagiakaNyau ngan jemau banyak itu. Luak itula pulau dibuatAu ngan ikan tadi, mangku ughangtu makan enggut kenyang. Jemau la kenyang galau, mangku Yesus ngajung anak-buaHau, katauNyau, “Lungguakkala tigha ruti tadi, mangku jangan adau diau mbuang!”

La bedayung limau enam kilu ughangtu nginak Yesus bejalan di pucuak ayiak masighi perawutu, mangku ughangtu takut kematila. Yesus ngiciak ngan ughangtu, “Jangan penakut! Ini Aku!”