Obľúbené biblické verše z Génesis 13

Zdieľať

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Ca co'na' ỹoxogue so Lot, ca' ñi qara'gaxala' 'naaco' queso Abram: —Quenajo viise'e, ca' ra'iitegue da rapiguim chaqai da 'guiñi, lqodoigue chaqai da lauashiguim.

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Ca' 'uo' so na'xa'a, ca' so Abram 'naaco' queso Lot: —Qomi' neuo' lase'. Ca' se ỹa'maxañi quiyim 'ue quet ca se ỹa'maxañi coqomi', chaqai quenaua relaataxahi' chaqai quenaua ilaatqa.

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)