Obľúbené biblické verše z Jɔn 6

Zdieľať

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Yeso n beeli ndòw ghə nə̀, “Ghəə zey Zə̀ kə ləghənə nə̀ ghaa ghəŋə, a loʼ nə̀ ghaa bəghəm tə̀ wù wey tə tûm bənə.”

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

Wù maŋ way dzə ni bə doʼo dzə ghi mə, à may kə nə̀ a wi ney bə Bày wey tə tûmnə mə. Sey mə î zhəm dzəŋŋə bə wi, tə keeli imuu n tsuʼ fey mbi nə̂ maynə tii.

I loʼ nə̀, baa key Zə̀ kə fuunə loʼ wù wey tə tsuu bənə idəŋ, a loʼ baa kə tii kə, kə fuunə muu zə tə̀ mbi idzəm.”

N loʼ baa key kə fuunə muu zə.

Yeso n daŋŋə ney kɔʼ kəbaa, fuu ndòw zɔŋɔ K-a-zə̀, dzaw fu ndòw tə̀ ghə̂ ghey ghə â doʼnə fu. Tə n ghəŋə tsu soʼo ighələ ghi tsəghə tey, ghə̂ ghən adzəm n keeli ufəzəə ndəm tə ghə ləghənə. Ambə ghə zə̂ kow tsunə, Yeso n dza ndòw tə̀ ngəd tə wi tə nə̀, “Kûmmə bə na boʼo mey n doʼo səənə, kə̂ a nə̂ nyabə maʼanə fə̂ kə loʼ kə.”

Ambə ghə bàŋ nyi nay ndòwnə fə̀n kə tə a loʼ tam tə ji tətaa nkee tətuubə n fə̀ŋ ə inyi, ghə n koʼ Yeso tə bwey bənə n tow kə inyi, bəghə n səə kəfə̀n. Tsəŋ zə n kwu ghə. Yeso n dza ndòw tə̀ ghə nə̀, “Ka na tsəŋ dzə, a loʼ Mə.”