Obľúbené biblické verše z मत्ती 16

Zdieľať

ओःले येशुइ राःङगीइ योबाक्याला लाःसी, “सुङ ङाःइ योबा ओःङेन सेम पेःउए लाःना, खुङगीइ राःङलारा टेःम्बा साल्ज्युक, ओःले राःङगीइ क्रुस खुर्ती ङाःइ तीङ्ला ओःङ्ज्युक।

ताः ङाः ख्योला लाःके, ख्यो पत्रुस इःङे। ङाः ङाःइ कोःम्सा दी च्यार्का तोःखाला जोगे, ओःले ङ्‍याल्वाइ ल्हेइ दीखोला क्याःल्जे मीःखुगेन एः।

नाःम्खालीङगीइ क्याःल्खापकीइ दीमीकक्या ङाः ख्योइ लाःक्पाला तेर्के। ख्योइ दी साजाम्बुलीङला ची ताःम्बा, ओःखो नाःम्खालीङलाङ ताःम्ङेन एः, ओःले ख्योइ दी साजाम्बुलीङला ची ताङ्बा ओःखो नाःम्खालीङलाङ ताङेन एः।”

चीलेलाःना काःखोइ राःङगीइ मीःली सेन्च्युजे छोल्गुबा, ओःखोइ नाःमाङ मीसीगेन मीःजी सीच्युगेन एः, इःनाङ काःखोइ राःङगीइ मीःली ङाःइ लागी सीच्युबा, ओःखोइ नाःमाङ मीसीगेन मीःजी ज्योर्केन एः।

मीःइ थाम्जेर जाम्बुलीङरा राःङगीइ लाःक्पाला लेःङ्नाङ राःङगीइ नाःमाङ मीसीगेन मीःजीदी सीच्युसी लाःना, खुङला ची क्युःक्सो काःल्बा ले? चीलेलाःना खुङगीइ सीच्युक्योक नाःमाङ मीसीगेन मीःजी फीर्च्या लोदी ख्योङ्जेला राःङ्सा चीङ ताम एःपा ले?

येशुइ लाःसी, “ओःले ख्योक्याइदी ङाःला सु इःङे लाःकुबा ले?” सीमोन पत्रुसकीइ लाःसी, “ख्या सोम्बो कोन्ज्योइ पुः, थार्च्युगेन ख्रीष्ट इःङे।”

येशुइ खुङला लाःसी, “ए योनाइ पुः सीमोन, ख्योइ काःजे मोलाम ज्योर्ती एः! दी ताम ख्योइ मीःलाःम्‍ले कोःदी लाःक्योक मीःङे, दीखो नी नाःम्खालीङला तेःकेन ङाःइ आबा कोन्ज्योइ ख्योला तेर्क्योक इःङे।