Obľúbené biblické verše z Jone 6

Zdieľať

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Nio Jisu ta o mati tiorikake, “Vo Baṉara okai zariako iruruputo tu me ereko ta eri. Meta tuvevo puelomo aṉa vo o soroelani lala,” kiolake.

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi

Nio Saimone Pita ta o vati tiorikake, “Lekasa, lala kasi nio eṉe ṉeba ziovoa koi? Ako ṉoṉo qiada inio ṉo buarikani ṉa ko ṉisa saevo ko pesio sole.

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Puliala ta o roveovou kilo aṉa kasi, aṉavo Mama pui o odievou tu o kilo aṉa kasi, vo o soroeleni aṉa. Ni aṉata a jaevivou vo o kilo ala aṉa kasi tovama ṉaniu kale.

Ako koa bereti vo Baṉara o puarikake ta ko kueva aukale azo ni kota ko katima ko saevo peuru ma peuru kale amu,” kiolake.

Aṉata saevo ko bereti lala.

Sai nio Jisu ta opa koake koa bereti ni o kati petaoke Baṉara kasi, ni vota oma puarikake sea maba poso sai ke papuani. Ni koa omadeuvo jari oma ikake koa omuqa niuniu. Ni sea kiadamu ta kekai atapake. Ni so keru sea kiadamu ke atape keru inio Jisu ta eri kiolake voko disaipeli madu kasi, “Niaquekomo koa sailao koko palakiako ni koko nieuvako, animeta pui me niumaeko,” kiolake.

Ni se disaipeli madu ta lula ke qelutake zouke ma ariku maelo tinia vaṉa ni toupa ko kolo tiania keta baroake pado inio ke veake vo Jisu obeta taliake toupa ko ju topi, obeta olake koaka ko sipole, ni seta keta matu ṉake. Nio Jisu ta eri kiolake matuma kora kale, “Meta pui ṉalo; aṉata Jisu lala inio,” kiolake.