Obľúbené biblické verše z युहान्‍ना 12

Zdieľať

कोइङा आङाना सेवा चोगुटु भोने हिट्‌नाङा आङा डोक् याङ्उरिक्‌याक् हिट्‌नुङ् आङा खोनि खोनि लिङा आङाना सेवा काचोक्‍बा चा हिट्‌नि लियुक्॥ कोइङा आङाना सेवा चोगुटु भोने पाबाङा हिट्‌ना मान् चोगुटु॥

कोइ याप्‌मिङा ओचोला आड्‌डिक् माया चोगुटु भोने हिट्‌नाँ हिट्‌ना मासुटु, टरो ओचोला ना नाराङि पाक्‍चा माखाक् नुङ् माट्‌टुटु भोने हिट्‌नाँ लाट्‌निना चोला लोङ्‌सा हिट्‌ना जोगाँ चोगुउङ् युङ्‌सुटु॥

छेम्‍बा डोक्, आङा खानि लोनाँनि, गाहुँङाना ओगेडा खाम्‌ङि ठायुङ् सिनेट्‌नि भोने हिट्‌ना हिड्‌डे डोक् लियुक्॥ टरो हिट्‌ना सिए भोने एडोक् जोम् चालिङ् केङुटु॥

आङा बिस्‍वास काचोक्‍बा साक्‍चा डुम्‌ङि उलिनि चा नुङ् आङा नाराङिना व्‍हाङ् लिसाउङ् टाइसाङे॥

कोइङा आरिङ् खेम्‍सुङ् पालान् चोगुन्‍ना भोने, आङा हिट्‌नाङाना न्‍याए चोक्‌निङ्‌ना, पोङ्‌भोने आङा नारा न्‍याए चोक्‍ङा माखाक्, टरो नारा हिङ्‌मेप्‍माउङ्‌सा टायाङ्‌ना॥

हिट्‌नुङ् मारियामङा जाटामासिलाम्‍मा चोक्‍बालाक् ओफारा लिटार आड्‌डिक् माहाङ्‌गो बुङ्‌बुङ् नाम्‍ना आट्‌टार आप्‍टुए हिट्‌नुङ् येसुङाना ओलाङ्‌ङि नेक्‍टुबिडुङ् ओफ्याक्‍ङा टुगुबिडुए॥ हिट्‌नुङ् हिट्‌ना आट्‌टार बुङ्‌बुङ् नाम्‍साउङ् पाङ् डोक् इप्‍टुए॥

हिट्‌नुङ् याप्‌मिचि खाजुर उभुङ्‌माङाना ओहागेप्‍पाचि ओयाङुङ् नाड्‌डे पिक्‍सा उन् स्‍वागाट् चोक्‍ङा राट्‌सा ओहोन्‍डे, “होसान्‍ना, टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु! इस्‍राएलङिना हाङ्‌बा लाउङ्‌सा माङ्‌हाङ्‌ङा आसिक् पिडुटु!”

येसुङा हिट्‌नागाचि लोडुचे, “हाट्‌ले याप्‌मि छाङाना माहिमा लिमाना बेला टाइसे॥