Obľúbené biblické verše z یوہانان 16

Zdieľať

نگا نیامپو ڈیل یودچیسپوے، کھیوجاگونلا جیدے تھوبچیسلا نگے ای سپیراگون زیرتے این۔ ای دُنیائی نانّگا کھیوجاگونلا ردوگنگال تھونگین ، اِین نانگ سپوسپا بورشیگ، دُنیائی وانگثولپاگونّیکا نگا گیال تھوبتے این۔“

میگون ٹانگپوے چھوگسلا ٹھیدکھان ہلژخمہ رُوح سکیودّاچیگ، کھیوجاگونلا خُدے لدینبے لام ستانّا زادّانوگ۔ کھونگی کھونگرانگی چھوگسنے مامولّا یابنے تشورکھان چیگپو مولّانوگ، یانگ کھیوجاگونلا یونگچیسچانّی توسّی سکورلا شادّا زادِین۔

کھیوجے داگسا تشوگپا نگے مینگی نانّگا نگے یابّا چیجیگی پھیانگ ماجوس۔ جونا کھیوجاگونلا تھوبین یانگ تھادپو گانگپو تھوبین۔“

اِین نانگ نگے کھیوجا ٹانگپوذیرّاد، نگا یکانے چھاچیسپو کھیوجے پھیا پھانتھوگسچان این، چیازیرنا نامتشوگپا نگا میچھا تے روگس زادکھانبو کھیوجیکا میسکیود، اِین نانگ کالتیس نگا چھانا نگے کھونگ کھیوجیکا کالین ۔ کھونگ سکیودّاچیگ، کھونگی دُنیائی می گونّی دِیگپا، ٹانگپو تانگ خُدے ٹھیمسچاد گُونی سکورلا سامتشولبو نورتے اینکھان ستانّا زادِین۔

تینّا تسوگسلا، داگسا کھیوجے ردوگپو چوین، اِین نانگ نگا کھیوجا یانگسکیار تھوگس پاسانگ کھیوجاگونلا تھادپو یونگین۔ کھیوجے کانے تے گاموبو سوینگ کوگستے کھیر مینیان۔ تیتوسلا کھیوجے، نگا چانگ ٹیچیسّی گھوسدوم مییونگ۔ نگے کھیوجا لدینبا لدینبا زیرّاد، نگے مینگی نانّگا کھیوجے نگے یابّا چیجیگ ژونانگ سالّا زادِین۔

نگے کھیوجا لدینبا لدینبا زیرّاد، دُنیائی می گونّی گامو چو زانے کھیوجا نگواین، ردوگپو چوین۔ کھیوجاگونّی ردوگپو چوین اِین نانگ کھیوجے ردوگپو تھادپوے نانّگا گیورین۔