Obľúbené biblické verše z Yoana 6

Zdieľať

Kolimokini Yesu kesi ebe, “Arait eong' emugati lo ejaasi ka akijar, ng'ini ni ebuni nama kang', mam kiirari eteng'e. Bobo ng'ini ni iyuuni eong' mam cut akure kaari.

Erait Emoyo nes einananakini akijar, emam adumunet apede kakwana. Akiro nu alimonoki eong' osi eraasi emoyo kiton akijar.

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Naarai nu nes nu ekote Papa kang', ebe itemokina ng'ini kere ni anyuni Okoku kosodi akiyuun nesi ajaus ka akakijar na emam kedaun. Bobo etajaruni eong' nesi kaparaan kanaka esial.”

Kinyakakini Yesu kesi ebe, “Nu nes aswam nu ekote Akuju osi kisomata: akiyuun osi nesi ng'oli lo kijukuuni nesi.”

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Kosodi Simon Petero akinyakakin nesi ebe, “Lokapolon, namaka ng'ai ilosiete siong'? Ijaasi ijo ka akiro nuka akijar naka ikaru kere.

Arait eong' emugati lo ejari lo ejesun alomun kokuju. Kenyam itwan kijokin emugati lo, ejari nesi ikaru kere. Bobo emugati lo alosi eong' alemun kanuka akijar ka akwap erait akwaan kang'.”

Emam itwan ipede ni epedori abunore nama kang' kemam Papa lokejukuun eong' kenyarauti nesi. Bobo etajaruni eong' nesi ka apaaran kanaka esial.

Naarai emugati loka Akuju erait ng'oli lo ijesuni kokuju ka ainakin akwap akijar.”

Araiti eong' emugati loka akijar.

Kolemuni Yesu imugatin, kedau akiyalamikin, kokorakini ng'ulu lukiboyete; ng'ini itung'anan kwape kekotor, kisomakini nesi ikole de kong'ipe kong'in. Kedautu kesi akinyam kakimonikin, kolimokini nesi lukesisiak keng' ebe, “Kotukonokisi ararasia nu edeunosi tetere emam ibore ipede ni ecakaro.”

Kedautu kesi elotete loka amailoi bala auni arai awong'on, koanyunete kesi Yesu elosi kakar, apuut ataker. Abutu kesi koriang'utu noi, konye kolimokini Yesu kesi ebe, “Mam akurianu, erait eong'.”