Obľúbené biblické verše z یوہانان 13

Zdieľať

نگے کھیوجاگونلا حُکم سوماجیگ تانّگاد، چیگ تانگ چیگّا چامسپا چوس۔ نگے کھیوجا چامسپا چوا تسوگسلا، کھیوجاگونّیانگ چیگ تانگ چیگّا چامسپا چوگوس۔ تیبوے میژانگمالا کھیوجاگون نگے لوبٹوگس اینکھانبو شیساین، کالتیس کھیوجے چیگ تانگ چیگّا چامسپا چونا۔“

تا نگا کھیوجاگونّی لوبپون تانگ مسیح اینین جیگ کھیوجے کانگپا ٹھوادنا، کھیوجاگونّیانگ چیگ تانگ چیگی کانگپا ٹھوگوس۔ نگے چوسکھانگون کھیوجیانگ چوچیسّی پھیا کھیوجاگونلا نگے سپیجیگ ستانتے این۔

حضرت عیسیٰ سی کھوا لانسالس، ”نگے چوکھانبو داگسا کھیورانّگا ہامیگو، اِین نانگ ستینگنے ہاگواین۔“

نگے کھیوجا لدینبا لدینبا زیرّاد، یوگپو سپونبوے سانگ ٹاگا مانوگ، یانگ لون کھیونگکھانبو لون کالکھانبوے سانگ ٹاگا مانوگ۔

تا کھیوجاگونلا یگون ہاگوتے اینوگ۔ ایگونّیکا لاگلین چونا برکت تھوبین۔“

تینے کھونگ چوگتسے لدُونلا جانگس یانگ رانگی کھاتھوگی نامزا پھودّا زادستے لاگپھیس چھینموجیگ کھونگرانگی سکییدپا ثیلّا زادس۔ تے ستینگنے کھونگی چیلیمچیی نانّگا چھو لوگستے کھونگرانگی لوبٹوگسگونّی کانگپا ٹھوچیس گوزوگ زادتے سکییدپا ثیلّا زادکھانّی لاگپھیس چھینمو نیامپو پھیازادس۔