Obľúbené biblické verše z Yoane 15

Zdieľať

Ani ajalaŋi, bwo itai atanata. Ol ogolik’to jihoŋ bwo ni jihonyi oŋiju inyi aŋer arryai. Nyo al ilamajata tai jihoŋ ibyaŋata tai iremehina ihanio obo ariŋ.

Ogolihina jihoŋ bwo fe ni agolik jihatai. Ihwa obeŋ atanati ajalaŋi oremik ŋijuna aŋer honyi hama bwo obeŋ iryata ilajalaŋi obeŋ obo alatai oremik ŋijuna aŋer many igolihiniete tai jihoŋ.

Al igolihina tai jihoŋ bwo ekyanita hoŋ ogolihini jihatai, ifiyete anyo iwahata tai bwo inyurana adi itai.

Ibyaŋata tai inyimuna ani ati anyimu ni itai ette ifahina itai jo oŋida ifwatta tai ŋijuna aŋer. Bwo fe oŋida aŋer hatai arasahinie bwo fe te erre daŋ hun ifiyete tai jyo Monyoŋ ta afure hoŋ isyo adi inyi jihatai.

Obeŋ obo atulo oremik itahutana amuno agalik ana jo oye inyi imaji illarak honyi.

Isisalutta inyi atanata hoŋ omuk hun obeŋi’to oŋiji bwo oŋututta inyi atanata daŋ hun oŋiji’to jo oŋida inyyahi ŋijuna arryai.

Efahi hoŋ ana, omunoti illarak hatai ihwa an amunori ni itai.

Ta aŋijuna haŋer iko aratan aheyiyanak hoŋ itahabuyete tai Monyoŋ.

Ani ajalaŋi ahode bwo Monyoŋ ahedulani ajalaŋi.

Al obeŋ obo ogolik jihoŋ irwoŋoro inyi alet ihwa atanati iyohojori. Atanata hunia aharanyuni isi ette irwoŋonia ihima iswahiniere.

Eramak ni itai erre huna jo oŋida amuno hoŋ arasa jihatai bwo fe oŋida amuno hatai ifut.

Al igotyete tai efahita hoŋ igolihina adi itai imuno hoŋ ihwa en efahari ni efahita Monyoŋ bwo fe agolik ni imuno honyi.

Efahi hoŋ ana, omunoti illarak hatai.

Irata dwo itai ahulo afau ana omunoi dwo aati hulo itai ihwa illarak hosi, ati ibyaŋata tai irata hulo afau ana nyo anyimu ni itai jyo afau ana, inyi on oliwarik aati itai.