Obľúbené biblické verše z मत्ती 5

Zdieľať

कने माणु दीय्ये बाल़ी नैं टोकरुये थल्लैं नीं अपर वरैक्टा पर रखदे हन, कने तिस नैं घरे दे सारे लोकां जो लौ पुज्जदी ऐ। तिंआं ई तुहां दी लौ माणुआं दे सामणै चमकी नैं सैह़ तुहां दे खरे कम्मां जो दिक्खी नैं तुहां दे पिता दी, जेह्ड़ा सुअर्गे च ऐ, तरीफ करन।”

तुहां संसारे दे लोकां तांई जोतिया साइआं हन। जेह्ड़ा सैहर प्हाड़े पर बसेया ऐ सैह़ कदी छुपी नीं सकदा।

धन हन सैह़, जिन्हां दे मन साफ हन, क्जोकि सैह़ परमात्मे जो दिक्खगे।

धन हन सैह़, जेह्ड़े धार्मिकता दी ज़िन्दगी जीणे तांई भुखे कने प्यासे हन, क्जोकि परमात्मा तिन्हां जो तृप्त करगा।

अपर मैं तुहां नैं एह़ ग्लांदा ऐ, कि अपणे दुश्मणा नैं भी प्यार रखा कने अपणे सताणे आल़ेआं तांई प्रार्थना करा।

“धन हन सैह़, जेह्ड़े मने दे दीन हन, क्जोकि सुअर्गे दा राज्ज तिन्हां दा ई ऐ।

धन हन सैह़, जेह्ड़े इक्की दूये सौगी मेल करवाणे आल़े हन, क्जोकि सैह़ परमात्मे दे बच्चे कैहलांगे।

धन हन सैह़, जेह्ड़े अफसोस करदे हन, क्जोकि परमात्मा तिन्हां जो सांति दिंगा।

धन हन सैह़, जेह्ड़े धार्मिकता दे कम्मां दिया बज़ाह ते सताये जांदे हन, क्जोकि सुअर्ग दा राज्ज तिन्हां दा ऐ।”

धन हन सैह़, जेह्ड़े दया करणे आल़े हन, क्जोकि परमात्मा तिन्हां पर दया करगा।

“धन हन तुहां, जाह़लू माणु मेरिया बज़ाह ते तुहां दी निंदा करगे, कने सतांगे कने झूठियां गल्लां ग्लाई नैं तुहां दे खलाफ हर किस्मां दियां बुरिआं गल्लां ग्लांगे। ताह़लू खुस कने मग्न होनेयों क्जोकि तुहां तांई सुअर्गे च इक्क बड़ा बड्डा इनाम रखेया ऐ। इसतांई कि तिन्हां लोकां भविष्यवक्तां जो जेह्ड़े तुहां ते पैहल्ले थे इसी तरीके नैं सताया था।”

धन हन सैह़, जेह्ड़े नम्र हन, क्जोकि सैह़ धरतिया दे अधिकारी हुंगे।

“तुहां संसारे दे लोकां तांई धरतिया दे लूणै साइआं हन; अपर जे लूणै दा लूणकापन चली जां, तां सैह़ भिरी कुसा चीज्जा नैं लूणका कित्ता जांगा, भिरी सैह़ कुसी कम्मे दा नीं ऐ, सिर्फ इसदे कि बाहर सट्टेया जां? कने माणुआं दे पैरां थल्लैं लतुयैं।

इसतांई चाइदा कि तुहां हमेसा सैई करा जेह्ड़ा भला ऐ, जिंआं तुहां दा सुअर्गीय पिता भला ऐ।

अपर तुहां दी गल्ल ‘हाँ दी हाँ’ या ‘ना दी ना होयैं,’ क्जोकि जेह्ड़ा कुच्छ इसते जादा हुंदा ऐ सैह़ सैताने ते हुंदा ऐ।

“कने तुहां एह़ भी सुणेया ऐ, कि व्यबस्था च ग्लाया था, ‘अखी दे बदले अख, कने दंदे दे बदले दंद।’ अपर मैं तुहां नैं एह़ ग्लांदा ऐ, कि बुरे दा बदला मत लैंदे, बल्कि जेह्ड़ा कोई तेरिया सज्जिया खाखा पर चपेड़ मारे, तिसदे गांह दूईआ खाखा भी करी देआ।

जे तेरी सज्जी अख हुंदे भी तिज्जो ते पाप करवांदी ऐ, तां तिसायो कड्डी नैं सट्टी दे। क्जोकि तिज्जो तांई ऐई बधिया ऐ कि तेरे अंगा च इक्क नास होई जां तां तेरा सारा सरीर नरके दिया अग्गी च नीं सट्टेया जां। कने जे तेरा सज्जा हत्थ हुंदे भी तिज्जो ते पाप करवांदा ऐ, तां तिस जो बड्डी नैं सट्टी दे; क्जोकि तिज्जो तांई ऐई बधिया ऐ कि जे तेरे अंगा च इक्क नास भी होई जां तमी तेरा सारा सरीर नरके नीं सट्टेया जां।